Jenesis 48:20 - Buka Blahi Ka Cheke Holo

²⁰ Aonu ka narane igne mae Jekop ne fablahidi phei mae gragna re ne cheke eghu ka mae Josep, “Phia mae, goro sua nate karha mei ke leghugu iara na ginau fablahidi keha naiknore ka nanghami ghopa re. Mare na cheke eghu, ‘God te fablahi nigho jateula mana teke fablahidi mae Efraim ghe mae Manase ra eghu.’ ” Ka puhi igne mae Jekop ne nhaꞌa faꞌuluni mae Efraim eghuteuna mae Manase ke leghu.

Jenesis 48:20 ပူးပေါင်းရင်းမြစ်များ

Jenesis 24:60

Kate namo jifla kokoni naꞌa namono na tharaknagna Rebeka re ne fablahini naꞌa, ne cheke eghu, “Gregaguo, iagho ginauna mala idodi thogha naikno ka nauthoglu igne. Eghuteuna vikemu iagho re ginauna na tapla sorudi mae naokare, nei na hata nodi namonore eghu.”

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Naba 13:16

Igre nabotho phei mae teke kuru tei mae Moses mala tei filoni vido Kenan na. Eghuteuna mana neke tughu nanghagna Hosea thugna mae Nun na, ne kiloni mana Josua.

Naba 13:11

Ka vikegna mae Josef te kiloni mare vikegna mae Manase na, mana ne vahini mae Gadi, thugna mae Susi.

Naba 13:8

Ka vikegna mae Efrem na, mana ne vahini mae Hosea, thugna mae Nun.

Hibru 11:21

Mae Jekop jaola ne fatutuani ni God. Naugna igne, kate namo lehe na mana fablahidi phei thugna mae Josep. Kau narane tuana mana ne loku ka nogna khodo na ne cheke fakelini God.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Josua 17:14

Vikegna Josep igre mei ka Josua ne cheke eghu ka mana, “Gognarona, ghehati la kmana fara naugna Lord ne fablahi ghami. Eghume ghehati magnahaghei nigho iagho te snakre mei keha glosei ka ghehati.”