Jenesis 6:15 - Buka Blahi Ka Cheke Holo

¹⁵ Brahugna na kaisei gobi tolufulu thilo mita eghuteuna biꞌogna na varadaki phei mita eghuteuna haghegna na nabotho thilo mita.

Jenesis 6:15 ပူးပေါင်းရင်းမြစ်များ

Diutronomi 3:11

King Og gna Basan igne, mana mae leghu lahu ka vikedi mae te nheta nei brahu teu te kilodi mare Refaem. Eghuteuna kate lehe King Og na, mare horo bokis gna mana na ka thina pipito te fati mita brahugna na eghuteuna namo phei mita krepagna na. Bokis thina igne au ngala posa gognaro ka namono Raba te au ka nodi nohi naiknodi Amon.

Jenesis 7:20

Ke leghugna igne khoꞌu na haghe ne haghe nabagna fitu mita ne tei salaꞌudi thogelero.

Jenesis 6:14

Iagho ginauna na atha keha thaba te keli mala hohoro kaisei vaka. Iagho na lilisei keha chogho ke lamnagna vaka igne, eghuteuna iagho na laulamu ka muki ke lamna nei ke kosi teuna mala theome lulu.

Jenesis 6:16

Iagho na hohoro suga vaka igne, nu iagho na lilisei kaisei wida biꞌo ke kligna. Krepagna wida igne te funu ka suga na te posa ka gringni na phia tutu fati sentemita mala phae. Iagho hohoro thilo chogho, kaisei pari, kaisei fari hotei nei kaisei kligna eghu. Eghuteuna iagho na hohoro grengatha ka gerigna vaka na.