Jenesis 6:8 - Buka Blahi Ka Cheke Holo

⁸ Nu Lord ne keli tagna fara ka mae Noa.

Jenesis 6:8 ပူးပေါင်းရင်းမြစ်များ

Jenesis 19:19

Iagho neke kokhoni ghau nei lolokeli ranghi ghau neku fara iara neke fakarhigau iara ka glehe. Nu iara theome tangomana te rikha te tei ka thogele igro na eghu, naugna ne khaba fara. Neubane rikha ne tei iara, iara ginauna na lehe la ngala kate roꞌeni God namono igne na.

Hibru 4:16

Naugna igne tahati thosei mhaghu te mei ka God Kmada mae ihei te kokhoni ghita. Mana ginauna na kokhoni ghita nei lolokeli ghita, eghuteuna mana ginauna na tusu meini nogna namha te mala togho ghita ka vido te magnahaghei tothogho na.

Luku 1:30

Nu engel na neke cheke eghu ka naꞌa, “Meri, thosei mhaghu eigna cheke igne. Naugna God na thono keli tagna fara ka iagho.

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Taetus 2:11

Naugna God ne fatakle ranghi ghita u nogna namha te biꞌo na, kate ke kuru meini mae Jisas Kraes kau nauthoglu igne. Mana neke hata meini u karha tuana mala kafe fakarhidi naiknogna nauthoglu gne.

Ululahu Korin 15:10

Nu ka nogna khokofakasai God iara theome fiti au gognaro na. Theo. Nogna khokofakasai na togho ghau iara te mala nogna mae gloku God. Naugna iara loku heta fara ke uludi keha mae khurure, nu theome nogu gloku iara thegu. Nogna khokofakasai God te au balugu iara na mala togho ghau iara.

Proveb 3:4

Jame te eghu iagho na, God ginauna keli tagna ka iagho, eghuteuna naiknore ginauna jaola keli tadi ka iagho.

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Letas Teke Riso Tei Mae Pol Ka Khiloau Rom 4:4

Mae ihei te loku fakeli na, mana hata nogna taba, nogna taba mana igne theome jateula kaisei namha eghu. Nu mana hata taba eigna nogna gloku na.

Mae Khuru 7:46

God ne keli tagna fara ka mae King Devet. Eghuteuna mae Devet ne toreni God mala hohoro kaisei suga mala augna nogna God mae Jekop. Nu God ne theome snakreni mana te mala eni suga tuana.

Proveb 12:2

Lord na kelitagna fara te toghoni mae te leghuni puhi te doglo na. Nu parani mae te ghaoghatho te mala eni puhi te diꞌa na ka keha naiknore.

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Proveb 8:35

Mae ihei te dei ghau iara na, mana ginauna hatini nakarha te keli na, eghuteuna Lord na kelitagna fara ka mana.

Profet Jeremaea 31:2

Lord ne cheke eghu, “Tifa, kani teke au kuꞌemi ghotilore ka namono nagou ra, iara neke keli ranghidi neke theome lehe ka magra, eghuteuna hiro nodi namono te mala gnafa na.”

Fapea Timoti 1:18

Iagho laseni fara igne, kmana glepo te togho ghau iara mae Onesifora ka namono Efesus. Iara toreni Lord mala khokonini mana ka narane leghu lahu na.

Galesia 1:15

Nu God au nogna gaoghatho malagu iara kani au nga teku iara ka thi'agna idogu na. Aonu mana neke kilo ghau iara ka nogna khokofakasai mala

Letas Teke Riso Tei Mae Pol Ka Khiloau Rom 11:6

Mana neke theome vahidi eigna ka nodi gloku te keli, nu eigna nogna khokofakasai ranghidi kolho. Naugna jame vahidi mana ka nodi gloku te keli muna, nogna khokofakasai God na ginauna theo nafugna kolho.

Taetus 3:7

Mana neke eni igne mala tangomana tahati te hatini u karha majaghani te theo ka huigna teke rouronuni teku tahati na. Tahati tangomana te hatini u karha igne naugna God na thofno namha ghita ne fadoglo ghita ke ulugna thegna.

Matiu 24:37

Kate mei iara na, ginauna jateula teke eni ka narane gna mae Noa tifa ia eghu.

Luku 17:26

“Kate mei iara na, ginauna jateula teke eni ka narane gna mae Noa tifa ia eghu.

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Profet Esikiel 14:14

Neuba thilo mae igre, mae Noa, nei mae Danel, nei mae Job au balumi ghotilo ka narane igre, nu puhidi thilo mae te doglo igre ginauna fakarhidi kolho nakarhadi thedi re. Igne nogu cheke iara Lord.