Jenesis 50:19 - Buka Blahi Ka Cheke Holo

¹⁹ Aonu mae Josep ne cheke eghu ka mare, “Thosei mhaghu. Iara theome tangomana te mala ke tughu fapulo unha najafra teke eni ghotilo ranghi ghau iara na. Tuana nogna gloku God kolho.

Jenesis 50:19 ပူးပေါင်းရင်းမြစ်များ

Letas Teke Riso Tei Mae Pol Ka Khiloau Rom 12:19

Kheraguro, thosei foli fapulo unha najafra teke eni naiknore tami na, lisa lao ka God mala foli fapulodi jateula Lord te cheke ka grioriso te blahi ia eghu, “Iara ginauna foli fapulo ka mae iheire te tapla jafra eghuteuna iara ginauna paradi.”

Jenesis 45:5

Eghuteuna gognaro na ghotilo thosei mhaghu nei diꞌatami ka themi eghu eigna puhi teke eni ghotilo ka iara ia. Eigna God neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo eghu ka vido te rofo gognaro gne.

Jenesis 30:2

Mae Jekop ne diꞌatagna ka Resel ne cheke eghu ka naꞌa, “God na theome snakreni te au sua iagho na. Eghume iara theome tangomana te eni unha God thegna ngala te tangomana te eni unha te chekeni iagho na eghu.”

Hibru 10:30

Tahati laseni God neke cheke eghu, “Iara ngala nate tughu fapulo unha najafra te eni mare na!” Mana jaola neke cheke eghu, “Lord ginauna na fatedi nogna naiknore.”

Fapea Kings 5:7

Kate iuꞌiju king gna Israel letas igne, mana diꞌatagna ne rerheku nogna pohe na. Mana ne cheke eghu, “Kaisei puhi biꞌo signe! King gna Siria gne na fagnafani iara fogra mana igne eghu ka gaoghathogna na, nu iara theome God. Iara theo nogu nolaghi te mala fakarhini ba te mala faleheni naikno na. Iara laseni, mana magnahaghei te hironi kaisei nabrou te mala magra ka iara na kolho.”

Matiu 14:27

Mae Jisas ghosei ne cheke eghu mei ka mare, “Thosei nanga nomi! Iara mae Jisas! Thosei mhaghu!”

Diutronomi 32:35

Iara kolho te tangomana te tughu fapulo puhi biꞌo tuana ka nomi naoka ghotilo are. Iara ginauna nake foli fapulo ka mare. Na theome raugha mare ginauna uka pari. Nodi narane mare te mala au diꞌanagnafa na ginau posa mei. Eghuteuna puhi biꞌo igne na ghosei mei toku tafrudi mare.’

Jenesis 50:18

Eghuteuna mare tei ka mae Josep ne pogho soru ke ulugna mana. Mare ne cheke eghu ka mana, “Ghehati gne mala nou mae gloku iagho kolho.”

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.