Jone 1:48 - Buka Blahi Ka Cheke Holo

⁴⁸ Mae Natanel nomhini cheke mae Jisas igne ne jaglo nogna fara ne cheke eghu ka mana, “Faꞌunha neke lase ghau iara sagho ia?” Mae Jisas ne cheke eghu ka mana, “Iara neke kulu filo nigho iagho ka teke gnokro teku iagho ke parigna gaju fig ia. Ka vido tuana mae Filip neke theome kilo mei nigho iagho nekeu ka iara.”

Jone 1:48 ပူးပေါင်းရင်းမြစ်များ

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Jone 2:25

Neubane theo kaisei naikno te cheke fajiflani kaisei glepo ka mana eidi naiknore, mana kulu lasedihi unha te au ka gaoghathodi naiknore.

Matiu 6:6

Nu iagho na, kate tarai na iagho ruma ka nou chogho na, eghuteuna bobotho grengatha na, eghuteuna iagho tarai poru ka mae Kmamu te theome tangomana ihei te filoi na eghu. Mana na filoni unha te eni poru iagho na eghuteuna mana ginauna taba nigho iagho.”

Ululahu Korin 14:25

eghuteuna glepo te poru ka nagnafagna mana re ginauna thakle. Mana ginauna tuturupuku soru mala kilo fnaknoni God, eghuteuna mana ginauna cheke eghu, “Tutuani fara, God na au balumi ghotilo!”

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Matiu 10:3

mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Jone 1:44

Mae Filip gne mae gna Betsaeda, kaisei namono baludi mae Aduru ghe mae Pita.

Jone 6:5

Mae Jisas efra haghe ne filodi kmana naikno ne mei ka mana. Aonu mae Jisas ne cheke eghu ka mae Filip, “Filip, aheva nate tei foli gano tahati te mala faghamudi naikno igre?”

Jone 6:7

Mae Filip ne cheke eghu ka mana, “Tahati jame kafe loku kaisei nhigra te mala foli naba gano te mala katha vido kaisei naikno teuna!”

Jone 12:21

Mare mei ne thafoni mae Filip, mae Filip gne mae gna Betsaeda ka nohi Galili. Mare ne cheke eghu ka mana, “Mae biꞌo, ghehati magnahaghei mei filoni mae Jisas.”

Jone 14:8

Mae Filip ne cheke eghu ka mana, “Lord, tuana ngala unha te magnahagheni ghehati na mala falalase iagho mae Kmamu na ka ghehati.”