Jenesis 49:27 - Buka Blahi Ka Cheke Holo

²⁷ “Iagho mae Benjamin ia, vikemu iagho re ginauna mala jateula kaisei khuma te fakaukathu ra eghu. Narane thongana na tei hamerane nei grafi teuna mana na tei tongana falehedi nogna naokare mala ghamu ghegna. Ginauna na jateula tuana eghu vikemu iagho re.”

Jenesis 49:27 ပူးပေါင်းရင်းမြစ်များ

Profet Esikiel 22:27

Nodi mae funei te gnafa mare igre jateula khuma mata te kathu falehe glepo tautagu te kina sasaka eghuteuna ghamu teura eghu. Mare falehe naikno mala tangomana mare te hata nodi sileni naikno re te mala dedei na.

Jajis 20:25

Nu ka fapea narane ka magra igne, nogna armi Benjamin igne ne jifla mei Gibea ne aknu falehe nabotho nhana thogha soldia di Israel te loku naflahi mala magra.

Jajis 20:21

Nu nogna armi Benjamin igne ne jifla mei ka namono igne ne magra ka armigna Israel. Ka narane tuana, mare ne aknu falehe varadaki phei thogha soldia ka armigna Israel.

Jenesis 46:21

Teke thugna nalhaꞌu mae Benjamin re nanghadire mae Bela nei mae Beka nei mae Asbel nei mae Gera nei mae Naman nei mae Ehi nei mae Ros nei mae Mupim nei mae Hupim nei mae At.

Jenesis 35:18

Nu kate fnuda te namo lehe na, Resel ne kiloni thugna nalhaꞌu na Benoni. Gaoghathogna na “Sua neke karha mei balu khabru biꞌo.” Kate fanangha te gnafa sua igne, Resel ne lehe. Nu ke leghu na mae Jekop neke kiloni mae sitei na mae Benjamin. Gaoghathogna na “Mae sitei igne ginauna au ka nakarha te keli.”

Filipae 3:5

Iara thofno maegu Israel neke karha ka vikegna mae Benjamin, eghuteuna ka fahanagna narane gu iara na mare neke vavahe ghau iara. Iara leghuni nodi vetula mae Jiure naugna iara kaisei mae Farasi.

Mae Khuru 20:29

Naugna iara la kulu lasenihi igne. Ke leghugna te tei koko ghami iara ginauna, keha naikno te diꞌa puhidire ginauna mei fariuriu lalamadi naikno ka khiloau gne.

Mae Khuru 9:1

Mae Sol ne thono magnahaghei fara te mala lalamadi nei falehedi teu naikno te fatutuani ni mae Jisas. Aonu mana ne tei ka mae pris biꞌo na

Matiu 10:16

“Kulu fanomho fakeli ghotilo ia! Naugna iara ginauna na kuru fajifla ghami ghotilo ka naikno te diꞌa tuare. Kate tei ka mare na ghotilo ginauna jateula sipu ke lamnadi khuma te fakaukathu ra eghu. Nu ghotilo mala jateula mogo te lalase fara, nei jateu balhu te theome magra te au kmu ra eghu.

Matiu 7:15

Mae Jisas ne cheke eghu, “Fiofilo ghami ka mae profet chaichaghi are. Ke kosi na jateula te famane sipu eghu filodire. Nu tutuani, mare goigonidi naiknore jateula khuma fakaukathu eghu naugna gaoghathodire jafra fara.

Profet Sefanaea 3:3

Hatimare mae lida ka namono biꞌo Jerusalem, mare jateula lion te rofo te ku'e tafri ra eghu. Eghuteuna mae biꞌo ka namono igre, mare jateula khuma te rofo te ghamu fateo ghegna gano ra eghu. Eghuteuna theome lisei faleghu kaisei nhubra malagna keha narane na.

Profet Esikiel 22:25

Mae profet di Israel igre edi keha gaoghatho te diꞌa mala goigonidi naiknore jateula lion te rofo te ku'e fabiꞌo kate ghamu nafnahidi glepo tautagu te kathu falehe thedi re. Mare aknu falehe naiknore, eghuteuna hata nodi sileni mare re baludi keha glepo langau eghu. Kmana mae te aknu falehe mare re, eghuteuna khetodi mae te lehe igre au glehe kokoi.

Profet Jeremaea 5:6

Naugna igne, Lord ginauna paradi mae igre. Mana ginauna na jateula kaisei lion te jifla mei funu mata ra eghu mei falehedi mare. Eghuteuna kaisei khuma mata ginauna mei funu ka namono nagou mala mei goigonidi mare. Kaisei khurau biꞌo ginauna ofou rhedi namono biꞌo igre malagna ihei te jifla mei ka namono tuana mala kina sasakani theo tokagna. Uve, Lord ginauna paradi mare, naugna nakhibodire kmana fara, eghuteuna kmana fata mare tei kokoni Lord.

Diutronomi 33:12

Vikegna mae Benjamin, Lord thofno namha ghami ghotilo. Ghotilo tangomana te au muana balugna Lord. Mana au balumi ghotilo ka nomi thogele ghotilo are, eghuteuna mana reireghi ghami ghotilo fabrahu.

Naba 23:24

Naikno igre nheta fara jateula lion biꞌo ra eghu. Uve, mare jateula lion te falehedi keha glepo mhata te mala ghamu nei koꞌu fahui teu dadaradi ra eghu.”

Jenesis 49:26

Iara nake fakasa ari ka iagho glepo te keli teke tusu mei God ka iara igre. Glepo te keli mala hata iagho teu iara igre e keli fara uludi glepo te keli fara teke hata vikegu iara tifa ra. God na tusu ari glepo te gnafa igre ka iagho Josep, eigna God neke vahi nigho iagho mala kaisei mae funei ke lamnadi hatimare mae thabusimu iagho igre.

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Naba 34:21

Ka vikegna mae Benjamin na, Elidad thugna mae Kislon.