Jenesis 6:17 - Buka Blahi Ka Cheke Holo

¹⁷ Iara ginauna na kuru meini kaisei nabritha te biꞌo mala thafru namono te gnafa ka u nauthoglu igne mala roꞌe fahuidi gobigna lepo te karha ka u nauthoglu igne.

Jenesis 6:17 ပူးပေါင်းရင်းမြစ်များ

Fapea Pita 2:5

Tifa na neke jaola, mae Noa neke cheke ka naiknore eigna puhi te doglo na. Eghuteuna kate huhughu fara naikno te diꞌa igre, God neke paradi nei kuru meini kaisei nabritha biꞌo mala falehedi. Nu mae Noa nei fitu naikno balugna eghu ngala teke karha na.

Jenesis 7:4

Fitu narane funu gognaro gne iara ginauna na kuru meini nakhete na mala soru ka nauthoglu igne. Nakhete igne ginauna na soru nabagna phiatutu narane nei phiatutu bongi eghu. Ka nakhete igne ngala nate roꞌe fahuidi iara gobigna lepo te karha teke vuavuha iara ka nauthoglu igne na.”

Ululahu Pita 3:20

Igre tharungadi naikno teke huhughu fara teke ofodi fabrahu teku God ka narane teke horo vaka mae Noa tifa ia. Kehaghu kolho, nhana naikno khaputudire teke fakarhadi God ka khoꞌu na.

Hibru 11:7

Mae Noa fatutuani ni God neke leghuni God ka teke cheke mana eigna u nabritha. Neubane theome filodi unha nate thoke mei ginauna, mana ne leghuni God ne hohoro kaisei mola biꞌo mala fakarhini thegna nei tharakna. Kate eni igne, mana falalase naiknogna nauthoglu gne diꞌa fara. Eghuteuna jaola God te chekeni na mae Noa gne kaisei mae doglo fara ke ulugna God naugna mana ne fatutuani.

Nodi Khoje Hatimare Mae Jiu 107:34

Eghuteuna mana na edi glose igre mala fodu ka solt mala theo kaisei glepo te kotu jare na. Naugna naikno te au ka vido tuana ra ne diꞌa fara puhidire.

Profet Emos 9:6

Lord eni nogna namono na kligna tei thoke ka maloa ro, eghuteuna eni kaisei vatara biꞌo ke kligna gna nauthoglu igne. Mana au nolaghi te mala eni khoꞌu na te mala haghe kligna ka maloa na, eghuteuna ke soru mei pari ka nauthoglu igne jateula khoꞌu eghu ke kligna glose te moja na. Uve, nanghagna mana na, Lord!

Nodi Khoje Hatimare Mae Jiu 29:10

Lord na gnokro ka nogna sape nafnakno na mala funei fruni nhorora na fabrahu tifa e tifa.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Luku 17:27

Filo si ghotilo ka narane gna mae Noa ia, naiknore neke ima ghedi, koꞌu ghedi nei tolaghi nodi neku kolho neke ghilei thokei thofno narane te saghe mae Noa ka vaka na. Aonu, nabritha na mei ne kafe falelehedi naiknore.

Profet Hosia 5:14

Iara ginauna kafe goigonidi gnafa naiknodi phei kantri Israel ghe Juda. Jateula lion te kina sasaka te ghamu thinigna buluka biꞌo na ia eghu. Eghuteuna ginauna na theo kaisei naikno nate fakarhidi ka narane nate hata fajifladi iara ka phei kantri igre.

Profet Esikiel 34:20

“ ‘Eghume iara Lord God, iara cheke eghu ka mare: Iara ginauna vavahi sipu te blokhare ka sipu te gagarore.

Profet Esikiel 34:11

“ ‘Iara Lord iara ne cheke eghu: Iara ginauna tei hirodi nogu sipu teke snivi ra mala ke reireghidi thegu.

Profet Esikiel 6:3

Iagho cheke eghu, ‘Ghotilo thogele Israel ra! Faghano fanomho mei ka nogna cheke Lord igne! Lord ne cheke eghu ka thogele, nei ka fanukhu, nei ka khoꞌu biꞌo, nei ka gloha teura: Iara thegu na ginauna snakreni magra na mala mei thoke ka namonomi ghotilo gre, eghuteuna iara na snakredi mae naoka gre mala goigonidi nodi vido blahi mumuju god te au ka ghotilo igre.

