Jone 1:39 - Buka Blahi Ka Cheke Holo

³⁹ Mae Jisas ne cheke eghu ka phiamare, “Mei si ghopa balugu iara mala ari filoni themi.” Vido tuana jame tanhi fati fei grafi. Phiamare tei balugna mae Jisas ne filoni aheva te au teu mana na. Phiamare au balugna mana narane tuana ne ghilei bongi.

Jone 1:39 ပူးပေါင်းရင်းမြစ်များ

Luku 24:29

Phiamare ne toreni mana, ne cheke eghu, “Iagho au balumi ghepa, naugna narane gne la rafihi, eghuteuna la namo romnohi.” Aonu mana ruma ka suga na ne au baludi phiamare.

Jone 6:37

Naikno te gnafa teke tusu mei mae Mama ka iara re ginauna mei ka iara. Nu ihei te mei ka iara na iara ginauna theome brue fapuloni.

Jone 4:40

Naiknore mei ka mae Jisas ne toreni mana mala au baludi. Aonu, mana ne au jare phia narane.

Jone 1:46

Nu mae Natanel ne cheke eghu ka mae Filip, “Nasaret! Theome tangomana kaisei glepo te keli te jifla mei Nasaret na!” Mae Filip ne cheke eghu ka mana, “Mei sagho, mala filoni themu!”

Thakle 3:20

Filo si ghotilo! Iara kegra ka grengathagna nomi khiloau ghotilo na mala kikidi. Jame kaisei naikno te nomhini chekegu iara na, eghuteuna tothora ranghi ghau iara grengatha na teuna, iara ginauna ima fodu balugna mana.

Proveb 8:17

Namha ghau iara, iara ginauna namha nigho iagho. Hiro ghau iara, iagho ginauna dei ghau iara.

Jone 1:38

Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Jone 1:40

Kaisei mae ka phia mae nogna fanomho mae Jone igre nomhini unha teke chekeni mae Jone na teke leghuni mae Jisas igne mae Aduru, tahigna mae Simon Pita.