Jone 1:33 - Buka Blahi Ka Cheke Holo

³³ Iara theome raꞌe laseni ngala mae Kraes teuni na. Nu God mae teke kuru mei ghau iara na mala faꞌapublahi naikno ka khoꞌu teku na, neke cheke eghu ka iara, ‘Iagho ginauna filoni Tharunga te Blahi na, mana na soru mei thoti ka kaisei mae. Mae tuana ngala mae nate faꞌapublahi naikno kau Tharunga te Blahi na.’

Jone 1:33 ပူးပေါင်းရင်းမြစ်များ

Mae Khuru 1:5

Naugna mae Jone ia neke faꞌapublahidi naiknore kau khoꞌu kolho nu keha narane ke leghugna igne, iara ginauna na faꞌapublahi ghami ghotilo kau Tharunga te Blahi.”

Luku 3:16

Nu mae Jone ne cheke eghu ka mare, “Iara apublahi ghami ghotilo ka khoꞌu kolho, nu kaisei mae nate mei ke leghugu iara na, mana mae ke biꞌogu iarai. Iara theome nabagu te rurutha nogna sadol mana re. Mana ginauna na faꞌapublahi ghami ghotilo kau Tharunga te Blahi nei ka khaꞌaghi eghu.

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Jone 3:34

Mae ihei teke kuru mei God funu kligna na mana chekedi unha teke chekedi God re, naugna God neke tusu lao ka mana Tharunga te Blahi na ne fodu ka mana mala toghoni mana.

Ululahu Korin 12:13

Eghuteuna neuba tahati ne mae Jiu ba theome mae Jiu, mae sneka ba theome mae sneka, kaisei Tharunga te Blahi ngala teke kafe faꞌapublahi ghita na mala jateula kaisei thini eghu tahati. God neke tusu ranghi ghita hui kaisei Tharunga te Blahi ngala mala au ke lamnada.

Jone 3:5

Aonu, mae Jisas ne cheke eghu ka mae Nikodimas, “Tutuani fara te chekeni iara ka iagho na. Te theome karha mana kau khoꞌu nei Tharunga te Blahi teuna mana theome nabagna te au baludi naikno te funei frunidi God.

Mae Khuru 2:4

Aonu mae Tharunga te Blahi ne mei au ka mare ne gnafa, eghuteuna mare ne funu cheke ka keha chekedi delei, leghuni unha nafnata cheke teke tusu ranghidi mae Tharunga te Blahi na.

Jone 1:31

Ulu lahu na iara neke theome raꞌe laseni mana, nu iara faꞌapublahidi naiknore ka khoꞌu, mala laseni mana naiknodi Israel re ginauna.”

Jone 7:39

Mae Jisas neke cheke eigna mae Tharunga te Blahi nate mei ka iheire te fatutuani ni mana re. Kau narane tuana God theome kuru mei ngau mae Tharunga na, naugna mae Jisas theome kegra ngau kau nafnakno.

Jone 14:26

Nu mae Tharunga te Blahi te mala togho ghami ghotilo na, mae Mama ginauna kuru meini mana ka nanghagu iara. Kau narane te mei mana na, mana ginauna farirhiu ghami ghotilo gobigna lepore, eghuteuna mana ginauna eni igne mala ke ghatho fapulodi ghotilo gobigna lepo teke chekedi iara ka ghotilo ra.