Jenesis 48:7 - Buka Blahi Ka Cheke Holo

⁷ Iara eni cheke igne naugna iara ne kokhoni noguni fara idomu iagho Resel ia. Naꞌa neke lehe ka narane teke jifla iara Mesopotemia teke pulo Kenan ia. Naꞌa neke lehe ka narane teke mei namo hi ghehati ka namono Efrata, aonu iara neke giugiluni naꞌa rhegna nabrou na jare.” Efrata gne gognaro na Betlehem.

Jenesis 48:7 ပူးပေါင်းရင်းမြစ်များ

Matiu 2:18

“Naikno te au ka namono Rama ne nomhini kaisei naogla, u naogla natanhi nei phaopado, Resel ne tanhidi thugnare, ne theome kmu, naugna mare ne kafe lehehi.”

Jenesis 35:9

Ke leghugna te jifla mae Jekop Mesopotemia teke pulo Kenan, God neke thaklei ka mana ne fablahini mana.

Profet Maeka 5:2

Lord ne cheke eghu, “Ghotilo naiknomi ka namono ikoi Betlehem, ka nohi Efrata. Nomi namono ghotilo igne kaisei namono ikoi kolho ka namono te gnafa te au falithui ghami ghotilo. Nu neuba, iara ginauna vahini kaisei mae ka vikemi ghotilo agne Juda, mala funei fruni ni Israel. Tharakna gna mae igne kaisei tharakna thofno ulu fara neke mei funu tifa.”

Ululahu Samuel 17:12

Mae Devet gne maegna Betlehem, thugna mae Jesi. Eghuteuna mae Jesi gne au nhana thugna nalhaꞌu. Mana neke karha mei ka vikegna mae Efrata ka kokhologna mae Juda. Ka narane te king mae Sol igne, mae Jesi la khuekuꞌehi.

Ululahu Samuel 10:2

Kate jifla iagho agne gognarogne, iagho ginauna tei ka nohi Benjamin, eghuteuna iagho ginauna thafodi phei mae Selsa rhegna bekugna Resel tifa ia. Phiamare ginauna cheke eghu ka iagho, ‘Dongki ra kela filodihi mare. Nu mae kmamu iagho na nanga nogna fara ka ghopa, eghuteuna thono ghathoni fara eigna te mala teke thafo ghami ghopa na.’

Ululahu Samuel 1:1

Kaisei mae nanghagna na Elikana, mana au ka namono biꞌo Rama ka thogele Efrem. Kmagna na mae Jeroham gragna mae Elihu. Mare karha mei ke leghugna gna mae Tohu, ka vike gna mae Sufu jare Efrata.

Jenesis 25:20

Mae Isak gne neke phiatutu finoghagna neke tolaghi na ka Rebeka. Rebeka gne neke thugna mae Betuel, kaisei mae ka vikegna mae Aram maegna Mesopotemia. Eghuteuna Rebeka gne neke greghagna mae Laban ka vikegna mae Aram.

Jenesis 33:18

Ke leghugna igne mae Jekop jifla Mesopotemia neke pulo ka kantri Kenan ka namono Sekem, ne hohoro nogna suga tapuale rhegna namono na.

Jenesis 35:20

Ke kligna gna beku igne mae Jekop ne fakegra haghe kaisei thina te mala fagaglana gna aheva teke giugilui mare thinigna Resel na. Eghuteuna thina igne au ngala gognaro na.

Jenesis 48:6

Nu jame teke au sua iagho ke leghudi phei mae igre na, tuare nate thofno thumu iagho themu re, tuare na theome ghathodi iara ne thugu iara teuna. Mare ginauna loku kolho ka vido glose teke tusu lao iara ka mae Efraim ghe mae Manase igre.

Ululahu Samuel 16:4

Aonu mae Samuel ne leghuni unha te chekeni Lord ka mana igne. Kate posa mana ka namono na, hatimare mae biꞌogna namono na filoni mae Samuel ne mhaghu nodi fara. Mare mei ne ghusna eghu ka mana, “Iagho mei ka pharikeli?”