Jone 1:14 - Buka Blahi Ka Cheke Holo

¹⁴ Eghume Chekegna God igne neke karha mei fei thini jateula tahati neku, neke au balumi ghehati. Ghehati neke filonihi u nogna nolaghi mana na. Nolaghi tuana neke tusu lao mae Mama ka mae thofno Thugna na. Eghuteuna mae Chekegna God igne fodu kau khokofakasai nei tutuani.

Jone 1:14 ပူးပေါင်းရင်းမြစ်များ

Ululahu Jone 4:9

God fatakle nogna namha na ke lamnada kate kuru mei kaisei thofno Thugna ngala ka nauthoglu gne mala fakarhi ghita.

Ululahu Timoti 3:16

Tutuani fara, nogna thofno farirhiu khiloau na kaisei glepo biꞌo fara. Eghuteuna thofno farirhiu tuana cheke eghu, Mae Kraes neke vuha mei thini jateula naikno. Mae Tharunga te Blahi neke fatakleni puhigna mae Kraes na thono doglo fara. Engel re neke filoni mana. Naiknore neke tei toutonu eigna mana ka namono te kmanare. Naikno heva heva ka nauthoglu igne neke fatutuani ni mana. God neke hata hagheni mana kligna ka siasigla.

Jone 1:1

Tifa na, mae te kiloi “Chekegna God” gne neke kulu auhi. Mana neke kulu auhi balugna God, nei mana kaisei ngala balugna God.

Galesia 4:4

Nu kate mei thofno narane na, God neke kuru mei Thugna. Mana neke karha mei ka kaisei gaꞌase, eghuteuna mana neke au leghuni nogna vetula mae Moses.

Profet Isaia 40:5

Eghuteuna ka narane tuana, nogna nolaghi biꞌo Lord na ginauna agha soru mei, eghuteuna naikno te gnafa ka nauthoglu igne ginauna filoni. Naugna thegna Lord neke nhaꞌa cheke eigna igne.”

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Jone 6:51

Iara ngala u gano karha teke mei funu kligna na. Ihei te ghamuni gano igne na, mana na karha fabrahu. U gano igne ngala u thinigu iara na. Iara ginauna tusu lao ka naiknogna u nauthoglu igne mala tangomana te athini u karha na.”

Kolose 1:19

Naugna God ne leghuni nogna gaoghatho thegna na ne fafodu lao ka mae Kraes nakarhagna thegna na.

Ululahu Korin 15:47

Mae Adam ulu lahu na God neke vuavuhani mana ka glose gna nauthoglu igne, nu fapea Adam gne neke mei funu kligna.

Letas Teke Riso Tei Mae Pol Ka Khiloau Rom 8:3

Vetula na theome au nolaghi te mala hata fadeleidi nakhibodare, naugna tahati gne theome tangomana te leghuni u vetula na. Nu God neke fakarha ghita kani teke kuru meini thofno Thugna thegna na neke vuhai naikno jateula tahati neku, nu mana neke theome au nakhibogna. Eigna tahati kmana nakhiboda, God neke kuru meini mana jateula kaisei fafara mala hata fadeleidi nakhiboda neku. Ka puhi igne God ne fatedi nakhiboda tahati naiknore.

Profet Isaia 7:14

Tutuani fara, Lord thegna ginauna tusu ranghi nigho kaisei fagaglana. Ghotilo ginauna filoni kaisei kupi na bukla, eghuteuna naꞌa ginauna karha kaisei thugna nalhaꞌu, eghuteuna naꞌa ginauna kiloni mana, Imanuel. Gaoghathogna na God na au baluda.

Nodi Khoje Hatimare Mae Jiu 2:7

King na ne cheke eghu, “Gognarona iara na chekeni unha teke chekeni Lord ia. Mana neke cheke eghu ka iara, ‘Iagho mae thugu iara. Funu gognaro gne, iara mae kmamu iagho.

Ululahu Jone 4:14

Tahati filonihi mana nei toutonuni ka naikno eigna Mama te kuru meini Thugna mala fakarhidi naikno te gnafa ka glehe.

Kolose 2:9

Naugna ghotilo laseni, mae Kraes na neke vuhai naikno jateula tahati neku, eghuteuna God nei gaoghathogna fateo te au ka mae Kraes.

