Jenesis 50:24 - Buka Blahi Ka Cheke Holo

²⁴ Mana ne cheke eghu ka mae thabusigna re, “Iara gne la namo lehehi. Nu God na ginauna reireghi ghami ghotilo, eghuteuna mana ginauna nake hata fajifla ghami ghotilo agne. Eghuteuna mana ginauna nake hata fapulo ghami ghotilo ka namono aheva teke nhaꞌa cheke mana ranghini mae Ebraham nei mae Isak nei mae Jekop.”

Jenesis 50:24 ပူးပေါင်းရင်းမြစ်များ

Jenesis 35:12

Tifa na iara neke tusu laohi namono igne ka mae Ebraham ghe mae Isak, eghuteuna gognaro iara na ke tusu ari ka iagho. Eghuteuna iara ginau nake jaola nake tusu lao namono igne ka thumu iagho re.”

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Jenesis 28:13

Eghuteuna mae Jekop ne filoni Lord na kegra neu rhegna mana ne cheke eghu, “Iara Lord, nogna God mae kuꞌemu iagho Ebraham nei nogna God kmamu iagho Isak. Glose te thuru teu iagho igne iara ginauna tusu ari ka iagho nei ka vikemu iagho igre eghu.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Jenesis 46:4

Iara ginauna na hata nigho iagho tei Ijep, eghuteuna iara ginauna nake hata fapulo nigho iagho ka vido tela jifla kokoni iagho gognaro gne. Kate lehe iagho na, mae Josep gne ngala te mala giugilu nigho iagho na.”

Jenesis 15:18

Ka narane igne Lord ne nhaꞌa cheke ka mae Ebram. Lord ne cheke eghu ka mana, “Iara ginauna na tusu ari ka vikemu iagho re namono igne. Funu ka khoꞌu biꞌo Ijep tei posa ka Khoꞌu biꞌo Iufretis.

Jenesis 15:7

Lord jaola ne cheke eghu ka mae Ebram, “Iara Lord. Iara neke batu fajifla nigho ka namono Ur jare Babilonia. Iara neke eni igne mala tangomana iara te tusu ari ka iagho namono igne mala khotogna iagho.”

Jenesis 13:17

Tei sagho mala filoni namono nate tusu arini iara ka iagho tuana.”

Jenesis 13:15

Namono te gnafa te filo laodi iagho are iara ginauna tusu ari ka iagho nei ka vikemu iagho gre eghu. Namono igne ginauna na nomi ghotilo fabrahu tifa e tifa.

Jenesis 12:7

Nu Lord ne thakle ka mae Ebram ne cheke eghu ka mana, “Iara ginauna na tusu ari ka vikemu iagho re namono igne mala au nodi tagna.” Mae Ebram ne cheke eghu, “Lord, iagho keli fara ne chekeni igne ka iara.” Aonu mae Ebram ne hohoro kaisei olta ka thina jare malagna Lord.

Hibru 11:22

Mae Josep neke fatutuani ni God. Naugna igne, kate namo lehe na, mana ne cheke eigna narane naiknodi Israel nate jifla Ijep. Eghuteuna mana cheke ka mare mala atha baludi nhubragnare kau narane nate jifla Ijep.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Letas Teke Riso Tei Mae Pol Ka Khiloau Rom 5:12

Nakhibo na neke thakle mei ka nauthoglu igne leghuni nogna najafra kaisei mae kolho, eghuteuna mana neke lehe eigna nakhibo. Eghuteuna naugna ka nakhibogna mae igne, glehe na neke thakle mei ka tahati te gnafa naikno te thakle mei ke leghugna mana re. Naugna tahati te gnafa na jaola kafe au ka nakhibo.

Eklesiasti 12:7

Uve, thinida tahati gre ginauna nake pulo ka glose, eghuteuna nakarhagna God teke tusu mei ka tahati igne ginauna nake pulo ka mana.

