Jone 1:15 - Buka Blahi Ka Cheke Holo

¹⁵ Mae Jone neke cheke eghu eigna mana, “Igne mae teke chekenihi iara ka ghotilo ia, ‘Mae te mei ke leghugu iara na, mana mae ke biꞌogu iarai, naugna mana neke kulu auhi neke karha nga iara.’ ”

Jone 1:15 ပူးပေါင်းရင်းမြစ်များ

Matiu 3:11

“Iara faꞌapublahi ghami ghotilo ka khoꞌu fagaglana gna te hogri nagnafa ghotilo na. Nu kaisei mae te thono nolaghi fara na mana na mei ke leghugu iara, nu mana ginauna na faꞌapublahi ghami ghotilo kau Tharunga te Blahi nei kau khaꞌaghi. Mana mae ke biꞌogu iarai. Iara theome nabagu te paladi nogna sadol mana re.

Kolose 1:17

Mae Kraes neke kulu au ke uludi gobigna lepore, eghuteuna ka nogna nolaghi mana te loku fodudi gobigna lepore.

Jone 17:5

Mama, gognarona fafnakno ghau iara ke ulumu. Tusu mei ka iara nafnakno teke kulu au ka iara kani teke au tekeu iara balumu iagho ia, ame eni nga iagho nauthoglu gne teku ia.

Luku 3:16

Nu mae Jone ne cheke eghu ka mare, “Iara apublahi ghami ghotilo ka khoꞌu kolho, nu kaisei mae nate mei ke leghugu iara na, mana mae ke biꞌogu iarai. Iara theome nabagu te rurutha nogna sadol mana re. Mana ginauna na faꞌapublahi ghami ghotilo kau Tharunga te Blahi nei ka khaꞌaghi eghu.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Jone 8:58

Mae Jisas ne cheke eghu ka mare, “Tutuani fara, te chekeni iara ka ghotilo na, ka narane theome karha nga tekeu mae Ebraham na, iara neke kulu auhi!”

Thakle 2:8

Mae igne ne cheke eghu ka iara, “Iagho rioriso kaisei letas ranghini engel gna khiloau Smana, eghuteuna iagho cheke eghu ka mana: Igne nogu cheke iara mae ihei te kulu au neke vuavuha nga gobigna lepore nei au fabrahu kate ari te gnafadi gobigna lepore. Tutuani, tifa na iara neke lehehi, nu gognaro na iara kela karha fapulo.

Hibru 13:8

Eigna mare fatutuani ni mae Jisas Kraes gne theome tughu gnora, nei gognaro nei tifa tifa.

Jone 1:27

Mana na mei ke leghugu iara, nu iara theome nabagu te rurutha nogna sadol mana re naugna mana mae ke biꞌogu iarai.”

Nonomho Te Keli Teke Risoi Mae Mak 1:7

Mae Jone toutonu ne cheke ka naiknore, “Mae ihei nate mei ke leghugu iara na mana mae ke biꞌogu iarai. Iara theome nabagu te pogho soru te rurutha nogna sadol mana na.

Thakle 1:11

Mana ne cheke eghu ka iara, “Ghema Jone, iagho rioriso soru unha teke filodi iagho re, eghuteuna fatei buka igne ka khiloau te au ka fitu namono igre, Efesus, Smana, Pegamum, Teatira, Sadis, Filadelfia, nei Leodisia.”

Profet Isaia 9:6

Uve, tahati thofno gleale'a fara, naugna kaisei sua nalhaꞌu ginauna karha mei ka tahati. Lord tusu mei sua igne mala funei fruni ghami. Eghuteuna mare ginauna kiloni mana, Mae keli mala tufa gaoghatho te keli, eghuteuna God mae ihei te rheta fara, nei Kmada mae ihei te togho ghita fabrahu, nei mae biꞌo mala togho ghita mala au ka pharikeli.

Proveb 8:22

“Tifa na, Lord neke kulu vuavuha ghau iara, neke vuavuha nga gobigna nafnotu fateote'o gre.