Jenesis 48:15 - Buka Blahi Ka Cheke Holo

¹⁵ Aonu mae Jekop ne toreni God mala fablahini vikegna mae Josep na. Mana ne cheke eghu, “Iagho nodi God kuꞌegu iara mae Ebraham nei mae kmagu iara Isak, phia mae igre mala leghudi fabrahu puhimu iagho re. Eghuteuna iagho neke reireghi fakeli ghau iara funu ka narane teke fakarhi ghau idogu ia ghilei posa ka narane gognaro gne.

Jenesis 48:15 ပူးပေါင်းရင်းမြစ်များ

Jenesis 17:1

Kate nheva salei nheva finogha gnahi mae Ebram na, Lord ne thakle ka mana ne cheke eghu, “Iara God te nolaghi fara. Iagho mala leghu ghau iara fabrahu, nei eni unha te doglo ka tathagu iara na eghu.

Kolose 2:6

Ghotilo hatahi mae Jisas Kraes jateula nomi funei eghu, eghume ghotilo mala leghuni fabrahu puhigna mana na.

Hibru 11:21

Mae Jekop jaola ne fatutuani ni God. Naugna igne, kate namo lehe na mana fablahidi phei thugna mae Josep. Kau narane tuana mana ne loku ka nogna khodo na ne cheke fakelini God.

Fapea Korin 1:12

Igne unha te fahaehagheni nei thofno laseni teu ghehati ka nagnafamire, eigna ghehati theome leghuni nogna glalase naikno na kate edi gobigna lepore ka nakarhamire. Theo. Tutuani, naugna God tusu mei u khokofakasai ranghi ghami, ghehati leghuni kolho puhi te doglo te magnahagheni God na nei ghehati cheke tutuani koba. Leuleghu fata ka nakarhami kani au teku balumi ghotilo na, ghehati neke eni fara igne.

Ululahu Korin 10:31

Uve, tutuani, jame te ima, ba koꞌu ba eni ghotilo unha na, ghotilo mala edi gobigna lepore ka puhi te mala kilo fnaknoni God.

Luku 1:6

Nu puhidi repa igre doglo fara ke ulugna God, naugna repa ne thofno leghudi nogna vetula nei farirhiu teu God re.

Profet Jeremaea 8:2

Eghuteuna mare ginauna atha nhubra te magnahaghedi fara naiknore mala raba tafri ke kligna glose, ba ke pari naprai, glaba nei nathunu. Tifa na, mare tuturupuku soru toredi nhubra igre mala toghodi. Nu nhubra igre ginauna jateula chara eghu ke kligna glose. Eghuteuna theo kaisei naikno nate salo nhubra igre te mala giugilui na.

Profet Isaia 33:16

Nafnata naikno igne nate au fakeli ka kaisei vido te rheta te mala poru ka thogele holoro, eghuteuna mana ginauna au kmana ghegna gano nei khoꞌu eghu. Uve, mana ginauna au nogna gobigna lepo te magnahaghedi manare.

Profet Isaia 30:21

Neuba ghotilo ne figri fei mairi ba fei nheta, ghotilo ginauna tangomana te nomhini naoglagna mana te cheke eghu mei ke leghumi na, “Igne nogu nabrou iara na. Leghuni!”

Eklesiasti 6:7

Leuleghu narane na tahati loku mala ghamu kolho, nu gano te loku hetadi tahati igre theome naba kolho ka unha te magnahagheni tahati na.

Eklesiasti 5:18

Glepo ulu jame te eni tahati ka nakarha te kmoꞌei teke tusu ranghi ghita God igne na, eghu agne, tahati ghamu gheda, koꞌu gheda nei glealeꞌa noda eghu ka unha teke loku hetadi theda igre. Theo kaisei glepo nate eni tahati na.

Eklesiasti 5:12

Mae gloku te loku heta fabrahu na, glahu mana ghamu katha ikoi kolho, ba mana ghamu ghilei boho fara, nu mana tangomana te thuru fakeli bongiro na. Nu mae te dedei na theome thuru fakeli bongiro na, naugna mana ne nangadi fara nogna gobigna lepore.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Nodi Khoje Hatimare Mae Jiu 23:1

Lord na reireghi fakeli ghau iara jateula kaisei nogna sipu eghu. Eghume iara theome kmoꞌe kaisei glepo.

Nodi Khoje Hatimare Mae Jiu 16:8

Leuleghu fata na iara laseni te au teu God balugu na. Mana au rhegui iara, eghume theome tangomana kaisei glepo nate mei goigoni ghau iara na.

