Jenesis 8:21 - Buka Blahi Ka Cheke Holo

²¹ Lord ne gnanghini u fafara te famane sisiri keligna igne ne keli tagna fara ne cheke eghu, “Iara ginauna nake theome goigoni u nauthoglu igne ke tughugna puhi diꞌa teke edi naikno igre neuba iara kulu lasedihi naikno igre neke diꞌa neke mei ngala funu suadi. Nu iara ginauna nake theome goigonidi gobigna lepo te karha ka nauthoglu na igre jateula te eni iara gognaro gne eghu.

Jenesis 8:21 ပူးပေါင်းရင်းမြစ်များ

Fapea Korin 2:15

Ghehati na jateula nogna insens Kraes eghu mala kilo fnaknoni God ke lamnadi iheire God teke fakarhidi nei iheire te snivi fabrahu.

Efesus 5:2

Ghotilo mala biꞌo nomi namha na jateula Kraes eghu ka nagnafamire. Eigna mana namha ghita fara neke snakreni thegna neke lehe eida tahati jateula kaisei fafara te keli tagna God. Jateula mare te fafara nafnahi ka mana te sisiri keligna nei gleꞌani mana teu ia eghu.

Profet Jeremaea 17:9

Ihei te lase fakelini gaoghathogna naikno na? Gaoghathogna naikno na jateula kaisei fogra biꞌo te theome tangomana kaisei naikno teke famafoni ra eghu. Thiꞌagna naikno na fodu ka chaichaghi. Ihei te lase fakelini nagnafagna naikno na?

Jenesis 6:5

Lord ne filodi puhidi naikno gna nauthoglu gne ne thono diꞌa fara. Eghuteuna mare ghathodi fabrahu kolho glepo te diꞌa re.

Filipae 4:18

Iara la kafe hatahi gobigna lepo teke magnahaghedi iara re. Tulao mae Epafrodaetus hata neke mei ka iara thotogho teke famei ghotilo ra. U thotogho te famei ghotilo igre jateula u fafara te sisirigna nate keli tagna God ia eghu.

Letas Teke Riso Tei Mae Pol Ka Khiloau Rom 3:23

Theo. Naugna naikno te gnafa ka nauthoglu igne kafe tapla jafra ka nakhibo. Eghume mare kafe au khaba ka God mae ihei te doglo fabrahu.

Profet Esikiel 20:41

Ka teke hata fapulo ghami iara ka keha kantri aheva teke tei au tafri ghotilo tadira, iara ginauna kelitagu ka ghotilo jateula teke kelitagu iara ka teke gahu ghotilo insens te famane sisiri keligna fara kate mei tarai ghotilo ka iara. Eghuteuna naiknogna kantri igne ginauna filoni iara ngala te blahi na.

Matiu 15:19

Naugna igre glepo te jifla mei ka nagnafagna mana re, gaoghatho te diꞌa, falehe naikno, tolaghi pedo, mhala, blau, chaichaghi, vuavuha cheke nei buiburini ihei.

Eklesiasti 7:20

Tutuani, theo kaisei naikno te doglo fara te au ka nauthoglu igne. Uve, theo kaisei naikno te doglo fara te theome tapla jafra ka nakhibo na.

Jenesis 3:17

God ne cheke eghu ka mae Adam, “Naugna iagho ne fanomho ka khetomu na ne ghamu sisi gna gaju ia, gano te joꞌu iagho ka glose igne ginauna na theome raꞌe keli. “Karha nga teu iagho ka nauthoglu igne na, iagho na loku heta fara te mala au naba gano te ghamu na.

Jone 3:6

Naugna u thinigna naikno na neke karha kolho ka gaꞌase. Nu u tharungagna naikno na neke karha ka nogna nolaghi Tharunga te Blahi.

Profet Isaia 53:6

Tahati te gnafa na jateula sipu te snivi ra eghu kolho. Naugna tahati neke leghudi kolho puhida thedare. Nu Lord neke snakreni nogna mae gloku mala au papara eidi nakhiboda jame teke au papara eidi tahati re.

Nodi Khoje Hatimare Mae Jiu 58:3

Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Nodi Khoje Hatimare Mae Jiu 51:5

Uve, iagho lase ghauhi iara, iara neke kulu naikno diꞌa neke mei ngala funu karhagu. Puhigu iara na kulu diꞌa neke mei ngala funu ka narane teke theome karha nga teku iara na.

Ululahu Jone 5:19

Tahati lasenihi tahati goro thugna God nu mae Satan funei fruni nauthoglu tongana gne.

Letas Teke Riso Tei Mae Pol Ka Khiloau Rom 1:21

Mare lasenihi God, nu mare theome ghatho tahuni nei theome cheke fakelini eghu mana. Unha teke ghathodi mare re theo nafudi kolho, eghuteuna nagnafadire thofno jafra fara.

Profet Jeremaea 18:12

Nu mare ginauna cheke eghu, ‘Theo! Ghehati magnahaghei te eni unha te ghathoni themi na. Ghehati ginauna na kafe maku jateula thina eghu phaꞌumire mala leghuni kolho puhi te diꞌa te au ka nagnafami gre.’ ”

Proveb 20:9

Theome tangomana kaisei naikno te cheke eghu na, “Nagnafagu iara na klino fara ka tathagna God na. Eghuteuna iara theome eni kaisei najafra.”

Thoutonu Eigna Mae Job 14:4

Ba, mae ihei gne te tangomana te filoni mae ihei te klino ka tathagna God na? Theo kolho!

