Jone 1:42 - Buka Blahi Ka Cheke Holo

⁴² Mae Aduru hatani mae Pita ne tei ka mae Jisas. Mae Jisas ne filo ka mae Pita ne cheke eghu ka mana, “Gognarona nanghamu iagho na mae Simon, thugna mae Jone, eghuteuna ginauna mare na kilo nigho iagho mae Sifas.” Nangha igne gaoghathogna na “mae Pita” ba “thina.”

Jone 1:42 ပူးပေါင်းရင်းမြစ်များ

Ululahu Korin 15:5

Mana neke fatakleni thegna ka mae Pita, ke leghu na ka hatimare nabotho phei mae fanomhore.

Ululahu Korin 3:22

Iara mae Pol, baludi mae Apolosi ghe mae Pita nomi ghotilo. Eghuteuna nauthoglu, karha, glehe, glepo te edi gognaro gre nei glepo nate mei nathuꞌu nauriha teu igre nomi ghotilo.

Ululahu Korin 1:12

Igne gaoghathogna unha te chekeni iara na. Keha mae cheke eghu, “Iara nogna mae Pol.” Kehare cheke eghu, “Iara nogna mae Apolosi.” Kehare cheke eghu, “Iara nogna mae Pita.” Eghuteuna kehare cheke eghu, “Iara nogna mae Kraes.”

Galesia 2:9

Eghuteuna kate filo glani mare God teke tusu mei khokofakasai ka iara mala eni gloku igne, hatimare mae biꞌo ka khiloau, mae Jemes nei mae Pita nei mae Jone mare mei ne kubae ka ghepa mae Banabas, fagaglana gna mare keli tadi te mala loku balumi ghepa na. Ghehati ne kaisei gaoghatho eigna nomi gloku ghepa mae Banabas na mala tei ka iheire te theome Jiu. Eghuteuna nodi gloku thedi na maladi mae Jiu.

Ululahu Korin 9:5

Eghuteuna jame magnahagheni iara na, iara jaola tangomana te hata kaisei gaꞌase khiloau te mala tei balugu ka nogu gloku na, jateula te edi keha mae khurura eghu, hatimare mae thabusigna Lord, nei mae Pita teu ra neke eni igne.

Matiu 10:2

Igre nanghadi nabotho phei mae nogna khuru mana re: Ulu lahu na mae Simon, te kiloni mae Pita ghe mae Aduru tahigna na; mae Jemes ghe mae Jone, phei thugna mae Sebedi;

Luku 5:8

Mae Simon Pita filoni igne ne pogho soru ke ulugna mae Jisas ne cheke eghu ka mana, “Lord, thosei mei namo ka iara, naugna iara naikno diꞌa.”

Jone 21:2

Keha nogna mae fanomho mana igre kafe khapru neu jare, mae Simon Pita ghe mae Tomas ihei te kiloi mae Didimus, nei mae Natanel gna ka namono Kena te au ka nohi Galili, phia mae thugna Sebedi nei keha phia mae nogna fanomho mana re.

Nonomho Te Keli Teke Risoi Mae Mak 3:16

Igre nanghadi nabotho phei mae teke vavahi mana re: Mae Simon, mae ihei mana te kiloni mae Pita;

Jone 13:18

“Iara theome kafe cheke ghami ghotilo. Naugna iara kulu lasedihi nafnata naikno teke vavahi thegu iarare. Nu cheke kau grioriso te blahi na igne ne horoghoto fara ka unha te eni gognaro gne, ‘Mae te gnokro ghamu bret teu balugu iara igne, mana ginau nake figri ke majora ghau iara.’

Luku 6:14

Nanghadi nabotho phei mae khurure igre. Mae Simon, fapea nanghagna na mae Pita, nei Aduru tahigna mana na; mae Jemes ghe mae Jone; mae Filip ghe mae Batolomiu;

Galesia 1:18

Sala'u thilo finogha ke leghugna igne iara neke tei Jerusalem mala filoni mae Pita, eghuteuna iara au balugna mana nabotho glima narane.

Galesia 2:11

Nu kate mei mae Pita Antiok na, iara ne thofno cheke fara ka mana, naugna unha te eni mana na thono jafra fara.

Fapea Kings 5:4

Mae Naman nomhini cheke igne, aonu mana tei ne filoni king. Mana tei ne toutonu ka mana unha teke chekeni gaꞌase igne.

Jone 4:16

Aonu, mae Jisas ne cheke eghu ka naꞌa, “Tei sagho mala chekeni mae khetomu ia mala kafe mei ghopa agne.”