Jone 10:21 - Buka Blahi Ka Cheke Holo

²¹ Keha naiknore ne cheke eghu, “Theo. Mae te au naitu na theome tangomana te cheke eghu na. Naugna naitu na theome tangomana te fakelini tathagna mae te dofu na.”

Jone 10:21 ပူးပေါင်းရင်းမြစ်များ

Eksodas 4:11

Lord ne cheke eghu ka mana, “Ihei teke eni foflogna naikno na? Eghuteuna ihei te mala eni naikno na te mala megli ba te mala theome lase cheke na? Ihei te mala eni naikno na te mala fifilo na, ba te mala dofu na? Iara Lord, iara ngala tangomana te edire glepo igre.

Matiu 11:5

Iara gognarona fakelidi naikno te dofu, naikno te blughu, naikno te thubu biꞌo, naikno teke megli, fakarha fapulodi naikno teke lehehi, nei toutonuni Nonomho te Keli na ka naikno te kumare.

Nodi Khoje Hatimare Mae Jiu 94:9

God ngala teke vuavuhadi khulida tahati gre! Ba? God na ne megli neu si ghotilo ia? Mana ngala teke vuavuhadi tathada tahati gre! Ba? God na ne dofu neu si ghotilo ia?

Jone 9:6

Ke leghugna te chekeni igne mae Jisas ne kmisu ka thagru glose na ne edi keha chopu ne puipuki ne muki ka phia tathagna mae te dofu na.

Matiu 4:24

Thoutonu eigna mae Jisas na ne tei tongana heva heva ka Provins Siria, eghuteuna mare hata ne mei ka mana naikno te gnafa te fogra re. Naikno igre au tadi soasopai khabru. Keha au naitu, keha snosnogho, nei keha lehe ghahedi nei khamedi teure. Tutuani, mae Jisas ne kafe fakarhadi.

Proveb 20:12

Lord tusu ranghi ghita tatha mala fifilo, eghuteuna khuli mala fanomho.

Nodi Khoje Hatimare Mae Jiu 146:8

Mana tothora tathadi iheire te dofu nei togho haghedi iheire te au pari lahu ka nakarhadire. Eghuteuna mana namhadi nei toghodi eghu fabrahu iheire te doglo puhidire.

Eksodas 8:19

Aonu hatimare mae meresin gre ne cheke eghu ka mae king, “Jame God thegna ngala te eni igne!” Neuba, mae king na thono maku fara nagnafagna na ne tirogna fanomho ka mae Moses ghe mae Eron.

Jone 10:22

Ka nhigra te rifu na mae Jisas ne haghe Jerusalem kau gaghamu ghatho fapulogna narane teke fablahigna Sugablahi Jerusalem.