Jenesis 9:25 - Buka Blahi Ka Cheke Holo

²⁵ mae Noa ne cheke eghu, “Iara ginauna toreni God mala tibrini mae Kenan, thugna mae Ham! Mana ginauna mala nodi mae sneka kolho ka mae kheragna re.”

Jenesis 9:25 ပူးပေါင်းရင်းမြစ်များ

Josua 9:23

God fate ghamihi ghotilo, naugna ghotilo ne chaghi fara. Ghotilo ginauna mala nomi naikno gloku ghehati fabrahu gognarona, eghuteuna nomi gloku ghotilo na mala uge gaju nei pulei khoꞌu eghu ka nogna Sugablahi nomi God ghehati gne.”

Diutronomi 27:16

“ ‘Puhi biꞌo ginauna thokeni ihei te theome ghatho tahudi idogna kmagna re, Lord ginauna parani mana.’ Eghuteuna naiknore ginauna cheke eghu, ‘Amen!’

Jone 8:34

Mae Jisas ne cheke eghu ka mare, “Tutuani fara, te chekeni iara ka ghotilo na, iheire te loku jafra ka nakhibo na, naikno tuare sneka ka nakhibo.

Josua 9:27

Nu mae Josua ne snakredi naiknodi Gibeon igre te mala nodi naikno gloku mare te mala uge gaju nei mala pulei khoꞌu, nei jaola khoꞌu malagna nogna olta Lord. Mare eni fabrahu gloku igne ghilei mei posa gognarogne ka namono teke vahini Lord te mala pogho soruni mana nogna naiknore.

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Diutronomi 28:18

“Ghotilo ginauna theo sua. Eghuteuna ghemi nagare ghotilo are ginauna theo ganodi. Eghuteuna nomi buluka nei nomi sipu nei nomi nanigot teu ghotilo are ginauna jaola theo thudi.

Jenesis 49:7

Puhi te diꞌatami fabrahu ghopa igne ngala te fadiꞌadi nagnafami ghopa re, eghuteuna diꞌatami ghopa igre e rheta fara nei diꞌa fara eghu. Iara ginauna na eni ghami ghopa mala fiti au tafri kolho ghopa baludi naikno di Israel igre.

Jenesis 9:22

Mae Ham ne filoni mae kmagna na ne thuru soesole neu. Mae Ham jifla kosi ne tei chekedi phei mae thabusignare.

Jenesis 4:11

Eghume iara ginauna na tibri nigho iagho naugna iagho ne faleheni mae tahimu na. Eghume unha te joꞌu soru iagho ka glose na ginauna na theome au gano te keli ranghi nigho kolho.

Jenesis 3:14

Aonu Lord God ne cheke eghu ka mogo na, “Naugna igne, iara ginauna na tibri nigho fara ke tulaodi gobigna lepo te tautagu fateo igre. “Naiknore ginauna na susuku nigho fara ke tulaodi keha glepo te tautagu ka namhata na are. Iagho ginauna na agra ka thi'amu na. Eghuteuna iagho ginauna na ghamu gaughavu glose.

Jenesis 9:18

Igre nanghadi thilo thugna mae Noa re, mae Sem, mae Ham nei mae Jafet. Thilo mae igre neke au balugna mae Noa ka vaka na. Mae Ham gne kmagna mae Kenan.

Jenesis 9:24

Kate dofra haghe te laseni unha te eni ranghini Jafet, mae thugna leghu lahu na,