Jenesis 5:24 - Buka Blahi Ka Cheke Holo

²⁴ Kaisei narane God ne hata fadeleini mae Enok mala au balugna eghu teuna naiknore ne theome filoni mana. Naugna mae Enok igne neke thofno kheragna tutuani God.

Jenesis 5:24 ပူးပေါင်းရင်းမြစ်များ

Ululahu Jone 1:7

Nu te au tahati ka naphae ke ulugna God jateula mae Jisas Kraes teuna, tahati na kaisei au fodu fari theda, eghuteuna dadaragna mae Jisas Kraes Thugna God na fagaedi nakhiboda fateote'o re.

Jenesis 5:22

Ke leghugna te karha mae Metusela na, mae Enok ne kheragna tutuani God, neke au balugna God thilo gobi finogha. Mana jaola neke au keha thugna nalhaꞌu nei keha thugna gaꞌase neku.

Luku 23:43

Aonu, mae Jisas ne cheke eghu ka mana, “Tuani fara te chekeni iara ka iagho na, ka narane gognaro gne iagho balugu iara kligna.”

Fapea Kings 2:11

Phiamare toutonu nolo ne tei. Aonu kaisei khaꞌaghi te jateula chariot mala magra te korho ka hose ra teuna ne mei salaꞌu farihoteidi phiamare. Eghuteuna ka vido tuanala, kaisei seseuru ne mei hatani mae profet Elija ne haghe kligna.

Jenesis 42:36

Mae kmadi na ne cheke eghu ka mare, “Ka puhimi ghotilo la dofidi iara phei mae thugu ra. Ulu lahu na mae Josep, eghuteuna ke leghu na mae Simion. Eghuteuna gognaro na ghotilo ke jaola ke magnahagheni mae Benjamin teke mala tei au fadelei ka iara na. Gobigna lepo igre fakokhoana ghau iara.”

Jenesis 37:30

Aonu mana neke figri ka mae tahignare ne cheke eghu, “Tore, iara theome filoni mae Josep na jare. Faꞌunha eghu ame tangomana nga iara teke hata fapuloni mana ka khamedi mae te hatani mana te tei Ijep gre eghu?” Hatimare ne theome cheke tughu ka mana ne cheke eghu ka gaoghathodire, “Mala unha ni si mae ignea, lisa laoni mae tuana.”

Profet Jeremaea 31:15

Lord ne cheke eghu, “Kaisei naogla ne nomhi laoni namono Rama. Naogla natanhi nei khoje diꞌanagnafa. Resel tanhidi thugnare. Eghuteuna ninhigrana ranghini kaisei naikno te fameomegoni naꞌa na, naugna ne dofidi thugnare.”

Fapea Kings 2:1

Namo ka narane Lord te hatani profet Elija te haghe kligna na, Lord ne kuruni kaisei seseuru biꞌo mala mei hatani mae Elija. Ka narane igne, profet Elija ghe profet Elisa jifla Gilgal ne nolo ne tei.

Matiu 2:18

“Naikno te au ka namono Rama ne nomhini kaisei naogla, u naogla natanhi nei phaopado, Resel ne tanhidi thugnare, ne theome kmu, naugna mare ne kafe lehehi.”

Letas Teke Rioriso Mae Jud 1:14

Mae Inok teke karha ka fafitu phagusu ke leghugna mae Adam na neke kulu laseni unha nate eni ka mae igre. Eghuteuna mana neke cheke eghu eidi mare, “Filo si ghotilo, Lord ginauna mei balu nogna thogha thogha engel te blahi.

Jenesis 5:23

Aonu mae Enok ne thilo gobi namno salei glima finogha.

Jenesis 5:25

Kate kaisei gobi nhana salei fitu finogha gna na, mae Metusela ne au kaisei thugna nalhaꞌu, nanghagna na Lamek.

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Fapea Kings 2:10

Mae profet Elija ne cheke eghu ka mana, “Glepo te toreni iagho ka iara igne, theome bligi ranghi ghau iara te mala eni na. Nu jame te filo ghau iara iagho kate mei Lord te hata ghau iara na, iagho ginauna hata u nolaghi te toreni iagho igne. Eghuteuna jame te theome filo ghau iara ka narane te tei iara na, iagho ginauna na theome tangomana te hata na u nolaghi tuana.”

Nodi Khoje Hatimare Mae Jiu 49:15

Nu God ginauna fakarhi ghau iara kau glehe.

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Fapea Kings 2:12

Mae Elisa ne filoni mae Elija te tei na ne eha eghu, “Mama! Mama! Iara filodi chariot nei maedi Israel te saghe ka hose!” Kate haghehi mae Elija kligna na, mae Elisa ne diꞌanagnafagna fara ne rerheku nogna pohe na.