Eklesiasti 12:5

Ghotilo ginauna mhaghu te mala apla kligna na, ba te mala nonolo na ghotilo ginauna na jaola mhaghu. Khaklamire ginauna nufa, eghuteuna ghotilo ginauna loku manigra kate nolo tafri na, ba kate eni unha lepo na. Eghuteuna gaoghathomi ghotilo te magnahaghei gaꞌase kate majaghani teu gognarogne, ginauna na jaola theome haimini. Ka narane igre naikno te gnafa gre ginauna lehe eghuteuna soru lamna beku, eghuteuna naiknore ginauna leghuni nabrou te mala diꞌanagnafa nei tanhi teu ka tahati na.

Thoutonu Eigna Mae Job 30:23

“Tutuani, iara laseni iagho ginauna snakre ghau iara ka glehe, eghuteuna kuru tei ghau ke lamna beku, ka namono teke vavahi maladi iheire te karha teu igre, nu mae igre ginauna na lehe hui.

Diutronomi 6:10

Aonu mae Moses tudu ne cheke eghu, “Lord, nomi God ghotilo igne neke nhaꞌa chekehi ka Ebraham, ka Isak nei ka Jekop, thilo kuꞌeda tahati ra, mala tufa glose ka ghotilo. Glose igne au famane namono teke theome horo nga teku ghotilo ra.

Diutronomi 1:8

Igne namono teke nhaꞌa cheke iara teke tusu lao ka thilo kuꞌemi ghotilo tifara, Ebraham, Isak nei Jekop, baludi iheire nate karha mei ke leghudi thilo mare. Gognarona ghotilo tei hata namono igne, nomi ghotilo.”

Naba 32:11

‘Naugna te theome ghatho tahu ghau iara ghotilo gne, mae iheire te funu ka varadaki finogha te haghe ba iheire teke jifla Ijep tekura ginauna theome tangomana tei thoke ka vido teke nhaꞌa cheke iara ka mae Ebraham, Aesak nei mae Jekob tifara!

Eksodas 33:1

Lord neke cheke eghu ka Moses, “Iagho baludi naikno teke atha iagho teke jifla mei funudi Ijep are, ghotilo jifla ka vido igne mala tei ka kantri teke nhaꞌa cheke iara tifa ka Ebraham, nei ka Isak, nei ka Jekop. Iara neke nhaꞌa cheke eghu ka thilo mare, ‘Iara ginauna tusu lao glose igne ka iheire nate karha mei ke leghumu iagho re.’

Eksodas 4:31

Mare te gnafa na ne kafe fatutuani eigna Lord teke kuru meini Moses. Eghuteuna kate nomhini Lord te kokhonidi naiknore, nei filo glanidi nodi naꞌau papara re teuna, naiknore pogho soru ne tarai ka Lord.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Jenesis 21:1

Lord ne fablahini Sera jateula teke chekeni mana na neu.

Jenesis 17:8

Namono Kenan te au teu iagho gognaro igne nodi namono keha vikei. Nu iara ginauna na tusu ari ka iagho nei ka thumu iagho nate karha mei ke leghumu iagho re eghu namono igne, eghuteuna namono igne ginauna na nomi ghotilo fabrahu tifa e tifa. Eghuteuna iara ginauna mala nodi God thumu iagho re ngala.”

Jenesis 15:8

Nu mae Ebram ne cheke eghu, “Lord God, faꞌunha eghu laseni iara namono igne nate nogu iara na?”

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Eksodas 13:19

Tifa na mae Josep neke kulu cheke eghu, “God ginau na atha fajifla ghami ghotilo agne Ijep. Te eghu na, ghotilo mala atha nhubragu iara re mala tei balumi.” Hatimare mae Israel gre neke eni u nhaꞌa cheke igne. Aonu mae Moses ne atha nhubragna mae Josep re ne tei baludi.

Josua 24:32

Kate jifla Ijep naiknodi Israel tifa igre, mare neke hata nhubragna Josep baludi ne tei giugilui nhubragna mana re Sekem. Mare neke giugiluni mana ka kaisei vido glose teke foli kmagna mana Jekop ka kaisei gobi silva ka vikegna Hamoa mae ihei teke eni namono Sekem. Glose igne kaisei vido ka nodi glose vikegna Josep.

Jenesis 47:29

Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Eksodas 12:51

Ka narane igne Lord neke batudi mae Israel gre ka tothoghei leghui vike na ne jifla Ijep.