Fapea Jone 1:7

Kmana mae velepuhi chaichaghi ke lamnagna nauthoglu gne gognaro na. Mare tirodi fatutuani ni mae Jisas Kraes teke mei ka nauthoglu gne te vuhai thini jateula kaisei mae ka tahati. Nafnata naikno te tirogna fatutuani igne kaisei mae chaichaghi nei kaisei nogna naoka mae Kraes.

Profet Isaia 53:2

Lord snakreni nogna mae gloku na mala karha haghe jateula kaisei gaju ikoi te karha majaghani ka vido te moja ra eghu. Mae gloku igne theome famane mae ka tathadi naiknore, eghuteuna theo kaisei naikno te magnahaghei filo ka mana na. Theo glepo te keli te filoni ka mana, te mala magnahagheni mare na.

Thakle 21:3

Aonu iara ne nomhini kaisei cheke ne jifla mei ka nogna sape nafnakno mae King na, ne eha eghu fabiꞌo, “Filo si ghotilo, gognaro na God au baludi nogna naiknore. Tutuani fara, God thegna ginauna au baludi mala nodi God mare.

Hibru 5:5

Mae Kraes jaola neke theome vahini thegna mala hata u nafnakno te mala kaisei mae pris biꞌo na, theo! Nu God neke vahini mana neke cheke eghu ka mana, “Iagho mae Thugu iara, funu gognaro iara mae Kmamu iagho.”

Hibru 10:5

Eghume, kate mei mae Kraes kau nauthoglu igne, mana ne cheke eghu ka God, “Iagho theome magnahaghei kaisei mae te hata buluka ba gano te fafara nei kilo fnakno nigho, nu iagho tarabanahi thinigu iara gne mala fafara ka iagho.

Jone 11:40

Mae Jisas ne cheke eghu ka naꞌa, “Mafa, kela ghatho ihoni sagho teke cheke ranghi nigho iara ia? Te fatutuani ghau iara iagho na, iagho tangomana te filoni fagaglana gna nogna nolaghi biꞌo God na.”

Jone 3:16

“God ne namhadi fara naikno te au kau nauthoglu igne. Naugna igne mana ne snakre meini thofno mae Thugna kaisei ngala mala ihei te fatutuani ni mana na ginauna theome lehe fabrahu, nu mana na karha fabrahu tifa tifa.

Jone 2:11

Igne kofubobhoi ulu lahu teke eni mae Jisas ka namono Kena ka provins Galili. Jare mae Jisas ne falalase nogna nolaghi biꞌo God na, eghuteuna nogna mae fanomho manare ne fatutuani ni mana.

Jone 14:6

Mae Jisas ne cheke eghu ka mana, “Iara nabrou na, iara tutuani na, nei iara karha na. Jare na theo kaisei nabrou heva nga te mala tei te thoke ka Mama na, mei ka iara.

Hibru 1:5

Igne tuani fara, naugna God neke theome cheke eghu ka kaisei mae nogna engel unha teke cheke eghu mana ka mae Thugna na, “Iagho mae Thugu iara, funu gognaro gne iara mae Kmamu iagho.” Nei jaola, God neke theome cheke eghu ka kaisei engel, “Iara ginauna Kmagna mana, eghuteuna mana ginauna mae Thugu iara.”

Jone 14:9

Mae Jisas ne cheke eghu ka mana, “Ghema Filip, iara au raughahi balumi ghotilo. Ba theome lase fakeli ghau ngala iara si ghotilo ia? Tutuani fara, mae ihei te filo ghau iara na, mana la filonihi mae Mama. Naugna unha site chekeni iagho, ‘Fatakle ranghi ghami mae Mama na’ teu gnea?

Luku 9:32

Mae Pita baludi phei mae kheragnare thilomare ne thuru fara. Nu kate dofra haghe na thilomare ne filoni nogna naphae God te siasigla faligohoni mae Jisas na. Eghuteuna jaola thilomare ne filodi phei mae ne kegra neu balugna mana.

Jone 17:22

Nolaghi biꞌo teke tusu mei iagho ka iara ia kela tusu laohi iara ka naiknore. Iara la tusu laohi ka mare mala kaisei ngala mare jateula tapa te kaisei gne eghu.

Jone 3:18

Tutuani fara, mae ihei te fatutuani ni mae Thugna God na, God na theome fate faleheni mana. Nu mae ihei te theome fatutuani na, God la kulu fate falehenihi mana naugna mana ne theome fatutuani ni mae thofno Thugna God kaisei ngala.

