Jenesis 50:4 - Buka Blahi Ka Cheke Holo

⁴ Kate ari te gnafadi narane te mala diꞌanagnafa nei tanhi teu igre na, mae Josep ne cheke eghu ka hatimare nogna mae biꞌo mae king re, “Jame te keli tami ghotilo ka iara na, iara magnahaghei ghami ghotilo te hata te tei nogu nonomho iara gne ka mae king. Nogu cheke iara re igre,

Jenesis 50:4 ပူးပေါင်းရင်းမြစ်များ

Nogna Buka Esta 4:2

Mana tei ne posa ka nogna grengatha mae King, nu mana theome tei ruma lamna suga. Naugna mae ihei te pipichi pohe te thapa jateula igne teuna, mana theome tangomana te tei ruma lamna ka sugagna King.

Jenesis 18:3

Mae Ebraham ne cheke eghu ka thilo mae igre, “Thilo mae biꞌo, iara magnahaghei ghami ghotilo fara te mei ka sugagu iara nomi mae gloku ghotilo gne. Ghotilo theome tangomana te fasalaꞌuni nogu suga iara gne te tei kolho na.

Jenesis 50:3

Mare eni gloku igne nabagna phiatutu narane naugna u gloku te lilisei meresin ka thini na igne mare eni fabrahu ghilei thokeni phiatutu narane. Eghuteuna naiknodi Ijep re ne mei tanhi ni mae Jekop nabagna fitu salei narane. Tuana nodi kastom mare na.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”