Jenesis 50:20 - Buka Blahi Ka Cheke Holo

²⁰ Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Jenesis 50:20 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 8:28

Eghuteuna te laseni tahati na, ka gobigna lepo te posa ka tahati naikno te namhani God, God ginauna na edi fakeli gobigna lepo ka nakarhadare. Mana eni igne maladi naikno teke vahidi mana re, leghuni nogna gaoghatho thegna na.

Nodi Khoje Hatimare Mae Jiu 119:71

Thofno keli fara teke au papara iara na, mala lasedi iara nou vetula iagho re.

Mae Khuru 2:23

God neke leghuni nogna gaoghatho teke kulu nanhaꞌa tifa na ne snakreni mana mala lokini ghotilo. Eghuteuna ghotilo ne faleheni mana kate snakre lao ghotilo ka khamedi mae te diꞌa ra mala tupijuruni mare kau gaju fafatha.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Jenesis 37:4

Hatimare mae thabusigna mana igre ne filoni mae kmadi na te namhani fara mae Josep ke tulaodi marei na ne diꞌatadi fara ka mana.

Nodi Khoje Hatimare Mae Jiu 56:5

Funu hamerane te ghilei posa fei grafi na nogu naoka iara re, mare magnahaghei te eni puhi diꞌa na ranghi ghau iara. Leuleghu fata na mare gaoghatho fara mala filoni kaisei nabrou te mala goigoni ghau iara na.

Profet Isaia 10:7

Nu gaoghathogna king gna Asiria igne theome jateula gaoghathogu iara eghu. Theo. Mana magnahaghei te goigonidi naikno ka keha kantri te kmana igre.

Nodi Khoje Hatimare Mae Jiu 76:10

Kate fagnafa aridi sagho nodi diꞌatadi nou mae naoka are, mare ginauna kafe ghatho tahu nigho iagho. Tutuani, neubane au neu katha vido fadiadiꞌa ka mare, tuana ginauna ari huiu ngala ka mare.

Jenesis 37:26

Aonu mae Juda ne cheke eghu ka mae thabusignare, “Jame te faleheni tahati mae thabusida igne te poruni tahati unha teke eni theda na, puhi igne na theome togho ghita tahati kaisei glepo te keli.

Jenesis 37:27

Jame te keli na tahati sabiri mae igne ka vikegna mae Ismael igre mala nodi mae gloku kolho mare. Tahati theome tangomana te goigoni ni mana na, naugna mae igne neke thofno mae thabusida nei dadarada eghu ngala theda.” Aonu cheke mana igne ne kafe keli ka hatimare thabusigna.

Jenesis 50:19

Aonu mae Josep ne cheke eghu ka mare, “Thosei mhaghu. Iara theome tangomana te mala ke tughu fapulo unha najafra teke eni ghotilo ranghi ghau iara na. Tuana nogna gloku God kolho.