Jenesis 6:18 - Buka Blahi Ka Cheke Holo

¹⁸ Nu iara ginauna na eni kaisei nhaꞌa cheke balumu iagho. Eghuteuna iagho ginauna na saghe ka vaka igne baludi khetomu, thumu nalhaꞌu nei khetodi mae thumu are eghu.

Jenesis 6:18 ပူးပေါင်းရင်းမြစ်များ

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Jenesis 7:7

Mae Noa baludi khetogna, thugna nalhaꞌu nei khetodi mae thugnare eghu ne rikha ne tei saghe ka vaka na mala theome knoho ka meigna nabritha biꞌo na.

Jenesis 17:7

Iara ginauna na farerheta nogu nhaꞌa cheke na ka iagho nei ka thumu iagho nate mei ke leghumu iagho re eghu fabrahu tifa e tifa. Iara ginauna mala nou God iagho nei jaola mala nodi God thumu iagho re eghu.

Jenesis 7:13

Mae Noa ghe khetogna na nei thilo mae thugna nalhaꞌu re, mae Sem, mae Ham, mae Jafet nei khetodire eghu ne saghe ka vaka na.

Profet Isaia 26:20

Ghotilo nogu naikno iara ra! Ghotilo ruma lamna ka nomi sugare eghuteuna bobotho grengatha re! Ghotilo tei poru katha vido mala ghilei gnafa te diꞌatagna Lord igne.

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Jenesis 7:1

Aonu Lord ne cheke eghu ka mae Noa, “Ghema Noa, te laseni iara na, kaisei iagho gne ngala te doglo fara puhimu na ka gaꞌase nei nalhaꞌu eghu te au iagho baludi ka nauthoglu na igre. Eghume iagho tei saghe ka vaka na balugna tharaknamu na.

Jenesis 17:21

Nu iara ginauna na eni nogu nhaꞌa cheke na ka mae Isak thugna Sera nate karha mei ka finogha te fufunu gognaro gne.”

Jenesis 17:4

“Iara na chekeni ka iagho unha nate eni iara ranghi nigho iagho na. Iagho ginauna mala kmadi naikno kmana.