Jenesis 8:20 - Buka Blahi Ka Cheke Holo

²⁰ Aonu mae Noa ne hohoro kaisei olta mala tarai ka Lord. Eghuteuna mana ne atha keha nafnata glepo te tautagu nei keha nafnata nanghaji teu te naba mala ghamu re, aonu mana ne falelehe ne gahu ne fafara ke ulugna Lord.

Jenesis 8:20 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:1

Eghume kheraguro, naugna God ne kokhoni ghami fara, iara tore ghami te mala lisa lao nakarhami are jateula kaisei fafara eghu ka God. Kaisei fafara te karha nei blahi te kelitagnani God. Igne thofno puhi te mala tufru soruni God ghotilo na.

Jenesis 22:9

Kate posa lao phia mare ka vido aheva teke chekeni God na, jare mae Ebraham ne titili ka thina kaisei olta ne lilisei gaju ke kligna gna. Mana ne haru phei khamegna mae Isak re ka gnarho ne fathuru lao ke klignadi gajure ka olta na.

Ululahu Pita 2:9

Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.

Ululahu Pita 2:5

Ghotilo jaola jateu thina karha eghu, eghuteuna God ginauna salo fodu ghami jateula nogna Sugablahi eghu ka nogna nolaghi mae Tharunga te Blahi. Ghotilo ginauna jateula nogna mae pris blahi eghu God mala au fodu mala fafara ka God. Mae Tharunga te Blahi ginauna togho ghami ghotilo mala fafara, nei God ginauna keli tagna fara ka fafara igre ka nanghagna mae Jisas Kraes.

Hibru 13:10

Mae Kraes ne snakreni thegna jateula kaisei fafara malada tahati. Nu iheire te leghuni fabrahu nodi vetula hatimare mae Jiu eigna u fafara na, mare theo kaisei nodi nolaghi te mala hata kaisei glepo te keli ka nogna fafara mae Kraes.

Eksodas 10:25

Mae Moses ne cheke eghu ka mana, “Theo. Iagho snakre ghami ghehati mala atha nomi buluka, sipu nei nanigot teu gre balumi mala tei fafara ka nomi Lord God.

Jenesis 35:7

Jare mae Jekop ne eni kaisei olta, ne kiloni vido igne El Betel. Gaoghathogna na “God gna Betel.” Naugna God neke thakle ka mana jare kani teke rikhani mana mae tighagna Iso tifa ia.

Jenesis 35:1

God ne cheke eghu ka mae Jekop, “Ghema Jekop, iagho ke pulo Betel mala eni kaisei olta jare mala tufru soru ghau iara. Iara ngala God mae ihei teke thakle ka iagho kani teke rikhani iagho mae tighamu Iso tifa ia.”

Jenesis 33:20

Mae Jekop ne fakekegra kaisei olta ka vido igne ne kiloni olta igne “El Elohe Israel,” gaoghathogna na “God gna Israel.”

Jenesis 26:25

Aonu mae Isak ne titili ka thina kaisei olta ka vido igne ne cheke fakelini nanghagna Lord na jare. Gnafa teuna mana ne hohoro haghe kaisei nogna suga tapuale ka vido tuana eghuteuna nogna mae gloku mana re ne dokha kaisei khoꞌu seu jare.

Jenesis 13:18

Aonu mae Ebram ne jifla ka vido igne ne tei au ka namono Hebron. Jare mana ne hohoro haghe nogna suga tapuale na rhegna gaju biꞌo Mamre. Aonu mana ne hohoro nogna olta Lord na jare.

Jenesis 13:4

Igne ka vido aheva teke hohoro kaisei olta mae Ebram tifa ia. Aonu mana ne pogho soru ranghini Lord jare.

Jenesis 7:2

Kate tei saghe ka vaka na, iagho na atha fitu nalhaꞌudi nei fitu gaꞌasedi eghu ka soasopaigna nafnata glepo te tautagu te naba mala ghamu nei fafara teu are. Eghuteuna glepo te tautagu te theome naba te mala ghamu nei fafara teu are, iagho na atha kaisei nalhaꞌu gna nei kaisei gaꞌase gna eghu kolho.

Jenesis 4:4

Mae Abel jaola ne hata ne mei keha famane sipu te karha majaghani. Mae Abel falelehe sipu igre ne fafara vido nafnahi te keli fara ka Lord. Lord ne ghatho tahuni nogna fafara mae Abel na.

Jenesis 22:2

Aonu God ne cheke eghu ka mana, “Iagho au kaisei mae thumu nalhaꞌu kolho, mae Isak, mae ihei iagho te namhani fara, hata mae sitei igne tei ka nohi Moriah. Iara ginauna na falalase ka iagho kaisei thogele jare. Ka thogele igne te mala falelehe iagho mae thumu Isak gne te mala gahu re mala fafara ka iara na.”

Thoutonu Eigna Mae Job 1:5

Hamerane boibongi ke leghudi gaghamu igre, mae Job ne gahu fafara mala klino ka tathagna God na maladi mae thugna re. Leuleghu fata na, mana eni koba igne naugna te ghathoni mana na, na glahu kaisei ka mare tapla jafra ka nakhibo ranghini God ba cheke faparini mana ka nagnafadi re.

Jenesis 7:3

Eghuteuna ka soasopaigna nafnata nanghaji te flalo ka maloa na are iagho na atha fitu nalhaꞌudi nei fitu gaꞌasedi eghu mala karhau reꞌe ka u nauthoglu igne.

Eksodas 29:18

Eghuteuna iagho gnubra fahui vidogna sipu igne ke kligna olta, mala pogho soru ka iara Lord. Igne kaisei glepo blahi te famane sisiri keligna iara Lord nate gleꞌani fara.

Eksodas 29:25

Iagho atha glepo igre ka mare, eghuteuna thofno gahu ka olta ke kligna gna sipu ululahu teke gahuhi iagho igne. Glepo igre kaisei thufa blahi ranghi ghau iara Lord, eghuteuna famane sisiri gna na iara ginauna glealeꞌa fara tagna.