Levitikas 1:17

Eghuteuna mana loku ka phei baghigna re, eghuteuna korho mala klopa kakatha thinigna na, eghuteuna mana gahu ka khaꞌaghi ke kligna olta. Mana gahu balhu igne mala kaisei glepo blahi, eghuteuna sisirigna na kelitagnani Lord.”

Eksodas 29:25

Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Jenesis 6:17

Iara ginauna na kuru meini kaisei nabritha te biꞌo mala thafru namono te gnafa ka u nauthoglu igne mala roꞌe fahuidi gobigna lepo te karha ka u nauthoglu igne.

Profet Jeremaea 8:6

Leuleghu fata na iara fanomho fakeli koba ka ghotilo, nu ghotilo theome chekeni kaisei cheke te tutuani. Theo kaisei ka ghotilo te tughu puhigna te diꞌa na. Ghotilo te gnafa na jateula hose te chari umhu te tei ka magra ra eghu leghuni fabrahu kolho puhi te diꞌa na.

Profet Isaia 65:6

“Iara la rioriso soruhi kaisei vetula te mala para ghami ghotilo na. Iara ginauna para ghami ghotilo mala ke tughu fapulo ghotilo nakhibomi re baludi nakhibodi kuꞌemi ghotilo tifa ra. Ghotilo gahu insens ka nomi vido blahi ke kligna thogele mala pogho soru ka nomi mumuju god nei cheke diꞌa ranghi ghau iara. Eghume, iara ginauna na para ghami ghotilo leghuni unha nafnata puhi teke eni ghotilo na.”

Profet Isaia 48:8

Iara theome rouronu ghami ghotilo, eigna ghotilo ne figri tagru ghau iara funu karha meimi ka nauthoglu igne. Naugna igne, iara neke theome chekedi glepo igre ka ghotilo, eghuteuna ghotilo neke theome nomhidi glepo igre.

Profet Isaia 47:15

Funu majaghanimu na, iagho neke loku ka bisnis baludi mare. Nu mare theome eni kaisei glepo te mala togho nigho iagho na. Mare ginauna tei koko nigho iagho. Eghuteuna theo kaisei naikno nate fakarhi nigho iagho na.”

Profet Isaia 47:12

“Ediu sagho nou kastom meresin teke edi teke mei iagho funu suamu ra. Glahula togho nigho, ba glahu edi iagho kastom meresin tuare mala mhaghu nodi nou naokare.

Levitikas 26:31

Iara ginauna goigoni fahui nomi namono ghotilo are, eghuteuna paꞌe soru nomi vido blahi ghotilo are. Iara ginauna tirogudi sisiridi nomi fafara ghotilo are.

Jenesis 5:29

Mae Lamek ne kiloni nanghagna thugna na Noa, ne cheke eghu, “Mae Noa gne ginauna togho ghita tahati mala gnafa noda katha vido ka noda gloku nei nakmusa teu ka glose teke tithibrini Lord igne.” Gaoghathogna mae Noa teu igne “gnafa” eghu ka cheke Hibru.

Jenesis 4:12

Uve, kate loku iagho ka glose na iara theome snakreni glose igne te fabruara naba gano malagna tharaknamu iagho na. Eghuteuna iagho ginauna na mae mala tei tafri kolho nei theo kaisei namonomu kolho ka nauthoglu igne.”

Jenesis 6:13

Aonu God ne cheke eghu ka mae Noa, “Iara ginauna na kafe roꞌe fahuidi naikno te khuru magra nei faꞌau aknu teu fari thedi igre nei iara ginauna na jaola roꞌeni nauthoglu igne.

Levitikas 4:31

Mae tuana atha fajifla gnafa garofagna nanigot igne, jateula teke atha fajifla mare garofadi glepo tautagu na ka fafara tuana te mala laseni te au fakeli mare balugu iara na. Aonu pris igne gahu garofa igre ke kligna olta, eghuteuna iara Lord keli tagu ka sisirigna na. Ka puhi igne, pris tangomana te fafara te mala teke doglo mae igne ka tathagu iara na, eghuteuna iara ginauna atha fadeleidi nakhibogna mana re.

Levitikas 8:28

Mae Moses atha glepo igre ne tei lilisei ka olta mala gahu baludi fafara te gahu teure. Glepo igre kaisei thufa blahi. Igne fafara te mala taofi pris eghuteuna Lord kelitagna ka sisirigna na.

Naba 15:3

ne magnahaghei edi fafara te blahi nga ghotilo jare nu, ghotilo tangomana te atha kaisei buluka, ba sipu nei nanigot. Ka glepo te tautagu igre ghotilo ginauna tangomana te eni fafara te knoro ia, ba fafara naugna ghotilo neke eni kaisei nhaꞌa cheke, ba fafara mala edi ghotilo unha te magnahaghedi ghotilo re, ba keha fafara te magnahaghei edi ghotilo ka nomi gaghamhu re.

Ululahu Samuel 26:19

Nogu funei nei nogu king, iagho fanomho ka cheke nate chekeni iara igne. Jame teke gaoghatho Lord te mala diꞌatamu iagho ka iara na, kaisei fafara jame teke figrini gaoghathogna mana na mala teke keli ka iara na. Nu jame teke keha maei kolho te eni ka iagho te mala diꞌatamu ka iara na, lisa lao ka Lord mala thoke mei puhi biꞌo ka mare. Naugna mare ne khi fajifla ghau iara ka namono gna Lord na, eghuteuna mare eni igne mala tei tarai iara ka keha god delei.

Nodi Khoje Hatimare Mae Jiu 58:4

Nodi chekere jateula mogo te faghughumhu ra eghu. Mare fofotho khulidire, jateula mogo te megli te theome nomhidi cheke ra eghu.