Jenesis 49:24 - Buka Blahi Ka Cheke Holo

²⁴ Nu mare ginauna na theome falehe nigho iagho eghu, naugna iagho jateula kaisei mae nheta te lase fada te theome faboblogo nogna phaloho na ia eghu. Naugna God mae ihei te pogho soruni iara igne ngala, mana nate togho nigho iagho na. Mana ngala mae ihei te nolaghi fara ke uludi naikno te gnafare.

Jenesis 49:24 ပူးပေါင်းရင်းမြစ်များ

Nodi Khoje Hatimare Mae Jiu 132:2

Lord God, iagho nogna God mae Jekop, nolaghi te gnafa gre nou iagho. Ghathodi sagho u nhaꞌa cheke teke edi mae Devet ka iagho ra.

Profet Isaia 28:16

Nu Lord God ne cheke eghu, “Gognarona iara na lilisei kaisei thina maku te theo ka nghaligna agne Jerusalem. Ka narane te babana iara nogu suga na, iara na lilisei kaisei thina pari mala sutu haghegna suga igne. Ihei te rouronu ka iara mae ihei teke lilisei gna thina igne na, mana ginauna theome tangomana te nghali na.

Nodi Khoje Hatimare Mae Jiu 80:1

God, leuleghu fata na iagho reireghi ghami ghehati naiknomi Israel jateula nou sipu teu iagho gre. Fanomho mei sagho ka ghehati, eigna iagho nodi king hatimare mae engel.

Nodi Khoje Hatimare Mae Jiu 18:30

Puhigna God na e thofno keli fara nei doglo eghu. Jame te nhaꞌa chekeni mana kaisei glepo na, nogna cheke mana tuana ginauna na tutuani fara. God na jateula kaisei greoreo mala magra eghu, eghuteuna mana reireghi fakelidi iheire te tei poru ka mana.

Thoutonu Eigna Mae Job 29:20

Ka narane tuana, iara gaoghathogu na nogu nafnakno iara na ginauna au fabrahu, eghuteuna iara ginauna jaola nheta fabrahu.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Efesus 2:20

Tahati naikno khiloau na jateula kaisei suga teke horo God eghu. Suga igne babana famaku ke klignadi hatimare mae khuru nei hatimare mae profet, jateula gogho thina eghu, eghuteuna thofno thina ulugna suga igne thegna mae Jisas Kraes ngala.

Profet Isaia 1:24

Aonu nodi God mae Israel te rheta nei au nolaghi fateote'o teu igne neke cheke eghu, “Gognarona ghotilo nogu naoka iara, eghuteuna ghotilo ginauna theome ke eni kaisei puhi biꞌo ranghi ghau iara. Iara ginauna nake tughu fapulo ka ghotilo glepo te diꞌa teke edi ghotilo ka iara ra.

Nodi Khoje Hatimare Mae Jiu 118:22

U thina teke tirodini mae iheire te horo suga na, kela kegra haghe kaisei thina ulu fara ka suga na.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Jenesis 45:5

Eghuteuna gognaro na ghotilo thosei mhaghu nei diꞌatami ka themi eghu eigna puhi teke eni ghotilo ka iara ia. Eigna God neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo eghu ka vido te rofo gognaro gne.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Letas Teke Riso Tei Mae Pol Ka Khiloau Rom 14:4

Ba, iagho ihei sia mala fateni iagho nogna mae gloku keha funei na? Nogna funei thegna na jame te au nolaghi te mala chekeni te mala loku fakeli ba te loku fadiꞌa mana na. Nu mae gloku igne ginauna na eni fakeli fabrahu nogna gloku na, naugna Lord na toghoni mana ka unha te eni mana na.

Mae Khuru 4:11

Eghuteuna u grioriso te blahi na ne cheke eghu eigna mae Jisas, “ ‘U thina teke tiromi ni ghotilo mae iheire te hohoro suga na, kela kegra haghe kaisei thina ulu fara ka suga na.’

Luku 20:17

Nu mae Jisas ne filo ka mare ne cheke eghu, “Unha eghu gaoghathogna na phugra cheke ka grioriso te blahi na igne? “ ‘Thina te tirodini mae iheire te horo suga na, kela kegra haghe kaisei thina ulu fara ka suga na.’

Nonomho Te Keli Teke Risoi Mae Mak 12:10

Ghotilo neke iu'ijunihi grioriso te blahi te cheke eghu ia: “ ‘U thina teke tirodini mae iheire te horo suga na, kela kegra haghe kaisei thina ulu fara ka suga na.

Matiu 21:42

Mae Jisas ne cheke eghu ka mare, “Uve, ghotilo iu'ijunihi igne kau grioriso te blahi ia, “ ‘Thina teke tirodini mae iheire te horo suga na, kela kegra haghe kaisei thina ulu fara ka suga na. Glepo igne Lord teke eni gnana, thofno keli fara ka tahati filogna na.’

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Profet Sekaraea 3:9

Filo! Iara Lord mae ihei te au nolaghi fateote'o igne la liliseihi kaisei thina ke ulugna Josua. Thina igne au fitu phile tagna, eghuteuna iara ginauna rioriso kaisei cheke tagna. Eghuteuna ka kaisei narane kolho, iara ginauna hata koko nakhibodi naiknogna glose igne.

