Jenesis 49:3 - Buka Blahi Ka Cheke Holo

³ “Iagho mae Ruben, mae thugu biꞌo lahu iara ia. Iara kani mae majaghani ghu neku neke faꞌau nigho iagho. Eghuteuna gognaro na iagho la biꞌo haghe la kaisei mae nheta fara ka hatimare mae thabusimu igre eghu.

Jenesis 49:3 ပူးပေါင်းရင်းမြစ်များ

Nodi Khoje Hatimare Mae Jiu 78:51

Mana neke falelehe fahui goro sua nalhaꞌu teke kulu karha mei ka tharakna te gnafa ka namono Ijep.

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Nodi Khoje Hatimare Mae Jiu 105:36

Aonu Lord ne falehedi goro sua nalhaꞌu teke kulu karha ka tharakna te gnafa Ijep.

Jenesis 29:32

Gognaro na Lea ne au kaisei thugna nalhaꞌu. Eghuteuna Lea ne cheke eghu, “Lord la filonihi nogu diꞌanagnafa iara na. Eghume gognaro na khetogu iara gne ginauna nake magnahaghei ghau iara.” Aonu naꞌa ne kiloni nanghagna thugna ulu lahu na Ruben. Gaoghathogna nangha Ruben teu igne, “Lord ne filoni nogu diꞌanagnafa iara na.”

Ululahu Kronikols 5:3

Mae Ruben gne neke au fati thugna nalhaꞌu. Nanghadi mae igre: Mae Hanok, mae Palu, mae Hesron, nei mae Kami.

Ululahu Kronikols 5:1

Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Ululahu Kronikols 2:1

Igre nabotho phei thugna mae Israel: Mae Ruben, mae Simion, mae Livae, mae Juda, mae Isaka, mae Sebulun,

Naba 26:5

Ka vikegna mae Ruben, thugna ulu lahu mae Jekob na, ne au tharakna gna mae Hanok, tharakna gna mae Palu, tharakna gna mae Hesron, nei tharakna gna mae Kami. Eghuteuna khaputudi mae nalhaꞌu ka tharaknadi mae igre ne thokeni phiatutu thilo thogha fitu gobi tolufulu mae.

Jenesis 48:18

Mae Josep ne cheke eghu ka mae kmagna na, “Mama, iagho eni fajafrau. Mae Manase nga gneu teke kulu karha na. Habo lao sagho khame nhetamu na ka pha'ugna mana na.”

Jenesis 46:8

Igre nanghadi thugna mae Jekop teke tei balugna mana Ijep re. Mae Ruben, mae ihei teke kulu karha ka mana na.

Thakle 3:14

Mae igne neke cheke eghu ka iara, “Iagho rioriso tei kaisei letas ranghini engel gna khiloau Leodisia, eghuteuna iagho cheke eghu ka mana: Igne nogu cheke iara na mae ihei te mala falalase ari nogna nhaꞌa cheke God gre thofno tutuani fara. Eghuteuna iara kaisei mae mala toutonudi nogna cheke mana re ka thofno puhi te tutuani fabrahu tifa tifa. Eghuteuna gobigna lepo teke vuavuha God igre, neke mei funu ka iara.

Diutronomi 33:6

Mae Moses tudu ne cheke eghu ka vikedi Israel: “Vikegna mae Ruben, ghotilo ginauna theome kmana, nu ghotilo ginauna karha, eghuteuna jame te keli na ghotilo na theome tangomana nate lehe na.

Jenesis 35:22

Kate au teu mare ka namono igne mae Ruben tei ne thuru balugna Bilha fapea khetogna mae kmagna. Kate nomhini igne mae Jekop, keha nanghagna na mae Israel gne, mana ne diꞌatagna fara. Mae Jekop gne nabotho phei mae thugna.

Jenesis 35:23

Namno mae teke karha ka Lea re igre, mae Ruben, mae Simion, mae Livae, mae Juda, mae Isak nei mae Sebulun.

Diutronomi 27:13

Eghuteuna namno vike igre mala tei kegra ka thogele Ebal. Mare mala nomhidi puhi biꞌo nate eni Lord ka naikno te theome leghuni mana re. Igre vike te mala tei kegra ka thogele Ebal, vikegna mae Ruben, nei vikegna mae Gad, nei vikegna mae Asa, nei vikegna mae Sebulun, nei vikegna mae Dan, nei vikegna mae Naftali.