Profet Esikiel 5:8

“Eghume iara Lord te chekeni igne: Ghotilo naiknomi Jerusalem! Iara diꞌatagu fara ka ghotilo! Naugna igne, iara ginauna fate ghami nei para ghami eghu ghotilo ka tathadi naikno te gnafa ka keha kantri igre.

Profet Isaia 54:9

“Ka naranegna mae Noa igne, iara neke eni kaisei nhaꞌa cheke mala theome plulu nauthoglu igne ka khoꞌu. Iara gognarona jaola nhaꞌa cheke mala theome diꞌatagu ka ghotilo. Iara ginauna na theome thodo ghami nei para ghami eghu ghotilo.

Profet Isaia 51:12

Lord ne cheke eghu ka nogna naiknore, “Kaisei iara ngala te kokhoni ghami nei farheta ghami teu ghotilo na. Eghume naugna unha si ghotilo te mhaghudi naikno grea? Naikno tuare ginauna ghosei lehe dofidi jateula buburu te theome au raugha ra eghu kolho.

Thoutonu Eigna Mae Job 22:16

Mare neke lehe tifa kani teke thoke mei nodi narane re, jateula suga te hata te tei nabritha biꞌo ra eghu.

Diutronomi 32:39

“ ‘Filo si ghotilo. Iara kolho God te tutuani na! Jare na theo kaisei god te au na! Iara tangomana te faleheni naikno na, nei tangomana te fakarhini naikno na. Iara tangomana te faghorehoni naikno na, nei tangomana teke fakeli fapuloni naikno na. Theo kaisei naikno tangomana te fanograni unha te eni iara na.

Levitikas 26:28

iara ginauna diꞌatagu fara nei theome keli ranghi ghami eghu ghotilo. Eghuteuna iara thegu ginauna thofno para ghami ghotilo fabrahu.

Eksodas 14:17

Eghuteuna iara ginau na famamhaku nagnafadi mae Ijep are mala ari mare ke leghumi ghotilo. Iara ginau tapla soruni mae king gna Ijep ana baludi nogna mae soldia te gnokro ka chariot, nei hose nei iheire te nonolo kolho pari teu are. Eghuteuna naikno te filoni unha te eni iara igne na, mare ginau na fafnaknoni nanghagu iara na. Mae Ijep gre ginau na laseni te kaisei Iara gne ngala Lord na!”

Jenesis 6:13

Aonu God ne cheke eghu ka mae Noa, “Iara ginauna na kafe roꞌe fahuidi naikno te khuru magra nei faꞌau aknu teu fari thedi igre nei iara ginauna na jaola roꞌeni nauthoglu igne.

Matiu 24:39

Eghuteuna mare theome laseni kaisei glepo nate thoke mei ginauna. Aonu nabritha biꞌo na ne mei. Eghuteuna naiknore ne kafe knoho fahui. Ginauna na jateula tuana eghu ka narane meigu iara na.

Jenesis 9:9

“Iara gognaro na magnahaghei te nhaꞌa cheke balumi ghotilo nei baludi thumi ghotilo ginau re eghu.

Jenesis 7:17

Khoꞌu na ne britha nabagna phiatutu narane, nei haghe ne haghe kligna ne tei salaꞌuni glose na aonu vaka na ne phogla.

Jenesis 2:7

Aonu Lord God ne hata na phuki glose ne vuavuha naikno. Eghuteuna Lord God neke phanga lao ka nehugna naikno na mala karha mana. Eghuteuna mana ne funu phaphanga.

Jenesis 6:16

Iagho na hohoro suga vaka igne, nu iagho na lilisei kaisei wida biꞌo ke kligna. Krepagna wida igne te funu ka suga na te posa ka gringni na phia tutu fati sentemita mala phae. Iagho hohoro thilo chogho, kaisei pari, kaisei fari hotei nei kaisei kligna eghu. Eghuteuna iagho na hohoro grengatha ka gerigna vaka na.