Jenesis 50:13 - Buka Blahi Ka Cheke Holo

¹³ Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Jenesis 50:13 ပူးပေါင်းရင်းမြစ်များ

Mae Khuru 7:16

naiknore neke kafe hata fapulo thinidi mare re mala ke giugilui Sikem ka gluma teke foli ka sileni mae Ebraham tifa ka thugna mae Hemo re.

Fapea Kings 21:18

Kate lehe mana na, mare ne giugiluni mana ka nagare rhegna nogna suga na. Nagare igne mare kiloni, “Nogna Nagare mae Usa.” Eghuteuna mae Amon thugna mana na neke king tughuni mana.

Jenesis 35:29

Mana ne kuekuꞌe fara ne lehe. Eghuteuna mae Iso ghe mae Jekop, phei mae thugna re, ne giugiluni mana jare.

Jenesis 35:27

Aonu mae Jekop mei ne posa Mamre ka namono te au teu mae Isak, mae kmagna na rhegna namono Kiriat Aba. Keha nanghagna namono igne Hebron, namonogna mae Ebraham kmagna mae Isak.

Jenesis 25:9

Mae Isak ghe mae Ismael, phei mae thugna gre neke giugilui ni mana ka gluma thina na jare Makpela ka vido glose ke maghati Mamre. Vido igne neke nogna mae Efron thugna mae Soha kaisei mae ka vikegna mae Hit.

Jenesis 23:20

Mae Ebraham neke foli vido glose nei gluma teu igre ka hatimare mae Hit. Eghuteuna gognaro na kela nodi vido glose mala giugiluihi vikegna mae Ebraham gre.

Jenesis 47:30

Kate lehe iara na, iagho mala ke pulo giugilui ghau iara ka namono aheva teke giugilui mae kuꞌegu ra.” Mae Josep ne cheke eghu ka mae kmagna na, “Iara ginauna na eni unha te chekeni iagho na.”

Jenesis 50:12

Aonu thugna mae Jekop igre ne leghuni unha teke chekeni mana ka mare na.

Jenesis 50:14

Ke leghugna te giugilui te gnafa mae kmagna na, mae Josep neke pulo Ijep baludi mae thabusigna re nei keha naikno langau eghu teke tei balugna re.

Jenesis 25:8

Mana neke mae khueku'e fara, nei au glealeꞌa fara neku ka nakarhagna. Kate lehe na, tharungagna mana na neke tei au baludi tharungadi vikegna mana teke lehe tifa ra.

Jenesis 46:4

Iara ginauna na hata nigho iagho tei Ijep, eghuteuna iara ginauna nake hata fapulo nigho iagho ka vido tela jifla kokoni iagho gognaro gne. Kate lehe iagho na, mae Josep gne ngala te mala giugilu nigho iagho na.”