Jenesis 48:21 - Buka Blahi Ka Cheke Holo

²¹ Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Jenesis 48:21 ပူးပေါင်းရင်းမြစ်များ

Jenesis 50:24

Mana ne cheke eghu ka mae thabusigna re, “Iara gne la namo lehehi. Nu God na ginauna reireghi ghami ghotilo, eghuteuna mana ginauna nake hata fajifla ghami ghotilo agne. Eghuteuna mana ginauna nake hata fapulo ghami ghotilo ka namono aheva teke nhaꞌa cheke mana ranghini mae Ebraham nei mae Isak nei mae Jekop.”

Jenesis 46:4

Iara ginauna na hata nigho iagho tei Ijep, eghuteuna iara ginauna nake hata fapulo nigho iagho ka vido tela jifla kokoni iagho gognaro gne. Kate lehe iagho na, mae Josep gne ngala te mala giugilu nigho iagho na.”

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 26:3

Iagho au ngala ka namono igne, eghuteuna iara ginauna na au balumu iagho nei taji fakeli nigho iagho eghu. Iara ginauna na snakre ari ka iagho nei ka vikemu iagho gre eghu namono te gnafa igre. Iara ginauna na farerheta nogu nhaꞌa cheke teke eni iara tifa ka mae kmamu iagho Ebraham ia.

Hibru 7:3

Tahati theome lasedi idogna nei kmagna teu mae Melkisedek re. Nei theola kaisei thoutonu eigna vikegna mana na. Nei tahati theome lase nila niha teke karha mana na, ba niha teke lehegna na. Eghume mana jateula te thugna God eghu mala mae pris fabrahu tifa tifa.

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Hibru 7:8

Eidi mae pris te atha kaisei fabothodi gobigna lepo ka naiknore igre, mare mala lehe. Nu te chekeni ka grioriso te blahi na, mae Melkisedek gne mana e karha fabrahu tifa tifa.

Fapea Timoti 4:6

Iara chekeni igne, naugna gognaro na la thoke meihi nogu narane te mala jifla kokoni iara nakarha igne. Nakarhagu iara na jateula u waen te tofa mare ke kligna olta te mala fafara ka God gognaro gne eghu.

Mae Khuru 13:36

“Uve, kate karhagna tekeu mae Devet na, mana neke eni unha teke magnahagheni God na. Nu kate lao te lehe na, mare ne giugiluni mana baludi mae ku'egna re, eghuteuna thinigna mana na neke boto ngala ka gluma na.

Luku 2:29

“Lord, gognaro nou nhaꞌa cheke iagho na la horoghoto tutuani, eghume iagho tangomana te snakre teini nou mae gloku na mala au mana kau pharikeli.

Nodi Khoje Hatimare Mae Jiu 18:46

God, iara lase nigho iagho karha te tifa! Iara te cheke fakeli nigho eigna iagho ne reireghi fakeli ghau iara. Iara pala hagheni nanghamu na eigna iagho ne fakarhi ghau iara.

Josua 23:14

“Nogu narane te mala lehe iara na la namohi gognarona. Eghuteuna ghotilo te gnafa na thofno laseni fara Lord neke tufa glepo te keli ka tahati, jateula teke nhaꞌa chekeni mana tifa ia eghu. Mana neke tajini nogna nhaꞌa cheke na nei edi gobigna lepo teke nhaꞌa chekedi mana re.

Josua 3:7

Lord ne cheke eghu ka mae Josua, “Gognarogne, iara ginauna fafnaknoni nanghamu iagho na ka tathadi naiknodi Israel, mala laseni naiknore te au fabrahu iara balumu iagho na, jateula teke au fabrahu iara balugna mae Moses tifa ia eghu.

Josua 1:9

Iara la chekehi ka iagho. Eghume iagho kegra heta, thosei mhaghu, ba suaraghi. Naugna aheva te tei iagho na, iara Lord nou God ginauna au balumu iagho fabrahu.”

Josua 1:5

Te chekeni iara ka iagho na, theo kaisei naikno nate ulu nigho iagho ka magra na. Iara ginauna au balumu iagho jateula teke au iara balugna mae Moses tifa ia eghu. Iara ginauna au balumu iagho, iara ginauna na theome tei koko nigho ba ghatho iho nigho.

Diutronomi 31:8

Lord thegna ginauna batu ghami ghotilo, eghuteuna mana ginauna au balumi ghotilo. Mana ginauna theome tangomana nate lisa koko ghami ghotilo na, eghume gaoghathomi ghotilo re mala theome glaꞌe soru nei mhaghu eghu.”

Jenesis 37:1

Mae Jekop gne neke au ka kantri Kenan, ka vido aheva teke au mae kmagna tifa na.

Jenesis 15:14

Nu iara ginauna na paradi naikno te edi ka mare puhi tuare. Eghuteuna thumu iagho re ginauna jifla kokoni kantri tuana balu nodi glepo kmana.

Jenesis 12:5

Mae Ebram ghe khetogna Sarai nei mae Lot nebugna na teure ne jifla ne tei. Mare jaola ne hata nodi mae glokure baludi nei nodi gobigna lepo teke hata ka namono Haran re eghu ne jifla ne tei ka namono Kenan. Kate mei au teuhi jare na

Diutronomi 30:3

Jame te eghu ghotilo na, Lord ginauna kelitagna ka ghotilo, eghuteuna mana ginauna tangomana nate atha fajifla ghami ka keha namono aheva teke brue ghami mana teke tei ghotilo tadi are.

Jenesis 15:16

Gramu iagho re ginauna na theome ghosei ke pulo mei ka namono igne. Mare nake pulo mei ka namono igne kate thokeni mare fati phagusu na. Naugna naiknodi Amor gre ginauna kulu edi kmana glepo te diꞌa fara ka namono igne. Ke leghugna igne, iara ginauna na paradi nei kuru fajifladi eghu naikno tuare ka namono igne.”

Jenesis 47:29

Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Jenesis 50:6

Mae king ne filoni nogna cheke mae Josep igne ne cheke eghu fapulo ka mana, “Uve, keli fara. Iagho leghuni u nhaꞌa cheke teke eni iagho ka mae kmamu na igne, hata thinigna mana na mala tei giugilui.”