Jone 1:36 - Buka Blahi Ka Cheke Holo

³⁶ Mana filoni mae Jisas nolo te tei sala'u na ne cheke eghu ka phiamare, “Filoni mae tela ari ana! Mana ngala nogna sipu te mala fafara God na.”

Jone 1:36 ပူးပေါင်းရင်းမြစ်များ

Jone 1:29

Ka keha narane na mae Jone ne filoni mae Jisas ne mei ke ulugna mana. Mae Jone ne cheke eghu, “Filo laoni mae te mei ana. Mana ngala nogna sipu God te mala fafara na. Mana ginauna hata fadelei nakhibodi naiknore ka nauthoglu igne.

Hibru 12:2

Fifilo kolho ka mae Jisas. Mana neke fatutuani ni God, eghuteuna kate eni igne mana neke batu ghita ka nabrou te mala fatutuani ni God na nei mana jaola toghoni noda fatutuani na ghilei thoke ka narane leghu lahu na. Mana neke lehe ka gaju fafatha na. Nu mana neke theome ghathoni u mamaja eigna u glehe papara ke kligna gaju fafatha igne, naugna mana tangomana te filoni thofno gleale'a ofoni teu mana. Eghuteuna mana gognaro gnokro fei nhetagna God mala funei fruni balugna mana.

Profet Isaia 45:22

“Ghotilo naikno te gnafa ka nauthoglu ra, ghotilo ke pulo mei ka iara mala fakarhi ghami iara! Naugna iara ngala God na, eghuteuna theo kaisei god ahevanga te au na!

Jenesis 22:7

Kate tei teu phia mare na mae Isak ne cheke eghu, “Mama!” Mae Ebraham ne cheke eghu, “Unha sia thuguo?” Mae Isak ne ghusna eghu, “Mama, khaꞌaghi nei gaju teu igre nu aheva gne si lam gna na gnea te mala fafara na?”

Jone 1:37

Aonu kate nomhini phei mae fanomhore cheke mana igne, phiamare kegra haghe ne tei ke leghugna mae Jisas.