Jenesis 49:18 - Buka Blahi Ka Cheke Holo

¹⁸ Aonu mae Jekop ne cheke eghu ka God, “Lord, iara ofo nigho mala mei fakarha ghau ka khamedi iheire te magnahaghei fakokhoana ghau iara igre.

Jenesis 49:18 ပူးပေါင်းရင်းမြစ်များ

Nodi Khoje Hatimare Mae Jiu 119:174

Lord God, iara magnahaghe nigho fara te mei fakarhi ghau na. Nou famane farirhiu iagho re faglealeꞌa ghau fara iara.

Nodi Khoje Hatimare Mae Jiu 119:166

Lord God, iara rouronu ari ka iagho te mala mei fakarhi ghau na, nei iara leghudi kolho nou vetula iagho re.

Profet Maeka 7:7

Nu, iara ginauna ofoni Lord kolho, naugna iara thofno laseni te mana ginauna mei mala fakarhi ghau iara. Lord ihei te nogu God iara igne ginauna nomhi meini nogu tharai iara na.

Profet Isaia 25:9

Ka narane tuana, naiknore ginauna cheke eghu, “Lord na noda God tahati! Tahati au noda grouronu biꞌo ka mana te mala fakarhi ghita na. Tahati thofno keli tada fara!”

Nodi Khoje Hatimare Mae Jiu 130:5

Iara ofoni kolho Lord, naugna iara magnahagheini fara mana te togho ghau na. Eigna iara fatutuani ni fara unha te chekeni mana na.

Ululahu Tesalonika 1:10

Jaola te chekeni mare na ghotilo ofoni Thugna God mala mei vuha kligna. God neke fakarha fapuloni mae Jisas ka glehe mala tangomana mana te fakarhi ghita ka fate nogna God nate mei tutuani thogheiro.

Luku 2:30

Naugna mae teke vavahi iagho mala fakarhidi naikno te gnafare, gognaro iara la thofno filonihi ka tathagu na.

Luku 2:25

Kaisei mae biꞌo te kiloi Simion, mana jaola au Jerusalem. Mana kaisei mae doglo fara nakarhagna na ke ulugna God nei tarai koba eghu. Mana ofoni u narane God nate fakarhadi naiknodi Israel re. Eghuteuna u Tharunga te Blahi na ne au balugna mana.

Luku 1:30

Nu engel na neke cheke eghu ka naꞌa, “Meri, thosei mhaghu eigna cheke igne. Naugna God na thono keli tagna fara ka iagho.

Matiu 1:21

Naꞌa ginauna na au kaisei thugna nalhaꞌu eghuteuna iagho na kiloni mana Jisas, naugna mana ginauna na fakarhidi nogna naiknore kau nakhibodire.”

Lamentations 3:25

Lord na fablahidi iheire te fatutuani ni mana, nei iheire te magnahaghei lase fakelini mana.

Nodi Khoje Hatimare Mae Jiu 85:7

Lord God, fakakhana sagho nou namha biꞌo na ka ghehati, nei ke hata fapulo ghami eghu mala au fakeli ghehati.

Nodi Khoje Hatimare Mae Jiu 40:1

Iara neke ofoni Lord mala mei togho ghau, aonu mana neke kokhoni ghau iara neke nomhidi nogu tharai iara re.

Nodi Khoje Hatimare Mae Jiu 14:7

Iara toreni fara noda God mae ihei te au ka Thogele Saion te mala snakreni kaisei mae te mala fakarha ghita ka khamedi noda naokare. Ka narane tuana tahati na thofno glealeꞌa noda, eigna God na togho ghita tahati maeda Israel.

Galesia 5:5

Nu ka nogna thotogho mae Tharunga te Blahi na, ghehati ronuni fara God mala fadoglo ghami ke ulugna mana ginauna.

Letas Teke Riso Tei Mae Pol Ka Khiloau Rom 8:25

Nu neuba tahati ne theome filoni glepo te rouronu teu tahati na, gognaro na tahati blaknoi ofo leghu fata.

