Jone 1:43 - Buka Blahi Ka Cheke Holo

⁴³ Ka keha narane na, mae Jisas neke magnahaghe tei ka Provins Galili. Kate posa ka namono na, mana thafoni mae Filip ne cheke eghu ka mana, “Ghema Filip, mei leghu ghau iara.”

Jone 1:43 ပူးပေါင်းရင်းမြစ်များ

Jone 14:8

Mae Filip ne cheke eghu ka mana, “Lord, tuana ngala unha te magnahagheni ghehati na mala falalase iagho mae Kmamu na ka ghehati.”

Matiu 9:9

Mae Jisas jifla ka vido tuana ne mei filoni kaisei mae mala salo takis, nanghagna na mae Matiu, mana gnokro neu ka vido mala foli takis naiknore. Mae Jisas ne cheke eghu ka mana, “Ghema, mei leghu ghau iara, iagho mala nogu mae fanomho iara.” Aonu mae Matiu ghosei ne kegra haghe ne leghuni mae Jisas.

Profet Isaia 65:1

Lord ne cheke eghu, “Iara Lord, iara falase ghau thegu ka iheire te theome ghusna ghau iara igre. Eghuteuna iheire te theome hiro ghau iara igre nate filo ghau iara na. Ka ihei te theome tarai mei ka iara na, iara na cheke eghu, ‘Iara tarabanau kolho te mala togho ghami ghotilo na.’

Jone 12:21

Mare mei ne thafoni mae Filip, mae Filip gne mae gna Betsaeda ka nohi Galili. Mare ne cheke eghu ka mana, “Mae biꞌo, ghehati magnahaghei mei filoni mae Jisas.”

Ululahu Jone 4:19

Tahati namha, naugna God neke kulu namha ghita.

Jone 6:5

Mae Jisas efra haghe ne filodi kmana naikno ne mei ka mana. Aonu mae Jisas ne cheke eghu ka mae Filip, “Filip, aheva nate tei foli gano tahati te mala faghamudi naikno igre?”

Filipae 3:12

Iara theome chekeni nakarhagu ka mae Jisas Kraes na la gnafahi teuna. Theo! Nu gognaro na iara loku heta te mala hatagna u taba tela kulu tarabanahi mana malagu iara teku ia.

Jone 1:28

Cheke igre neke edi ka namono Betani ke maghati Kho'u Jordan. Igne ka vido aheva teke faꞌapublahi naikno mae Jone ia.

Luku 19:10

Iara mae teke mei funu ka God na mei mala hirodi naikno teke snivi ra mala ke fakarhidi.”

Matiu 10:3

mae Filip ghe mae Batolomiu; mae Tomas ghe mae Matiu, mae mala saosalo takis; mae Jemes thugna mae Alfius ghe mae Tadius;

Jone 6:7

Mae Filip ne cheke eghu ka mana, “Tahati jame kafe loku kaisei nhigra te mala foli naba gano te mala katha vido kaisei naikno teuna!”

Jone 1:35

Ka keha narane na mae Jone kegra neu baludi phei mae nogna fanomhore.

Matiu 4:12

Kate nomhini mae Jisas au teu mae Jone kau suga sosolo na, mana jifla Judia neke pulo Galili.

Matiu 8:22

Nu mae Jisas ne cheke eghu ka mana, “Gognarona iagho mei leghu ghau iara, lisa laodi naikno te tirodini nakarhagna God na mala giugiludi mare thedi naikno te lehere.”

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Jone 1:44

Mae Filip gne mae gna Betsaeda, kaisei namono baludi mae Aduru ghe mae Pita.

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Jone 1:37

Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas.