Jenesis 50:17 - Buka Blahi Ka Cheke Holo

¹⁷ Mana neke cheke eghu ka ghehati, ‘Ghotilo neke eni unha puhi te diꞌa na ranghini mae Josep. Cheke ranghini mae Josep mae thabusimi na mala hata fadeleidi mana tami puhi te diꞌa tuare.’ Eghume gognaro na, ghema Josep, ghehati tore nigho iagho mala hata fadeleidi ka ghehati unha najafra teke edi ghehati ka iagho ra.” Mae Josep ne nomhini cheke igne ne tanhi fabiꞌo.

Jenesis 50:17 ပူးပေါင်းရင်းမြစ်များ

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Nodi Khoje Hatimare Mae Jiu 21:11

Mare na edi keha gaoghatho te diꞌa te mala goigoni nigho iagho na. Nu mare ginauna theome tangomana di kolho eghu.

Jenesis 49:25

Mana na tusu ranghi nigho iagho glepo te keli funu kligna nei funu pari ke lamna thongna nei tusu ranghi nigho kmana vike eghu.

Jenesis 45:8

“Eghume theome ghotilo teke kuru mei ghau iara ka namono igne na, nu God teke kuru mei ghau iara na. God neke vahi ghau iara mala nogna mae ofisa biꞌo lahu mae king gna Ijep. Iara mae mala reireghidi naikno te gnafa te au ka sugagna mana na igre, nei mae funei di vido te gnafa ka kantri Ijep.

Jemes 5:16

Eghume te cheke thakledi ghotilo nakhibomire fari themi nei fari totoghoi ka nomi tharai na mala ke keli fapulo. Nogna tharai mae ihei te doglo fara ke ulugna God na thono nolaghi fara.

Galesia 6:16

Iara toreni God mala tusu lao pharikeli nei lolokeli ka iheire te leghuni gaoghatho igne nei ka iheire te gnafa te thofno nogna naikno God.

Galesia 6:10

Eghume kate loku nga teu tahati na, tahati tangomana te toghodi naikno te gnafare. Tulao mala eni igne ka iheire te au lamnagna nogna tharakna God.

Nonomho Te Keli Teke Risoi Mae Mak 10:41

Keha nabotho mae fanomhore nomhini igne ne diꞌa tadi fara ka mae Jemes ghe mae Jone.

Matiu 25:40

“Iara mae King ginauna cheke eghu ranghidi, ‘Tutuani fara, te chekeni iara na. Kate eni ghotilo ranghini kaisei nogu naikno iara te au pari lahu ka igre, ghotilo jateula te eni ranghi ghau la iara eghu!’

Matiu 18:35

“Nu te chekeni iara ka ghotilo na, na jateula tuana eghu mae Kmagu iara te au kligna na ranghi ghami ghotilo te theome hata fadelei ghotilo ka nagnafamire nakhibodi kherami fofodu re.”

Matiu 10:42

Tutuani fara, te chekeni iara ka ghotilo na. Ihei te tufa kaisei glepo ikoi te jateula kaisei kapu khoꞌu teu ka kaisei nogu mae fanomho iara te theome biꞌo ka tathadi naiknore igne, God ginauna tabani mana.”

Matiu 6:12

Hata fadeleidi tami thua glepo te diꞌa te kela fajafra dihi jateula ngau ghehati te hata fadeleidi unha najafra teke edi fadiꞌa ranghi ghami keha naiknore.

Jenesis 50:20

Tutuani, ghotilo neke au nomi gaoghatho nheta teke mala goigoni ghau iara na. Nu God neke snakreni ka ghotilo puhi igne, naugna mana neke eni gaoghatho igne mala toghodi naikno te kmana re mala theome lehe ka rofo.

Jenesis 31:42

Jame theome au balugu iara God mae ihei teke tufru soruni mae kuꞌe Ebraham ghe mae mama Isak tifa ra meuna, iagho jame neke fiti kuru fajifla ghau iara kolho. Nu God neke filo lasedi nogu gloku biꞌo nakmusa eghu teke edi iara ranghi nigho iagho ra neke cheke faheta ka iagho bongi ia.”

Jenesis 50:16

Aonu mare ne fatei kaisei cheke ka mae Josep. U cheke igre, “Kani theome lehe nga teku kmada ia, mana neke eni kaisei cheke ka ghehati.

Jenesis 50:18

Eghuteuna mare tei ka mae Josep ne pogho soru ke ulugna mana. Mare ne cheke eghu ka mana, “Ghehati gne mala nou mae gloku iagho kolho.”