Jone 1:38 - Buka Blahi Ka Cheke Holo

³⁸ Mae Jisas figri ne filodi phiamare te mei ke leghugna re. Mana ne cheke eghu ka phiamare, “Magnahaghei unha si ghopa ia?” Phiamare ne cheke eghu ka mana, “Rabae, au aheva si iagho ia?” Cheke “Rabae” teu igne gaoghathogna na “Mae velepuhi” eghu.

Jone 1:38 ပူးပေါင်းရင်းမြစ်များ

Jone 18:7

Mae Jisas neke fapea cheke eghu ka mare, “Mei harini mae ihei si ghotilo ia?” Mare ne cheke eghu ka mana, “Mae Jisas gna Nasaret.”

Jone 3:2

Kaisei bongi mana neke mei ka mae Jisas, ne cheke eghu ka mana, “Velepuhi, ghehati lase nigho iagho kaisei mae velepuhi biꞌo neke mei funu ka God. Naugna jame te theome togho nigho God na, iagho jame theome tangomana te edi kofubobhoi igre.”

Jone 1:49

Mae Natanel ne cheke eghu ka mana, “Mae velepuhi, iagho thofno Thugna God! Iagho nodi King hatimare mae Israel!”

Proveb 8:34

Mae ihei te fanomho ka iara na, mana mei ka nogu suga iara na mala farirhiuni iara. Eghuteuna ihei te au balugu iara na, mana ginauna gleale'a.

Nodi Khoje Hatimare Mae Jiu 27:4

Iara la torenihi kaisei glepo ka Lord, kaisei glepo kolho te magnahagheini fara iara na. Iara magnahaghei te au fabrahu ka sugagna Lord na mala filoni nei ghaoghathoni eghu puhigna Lord te thofno keli fara na. Eghuteuna iara magnahaghei te toreni mana mala falalaseni tagu u nabrou te keli na.

Jone 18:4

Eghuteuna, mae Jisas la kulu lasedihi unha nate eni mare ka mana na. Kate posa mei mare na, mana tei ne ghusna eghu ka mare, “Mei harini mae ihei si ghotilo ia?”

Jone 6:25

Naiknore ludeni mae Jisas ka keha phile kholo na ne cheke eghu ka mana, “Velepuhi, neke mei niha agne sagho ia?”

Jone 3:26

Aonu mare ne mei ka mae Jone ne cheke eghu ka mana, “Mae velepuhi, laseni sagho kaisei mae teke au balumu ka keha phile Kho'u Jordan ia? Mae teke chekeni iagho ka naikno ra, gognarona mana la faꞌapublahi naikno, eghuteuna naiknore la kafe tei ka mana!”

Mae Khuru 10:29

Eghume kate kuru aridi iagho keha mae te mala tathalei ghau iara te mei agne na, iara theome huhughuni chekemu iagho na. Nu gognaro na iara magnahaghei ghami ghotilo te mala chekedi unha te magnahagheni ghotilo na.”

Jone 12:21

Mare mei ne thafoni mae Filip, mae Filip gne mae gna Betsaeda ka nohi Galili. Mare ne cheke eghu ka mana, “Mae biꞌo, ghehati magnahaghei mei filoni mae Jisas.”

Luku 19:5

Kate mei thoke mae Jisas ka vido tuana, mana filo haghe ne filoni mae Sakias na, ne cheke eghu ka mana, “Sakias, faghose soru mei! Iara gognarogne na ari balumu ka sugamu iagho na.”

Mae Khuru 10:21

Aonu mae Pita ghosei ne soru ne cheke eghu ka thilomare, “Iara gne ngala mae te mei hironi ghotilo na. Unha te magnahagheni ghotilo na?”

Luku 22:61

Ka vido tuana la mae Jisas ne figri ne filo lao ka mae Pita. Aonu ka vido tuana mae Pita neke ghatho fapuloni unha teke cheke eghu mae Jisas na, “Iagho ginau bongi na na theome tanhi ngau khokorako na, na thilo fata chekeni ne theome lase ghau iara teuna.”

Luku 15:20

Aonu mae sitei na kegra haghe neke figri ka mae kmagna na. “Kate gaꞌu teu mae thugna na, mae kmagna na ne efra deni te mei mana na. Mana ne kokhoni nognani mae thugna na, chari ne tei ne gefe ka fafragna na ne gnanghoni mana.

Luku 14:25

Kmana naikno fara ne tei balugna mae Jisas ka nabrou na. Mana filo lao ne cheke eghu ka mare,

Luku 10:39

Mafa au kaisei greghagna, nanghagna na Meri. Eghuteuna Meri mei ne gnokro rhegna mae Jisas mala fanomho kate farirhiu mana na.

Luku 8:38

Nu mae teke keli fapulo igne ne cheke eghu ka mae Jisas, “Ghema, iara magnahaghei te tei balumu iagho.” Nu mae Jisas ne kuru teini mana, ne cheke eghu ranghini,

Proveb 13:20

Te fofodu balugna mae te autagna gaoghatho te keli na, iagho ginauna hata gaoghatho te keli. Nu te fofodu balugna mae te fameomekro na, iagho ginauna au papara.

Proveb 3:18

Gaoghatho te keli na jateula gaju karha eghu, eghuteuna ihei te loku maku ka gaoghatho te keli na ginauna gleale'a fara.

Thoutonu Eigna Rut 1:16

Nu Rut ne cheke eghu ka Naomi, “Ido, iara theome magnahaghei te tei koko nigho iagho na, iara gne magnahaghei te tei ngala balumu iagho. Thosei ke kuru fafigri ghau iara. Aheva te tei iagho na, iara na jaola tei jare. Kheramu iagho re mala jaola kheragu iara, eghuteuna nodi God mae Israel te pogho soruni iagho na jaola pogho soruni iara.

Ululahu Kings 10:8

Hatimare nou mae funei, nei hatimare nou mae gloku teu iagho igre thofno kelitadi fara, naugna mare au fabrahu balumu iagho, eghuteuna mare tangomana te nomhidi nou famane cheke iagho re!

Lamentations 5:19

Nu iagho Lord, iagho king fabrahu tifa tifa.

Jone 1:37

Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas.

Jone 1:39

Mae Jisas ne cheke eghu ka phiamare, “Mei si ghopa balugu iara mala ari filoni themi.” Vido tuana jame tanhi fati fei grafi. Phiamare tei balugna mae Jisas ne filoni aheva te au teu mana na. Phiamare au balugna mana narane tuana ne ghilei bongi.

Jone 4:31

Ke leghugna teke pulo naꞌa ka namono Saeka na mae fanomhore ne cheke eghu ka mana, “Velepuhi, ima gheu!”