Jenesis 49:6 - Buka Blahi Ka Cheke Holo

⁶ Kate roghe poru ghopa te mala edi puhi te diꞌa re iara neke tirogu ari gnokro balumi ghopa neke fanomho ka gaoghatho te diꞌa te edi ghopa re. Naugna kate diꞌatami na ghopa neke falehedi naiknore. Eghuteuna ghopa neke puri loalopa gahedi nodi buluka naiknore mala maꞌe nomidi kolho.

Jenesis 49:6 ပူးပေါင်းရင်းမြစ်များ

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Nodi Khoje Hatimare Mae Jiu 26:9

Thosei khi fajifla ghau ka iagho baludi naikno te gnognoro gre nei naikno te aknu poru gre eghu.

Nodi Khoje Hatimare Mae Jiu 16:9

Eghume, nagnafagu na iara thofno glealeꞌa fara. Eghuteuna iara theome tangomana te mhaghuni kaisei glepo na.

Fapea Korin 6:14

Ghotilo nhogri ka iheire te theome fatutuani, eghume thosei fariuriu loku baludi. Eigna unha te keli na theome tangomana te loku fodu ka unha te diꞌa na. Eghuteuna u naphae na theome tangomana te au fodu ka gromno na.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Profet Jeremaea 15:17

Iara theome gnokro ka gaghamu baludi keha naikno te gleale'a koba balu maꞌe are. Nu leuleghu fata na, iara au fabrahu kolho thegu, naugna diꞌatamu iagho ranghidi naikno igre fodu ka iara.

Profet Jeremaea 4:19

Iara diꞌa nagnafagu fara, eghuteuna iara haimini te kabru ka thiꞌagu na. Iara theome tangomana te au snoto na, naugna iara nomhidi naogladi khufli, nei nomhidi hatimare mae naoka te eha fabiꞌo kate posa mei mare ka magra na.

Nodi Khoje Hatimare Mae Jiu 64:2

Mare hiro phoge te mala fadiꞌa ghau iara na, mare fakhaprui te mala magri ghau iara. Eghume iara tore nigho iagho mala reireghi fakeli ghau iara eghu mala theome tangomana mare te goigoni ghau iara na.

Nodi Khoje Hatimare Mae Jiu 57:8

Gognaro gne iara dofra! Iara na lalahu gita nei hukalele eghu. Uve, kate gagra pasa na iara na koje balu kilo fnakno.

Proveb 12:5

Mae te doglo na, ghathoni fabrahu te mala eni puhi te doglo na. Nu mae te diꞌa na ghathodi fabrahu thua nafnata puhi te mala chaghidi naiknore.

Proveb 1:11

Glahu cheke eghu mare ka iagho, “Iagho mei balumi ghehati! Tahati na ari poru ofou ke mata nabrou mala aknu falehedi naikno te keli are mala nenei nodadi.

Nodi Khoje Hatimare Mae Jiu 139:19

God, iara magnahaghei nigho iagho fara te falehedi naikno te diꞌa are. Eghuteuna iara magnahaghedi fara mae iheire te khuru magra igre te tei delei na!

Nodi Khoje Hatimare Mae Jiu 103:1

Iara mala cheke fakelini nanghagna God na ka nagnafagu na. Uve, thinigu nei nagnafagu teugre mala cheke fakelini nanghagna mana te blahi na.

Nodi Khoje Hatimare Mae Jiu 43:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 42:11

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala togho ghau iara!

Nodi Khoje Hatimare Mae Jiu 42:5

Naugna unha site au diꞌanagnafa iara gnea? Naugna unha site tahu fara ka gaoghathogu iara na puhi ignea? God, iara ginauna na lisa ari ka iagho kolho nagnafagu na mala cheke fakeli nigho eigna iagho nogu God mala fakarhi ghau iara!

Nodi Khoje Hatimare Mae Jiu 30:12

Nogu Lord, iara gognaro na theome tangomana te fofotho foflogu na. Iara ginauna na koje mala kilo fafnakno nigho. Iara ginauna tegio nigho fabrahu tifa tifa.

Nodi Khoje Hatimare Mae Jiu 28:3

Kate fatedi iagho naikno te diꞌa puhidire, eidi glepo te diꞌa teke edi mare re, iagho thosei kaha fodu ghau iara baludi mare. Mare lase cheke famaemahe fara ka keha naiknore, nu gaoghatho te diꞌa na fodu ka nagnafadire.

Nodi Khoje Hatimare Mae Jiu 5:10

God, fatedi nei fapuhidi naikno te diꞌa tuare. Eghuteuna lisa laodi mala snoꞌo mare ka khora teke dokha thedi mala snoꞌo iara teku mare na! Eigna mare thono patugama fara ka iagho ne edi kmana nakhibo. Eghume thosei snakredi te kegra ke ulumu iagho na eghu.

Nodi Khoje Hatimare Mae Jiu 1:1

Keli tadi fara iheire te tirodi fanomho ka nodi farirhiu naikno te diꞌa puhidire. Eghuteuna tirodi gnokro baludi mala cheke fadiꞌa ni God.

Jajis 5:21

Nabritha biꞌo ka khoꞌu biꞌo Kison igne goigonidi nogna soldia Sisera igre. Uve, nabritha igne toku tafrudi mare. Leuleghu fata na, iara ginauna au rheta kate tei iara ka magra na!

Diutronomi 27:24

“ ‘Puhi biꞌo ginauna thokeni ihei te aknu falehe poruni kheragna na.’ Eghuteuna naiknore ginauna cheke eghu, ‘Amen!’

Josua 11:9

Aonu mae Josua ne leghuni nogna cheke Lord igne ne lolhopa gahedi nodi hose nei faghamu khaꞌaghi nodi chariot teu mae naoka igre.

Fapea Samuel 8:4

Mae Devet ne hata ka mare varadaki thogha soldia nei kaisei thogha fitu gobi soldia te saghe ka hose. Eghuteuna mana jaola ne hata kaisei gobi hose mala tungnu chariot. Nu keha hosere mare rarhave kolho ghahedire mala theome tangomana reꞌe te nonolo na.

Ululahu Kronikols 18:4

Nogna armi mae Devet igne ne hata ka King Hadadesa kaisei thogha chariot mala magra, fitu thogha soldia te saghe ka chariot, nei varadaki thogha soldia. Eghuteuna mana ne hata kaisei gobi hose mala korho chariot ka magra. Nu keha hose re mare ne kusu naula ka ghahedire mala theome tangomana reꞌe te chari na.