Luku 2:11

Ka bongi gognaro gne kaisei mae te mala fakarha ghami ghotilo ka nakhibo na la karhahi ka namonogna mae King Devet. Mana mae Kraes noda mae funei tahati.

Nodi Khoje Hatimare Mae Jiu 45:2

King, tutuani iagho kaisei mae famane fara. Theo kaisei ihei nga jateula iagho teuna. Chekemu iagho re thofno keli fara. Eghume God na fablahi nigho fabrahu.

Hibru 2:11

Tutuani fara, mae ihei te faklinodi naiknore ke ulugna God nei naikno te klinore eghu God ngala Kmadi na. Naugna igne mae Jisas ne keli tagna te kilo ghita thabusigna thegna.

Fapea Korin 12:9

Nu Lord neke cheke eghu ka iara, “Nogu khokofakasai iara igne ngala te nabamu iagho na, naugna kate nigra iagho na, nogu nolaghi iara na heta fara!” Eghume iara gleale'a fara te cheke fahaehaghe eigna nogu nanigra na, eghuteuna nogna nolaghi Kraes na tangomana te au balugu iara na.

Matiu 1:16

mae Jekop na neke kmagna mae Josep khetogna Meri, idogna mae Jisas mae te kiloni Kraes.

Kolose 2:3

Eghuteuna mae Kraes ne tothora ranghidi naikno te gnafare nogna gaoghatho te keli nei glalase eghu God teke au poru funu tifa.

Letas Teke Riso Tei Mae Pol Ka Khiloau Rom 9:5

Mare neke jifla mei ka vikedi goro mae biꞌo Jiu te ulu tifa ra, eghuteuna Kraes na jaola neke karha mei naikno ka vikedi mare. Eghuteuna mana ngala mae funei biꞌo ke klignadi naikno te gnafare, mae ihei tahati te mala kilo fnaknoni tifa tifa. Amen.

Luku 2:7

Ka suga binaboli na, repa theo vido keli mala thurudire. Aonu Meri ne fakarha thugna nalhaꞌu ulu lahu na. Naꞌa ne pipiha ka pohe na, ne fatuthuruni ka sape mala faghamu buluka na.

Mae Khuru 13:33

Eghuteuna God neke eni u nhaꞌa cheke igne ne tutuani ka tahati thudi mare re. Mana neke eni igne kate fakarha fapuloni mae Jisas kau glehe na, jateula te chekenihi ka buka Sam phei philegna, “ ‘Iagho mae Thugu iara. Funu gognaro gne, iara mae Kmamu iagho.’

Nodi Khoje Hatimare Mae Jiu 85:9

Tutuani fara, God na kaikaliti fabrahu te mala fakarhidi iheire te ghatho tahuni mana na, eghume tahati ginauna filoni nogna nolaghi mana te mala fakarhi ghita tahati naikno te au ka kantri igne.

Profet Esikiel 37:27

Iara ginauna au fabrahu baludi mare ka namono igne tifa tifa. Uve, iara ginauna nodi God mare, eghuteuna mare nogu naikno iara.

Jone 8:32

Ghotilo ginauna laseni u glepo te tutuani eigna God na, eghuteuna u glepo te tutuani tuana ginauna hata fasnagla ghami ghotilo.”

Jone 17:24

“Mama, iara magnahaghedi naikno teke tusu mei iagho ka iara igre mala au balugu iara ka namono aheva te au iara na, mala filoni mare nogu nolaghi biꞌo iara na. Nolaghi biꞌo teke famei iagho ka iara ia naugna iagho neke kulu namha ghau iara neke vuvuha nga nauthoglu igne.

Jone 18:37

Mae Paelat ne cheke eghu ka mana, “Eghume, iagho mae King eghu?” Mae Jisas ne cheke eghu ka mana, “Uve, te chekeni teu ngala iagho themu tuana, iara mae King. Iara neke karha mei ka nauthoglu igne mala cheke thakleni unha te tutuani na. Mae ihei te magnahaghei leghuni unha te tutuani na, fanomho ka iara.”

Thakle 19:13

Eghuteuna pohe te pipichi mana na bothu ka dadaradi nogna naoka teke tapla sorudi kau magra na. Mare kiloni mae igne nanghagna na, “Chekegna God.”