Profet Isaia 60:16

Hatimare mae king nei naiknodi teu keha kantri are ginauna reireghi ghami ghotilo, jateula gaꞌase te fachuꞌuni thugna na ia eghu. Ka narane igne, ghotilo ginauna laseni te iara ngala Lord mae ihei te fakarhi ghami ghotilo na. Eghuteuna ghotilo ginauna jaola lase ghau iara te iara nogna God mae Jekop, mae ihei te nheta fara nei atha fasnagla ghami ghotilo.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Profet Isaia 29:24

Naikno te theome muana gaoghathogna nei ihei te khuru cheke teu igne, ginauna lase fakeli ghau iara nei ginauna leghudi nogu farirhiu iara re.”

Nodi Khoje Hatimare Mae Jiu 89:1

Lord God, iara ginauna kojeni koba nou namha biꞌo iagho na, nei iara ginauna toutonuni koba eigna puhi te tajini iagho u nou nhaꞌa cheke na.

Nodi Khoje Hatimare Mae Jiu 44:7

Thono theo fara. Naugna kaisei iagho ngala te tangomana nate fakarhi ghami ghehati ka khamedi nomi naoka gre. Iagho famamajadi naikno te tirodi ghami ghehati gre mala jateula te noinolira eghu mare fifilodire.

Nodi Khoje Hatimare Mae Jiu 28:8

Lord ngala mae ihei te reireghidi nogna naiknore, eghuteuna mare karha kolho ka mana. Mana neke vavahi ghau iara mala king, mala funei frunidi iara nogna naikno mana re. Iara tei poru koba ka mana, eghuteuna mana fakarhi ghau iara.

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Nodi Khoje Hatimare Mae Jiu 23:1

Lord na reireghi fakeli ghau iara jateula kaisei nogna sipu eghu. Eghume iara theome kmoꞌe kaisei glepo.

Nodi Khoje Hatimare Mae Jiu 18:1

God, iara namha nigho fara. Iagho ngala nogu nolaghi iara na.

Nehemaea 6:9

Mare fariuriu mala famamhaghu ghami ghehati, mala glaꞌe soru nei theome tangomana te gnafa na gloku igne eghu. Aonu iara ne tarai eghu, “God, farheta ghau mala loku fahui iara gloku igne.”

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Eksodas 3:6

Iara nodi God kuꞌemu iagho tifa ra, nogna God Ebraham, nei Isak nei Jekop.” Aonu Moses toku tafru tathagna foflogna re, naugna mana mhaghu nogna fara te filo lao ka God.

Jenesis 50:21

Eghume ghotilo thosei mhaghu ghau iara eghu. Iara ginauna na fiofilo ghami ghotilo baludi thumi are ka unha te mala nabami ghotilo na.” Mae Josep ne fagano cheke ka mae thabusignare neke fakeli nagnafadi mare.

Jenesis 47:12

Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Jenesis 45:7

Eghume, God na neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo ka glehe rofo te jaglo nodani tahati gognaro gne. Naugna ka nafnata puhi igne mana magnahaghei te ke hata fapulo ghami ghotilo.

Jenesis 48:15

Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Jenesis 49:23

Hatimare mae naoka igre ginauna na diꞌatadi ka iagho na fariuriu goigoni nigho iagho jateula mae te fada khuali nigho iagho ka magra ra eghu.

Diutronomi 33:27

Ghotilo tangomana te au fakeli ka God mae ihei te karha te tifa. Leuleghu fata na, mana theome gnafa te loku ka khamemi ghotilore te mala togho ghami ghotilo na. Ka narane te cheke ka ghotilo te mala goigonidi nomi naoka ghotilore, mana ginauna ngolhi fajifladi.

Fapea Samuel 5:2

Tifa na, mae Sol ia neke noda king tahati ngala, iagho teke batudi mae Israel gre teke tei ka magra na. Eghuteuna Lord na neke cheke eghu ka iagho, ‘Iagho ginauna mala batudi nei reireghidi eghu nogu naikno iara Israel igre, eghuteuna iagho mala nomi king ghehati gnafa.’ ”

Nodi Khoje Hatimare Mae Jiu 73:23

Neubane eghu ngau, iagho theome tei koko ghau iara, iagho batu ghau iara jateula mae te loku ka khamegna thugna na ia eghu.

Nodi Khoje Hatimare Mae Jiu 132:1

Lord God, ghathoni sagho nakarha te ninhigrana tela au telau mae king Devet ke lamnagna igne.

Profet Isaia 49:26

Iara ginauna faꞌeiꞌeidi mae teke para ghami ghotilo ra mala jateula mae te koꞌu beer te thaviru ra eghu mare mala ghilei falehe naikno fari thedi. Aonu naikno te gnafa ka nauthoglu igne ginauna laseni te iara Lord te fakarhi ghami ghotilo na. Eghuteuna mare ginauna na jaola lase ghau iara nodi God vikegna mae Jekop mae ihei te nolaghi te fakarhi ghami.”

Josua 17:18

Ghotilo ginauna tangomana te hata thogele are, funu ka phile igne tei posa ka keha phile gno. Tutuani namhata igre nathuꞌa fara, nu ghotilo tangomana te tobi fagae mala au ghotilo tagna. Eghuteuna jaola tutuani naiknodi Kenan igre au nodi chariot teke horo ka aean, eghuteuna mare nheta ka magra na, nu ghotilo tangomanau ngala te ngolhi fajifladi re naikno tuare.”

Jajis 1:22

Phei vikegna Josef, Efrem ghe Manase igre tei ne magra ka namono Betel, nanghagna tifa na “Lus”. Ka magra igne, Lord ne toghodi mare. Nu ame tei nga mare ka magra teuna, mare neke kulu kuru tei keha mae mala filo glani namono igne.

Fapea Kings 13:16

eghuteuna mae Elisa ne cheke ka mana mala tarabana mala fada, eghuteuna mae Elisa ne habo khamegna na ka khamegna king.