Letas Teke Riso Tei Mae Pol Ka Khiloau Rom 8:19

Gobigna lepo teke vuavuha God igre ofou kolho mala thokeni narane nate falalase God iheire te thofno thugna mana re.

Nonomho Te Keli Teke Risoi Mae Mak 15:43

Kaisei mae nanghagna na mae Josep mae gna Arimatea mana frane ne tei ka mae Paelat ne toreni thinigna mae Jisas na. Mana kaisei mae biꞌo ka tothoghei mala fate na. Eghuteuna mana kaisei mae te ofoni fabrahu teu narane te mala funei frunidi God nogna naiknore.

Profet Isaia 36:8

“ ‘Mae komanda igne tudu ne cheke eghu, “King Hesekaea, mei sagho roghe balugna nogu mae funei iara king gna Asiria. Nogu mae funei iara na tangomana te tusu ranghi nigho phei thogha hose gognarogne, eghu jame te tangomana iagho te hirodi phei thogha soldia te mala saghe ka hose te magra na. Nu te laseni iara na iagho jame theome au nafnata mae igne.

Profet Isaia 33:2

Lord, kokhoni ghami ghehati. Iagho ngala te ronu nigho ghehati na. Farheta ghami leuleghu narane, fakarhi ghami ka hoholo.

Profet Isaia 8:17

Gognarona Lord pophoruhi foflogna nei tathagna teure ka tahati vikegna mae Jekop ra. Nu neuba ngau, iara ginauna ofoni Mana. Uve, iara ginauna thofno lelheghu ka Mana.

Nodi Khoje Hatimare Mae Jiu 123:2

Iara ginauna na filo haghe fabrahu ka iagho mala ghilei kokhoni ghau iagho. Uve, jateula kaisei mae gloku te filo teu ka nogna mae funei na te mala toghoni ia eghu.

Nodi Khoje Hatimare Mae Jiu 119:41

Lord God, fathakle mei ranghi ghau nou namha biꞌo iagho na. Uve, fakarhi ghau iara sagho jateula teke nhaꞌa chekeni iagho themu ia eghu.

Nodi Khoje Hatimare Mae Jiu 62:5

Leuleghu fata na iara fatutuani ni kaisei God ngala. Eghuteuna ofoni kaisei mana ngala te mala togho ghau na.

Nodi Khoje Hatimare Mae Jiu 62:1

Leuleghu fata na iara fatutuani ka kaisei God ngala. Eigna kaisei mana ngala te tangomana nate ke hata fapulo ghau iara te mala karha iara na.

Profet Isaia 30:18

Nu Lord na kokhoni ghami ghotilo. Leuleghu fata na mana eni koba glepo te doglo na. Eghuteuna ihei te fatutuani ni mana na, mana ginauna glealeꞌa nogna fara.

Jenesis 49:17

Nu naikno nate karha mei ke leghumu iagho ginauna mala jateula kaisei mogo te faghughumhu te ofou teu ka geri nabrou na ia eghu. Kate mei sala'u kaisei hose ka nabrou na, mogo te faghughumhu tuana ginauna na kakathu e piri guali ka phei ghahegna hose re, eghuteuna mae teke saghe ka hose tuana ginauna na oha soru pari. Jateula tuana eghu, neuba vikemu iagho na ne theome kmana, kate mei keha vike te funu magra re ka ghotilo na, ghotilo ginauna na jateula tuana eghu, na farhanidi kolho ka glehe kate theome tarabana te mei magra mare ka ghotilo na.”

Eksodas 15:2

“Iara koje mala fafnaknoni nanghagna Lord, eigna mana ne tusu mei nanheta ka iara. Mana neke atha fapulo ghau iara, eghuteuna iara magnahaghei te pala hagheni nanghagna mana na. Mana na nogu God iara, mae ihei teke pogho soruni mae kuꞌegu iara ra.

Proveb 14:32

Mae te diꞌa puhigna na ginauna au papara kate thoke mei puhi biꞌo na. Nu neubane lehe mae te doglo na, mana au nogna vido mala poru ka God.

Profet Hosia 12:7

Naiknodi Israel, mare chaichaghi eidi skel jateula maedi Kenan ra neu.