Jenesis 48:22 - Buka Blahi Ka Cheke Holo

²² Tifa na ka namono Sekem iara neke loku naflahi nei jata neku neke magra ka hatimare vikegna mae Amo neke hata namono igne. Iara ginauna na tusu ari namono igne ka iagho kolho. Iara na theome snakre lao namono igne ka mae thabusimu iagho re.”

Jenesis 48:22 ပူးပေါင်းရင်းမြစ်များ

Jone 4:5

Jare Samaria, mana ne mei posa ka namono te kiloi Saeka. Namono igne au rhegna sare teke tusu lao mae Jekop ka mae thugna Josep tifa.

Josua 24:32

Kate jifla Ijep naiknodi Israel tifa igre, mare neke hata nhubragna Josep baludi ne tei giugilui nhubragna mana re Sekem. Mare neke giugiluni mana ka kaisei vido glose teke foli kmagna mana Jekop ka kaisei gobi silva ka vikegna Hamoa mae ihei teke eni namono Sekem. Glose igne kaisei vido ka nodi glose vikegna Josep.

Ululahu Kronikols 5:2

Neuba vikegna mae Juda igne ne rheta salaꞌudi keha vikegna mae Israel igre, eghuteuna king gna Israel na jifla mei ka vikegna mae Juda, nu vikegna mae Josep gne neke hata nogna nolaghi mae teke kulu karha na.

Profet Emos 2:9

“Ghotilo nogu naikno iara ra, iara neke togho ghami ghotilo neke falehedi vikegna mae Amo. Vikegna mae Amo igne brahu nei rheta eghu jateula gaju sida ba gaju ok eghu, nu iara neke kafe falehedi gnafa.

Jajis 11:23

“Gobigna lepo igre Lord neke eni ranghidi nogna naikno mana Israel igre. Mana neke brue fajifladi vikegna Amoa. Eghume naugna unha sagho te magnahaghei hata glose teke theome nomi ghotilo tifa igrea?

Diutronomi 21:17

Kate tufa mana nogna gobigna lepo re, mana falalase ihei teke kulu karha na, thugna gaꞌase teke theome namhani fara mana na. Neuba glepo te tusu lao mana ka fapea nalhaꞌu na igre, mana mala tusu lao phia fata ka glepo igre ka thugna ulu lahu na naugna ulu lahu nei nogna nolaghi eghu mana.”

Jenesis 34:28

Aonu mare ne jaola ne hata fateo sipu nei buluka nei dongki teu re. Mare jaola ne hata gobigna lepo te au ke lamnagna namono na ba ke kosigna namono na eghu.

Jenesis 33:19

Mana neke foli vido glose igne ka vikegna mae Hamo, kmagna mae Sekem. Foli gna vido glose igne neke kaisei gobi silva.

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Profet Esikiel 47:13

Lord God ne cheke eghu, “Igre nohigna glose te mala tufa ghotilo ka nabotho phei vikegna Israel. Phei vikegna Josep, phei vido glose.