Jenesis 50:11 - Buka Blahi Ka Cheke Holo

¹¹ Naiknodi Kenan re ne filodi naikno te tanhi nei diꞌanagnafa teu Atad ka vido te mala hata koko khune wit na, ne cheke eghu, “Naiknodi Ijep gre thofno diꞌanagnafa fara!” Aonu gognaro na mare kiloni vido igne Abel Misraim. Gaoghathogna Abel Misraim teu igne “Naiknodi Ijep re ne diꞌanagnafa nei tanhi fabiꞌo neu.”

Jenesis 50:11 ပူးပေါင်းရင်းမြစ်များ

Jenesis 24:6

Mae Ebraham ne cheke eghu ka mana, “Theo fara. Thosei ke hata fapulo iagho jare mae thugu iara na.

Diutronomi 11:30

Phei thogele igre au ke kasa Khoꞌu biꞌo Jordan, ka nodi glose vikegna Kenan te au ka glogu Khoꞌu biꞌo Jordan. Phei thogele igre au rhegna nabrou te mala tei salaꞌu ke mosu gaju blahi More, rhegna namono Gilgal.

Diutronomi 3:27

Iagho haghe ka thogele Pisga. Eghuteuna iagho filo thongana ka vido te gnafa are. Filo fakeli ka gobigna lepo te filodi iaghore, naugna iagho ginauna theome tangomana te kasa ka Khoꞌu biꞌo Jordan.

Diutronomi 3:25

Snakre ghau iara sagho mala tei filodi iara famane glose te au ke kasa Khoꞌu biꞌo Jordan, nei famane glose ka gukhu nei ka Thogele Lebanon.’

Jenesis 50:10

Hatimare ne tei ka vido Atad, ke maghati khoꞌu Jordan. Jare mare ne tanhi fabiꞌo nei diꞌanagnafa eghu eigna mae Jekop. Eghuteuna mae Josep ne diꞌanagnafa nei tanhi neu nabagna fitu narane.

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Jenesis 50:12

Aonu thugna mae Jekop igre ne leghuni unha teke chekeni mana ka mare na.