Ululahu Kings 3:6

Aonu mae Solomon ne cheke eghu, “Kmagu iara na neke thofno leghu nigho iagho tutuani neke eni unha te doglo na. Eghume, leuleghu fata na iagho thofno magnahagheni fara mana. Eghuteuna gognarona, iagho jaola vahi ghau iara mae thugna mana na mala tughuni mana te mala king na.

Diutronomi 33:1

Moses nogna mae gloku God igne, mana la namohi nogna narane te mala lehe na. Aonu mana fablahidi naiknodi Israel ne cheke eghu:

Jenesis 49:28

Aonu kate lasenihi tela namohi nogna narane te mala tei kokodi nabotho phei mae thugna igre, mae Jekop ne cheke ka mae thugna re u cheke igre. Eghuteuna mana ne fablahidi, funu ka mae teke kulu karha na tei gnafa ka mae teke karha leghu lahu na, leghuni unha teke magnahagheni God na.

Jenesis 49:24

Nu mare ginauna na theome falehe nigho iagho eghu, naugna iagho jateula kaisei mae nheta te lase fada te theome faboblogo nogna phaloho na ia eghu. Naugna God mae ihei te pogho soruni iara igne ngala, mana nate togho nigho iagho na. Mana ngala mae ihei te nolaghi fara ke uludi naikno te gnafare.

Jenesis 48:16

Iagho neke thakle ka iara jateula kaisei engel neku neke fakarhi ghau iara ka hoholo ra. Gognaro gne iagho fablahidi phei mae sitei igre. Iagho mala jaola mala fablahidi thudi phia mare re mala kaisei vike biꞌo fara ginauna. Mare ginauna mala theome ghatho ihoni nanghagu iara na, nei nanghagna mae Ebraham nei nanghagna mae Isak.”

Jenesis 28:22

Thina te fakegra haghe iara igne mala sugamu iagho. Eghuteuna glepo teke tusu mei iagho ka iara igre, iara ginauna na edi nabotho bukrei, eghuteuna kaisei bukrei na iara nake tusu ari ka iagho.”

Jenesis 28:20

Eghuteuna mae Jekop ne nhaꞌa cheke eghu ka God, “Jame te au iagho balugu iara, nei reireghi ghau iara teu ka nabrou te brahu te magnahaghei tei iara igne, iagho tusu ranghi ghau iara gano nei pohe,

Jenesis 28:3

Iara toreni God mae ihei te nolaghi na mala fablahi nigho nei tusu ranghi nigho eghu kmana sua. Eghuteuna iagho ginauna mala kmadi kmana naikno.

Jenesis 27:4

Iagho hata mei kuki nafnata gano te mamahe te magnahaghedi iara re. Hata mei mala ghamu iara. Eghuteuna iara ginauna tusu ari ka iagho nogu fablahi leghu lahu na ame lehe nga iara eghu.”

Jenesis 24:20

Aonu, naꞌa ne ghosei ne tofa soru ka vido te mala koꞌu kamelire u khoꞌu teke toho naꞌa ka botol na. Gnafa teuna ke chari meke tei tohoi neu fabrahu ne ghilei koꞌu fahui kamelire.

Jenesis 6:9

Igne u thoutonu gna mae Noa na. Mae Noa gne ngala thofno kheragna tutuani God na. Naugna kaisei mana ngala mae te doglo nei thofno leghuni teu God na. Nanghadi thugna mae Noa re igre, mae Sem, mae Ham nei mae Jafet.

Ululahu Tesalonika 2:12

Ghehati faheta ghami, togho ghami nei cheke ranghi ghami ghotilo mala leghuni nafnata nakarha te keli tagna God. Mana kilo ghami mala au ka thofno nakarha nate keli te funei frunini God ginauna.

Eksodas 3:16

“Iagho tei kilodi mae mala baubatu ka naiknodi Israel mala kafe mei, eghuteuna iagho cheke eghu ka mare: Lord, nogna God Ebraham, Isak, nei Jekop, nei keha kuꞌeda tahati tifa ra, mana neke mei ka iara, mala cheke eghu ka ghotilo, ‘Iara Lord neke taji ghami ghotilo, eghuteuna iara la filodihi puhi te diꞌa te edi naiknodi Ijep ka ghotilo ra.

Eksodas 4:5

Lord ne cheke eghu ka Moses, “Jame te eni iagho glepo igne ka tathadi naiknore, mare ginauna fatutuani te mei iara ka iagho na. Eghuteuna mare mala lase ghau iara nodi God kuꞌemi ghotilo ra, iara nogna God Ebraham, Isak nei Jekop.”

Ululahu Kronikols 5:1

Mae Ruben gne thugna ulu lahu mae Jekop. Nu naugna teke thuru mana balugna fapea khetogna mae kmagna na, mana theome tangomana te hata nolaghi teke thugna ululahu mana na. Eghuteuna mae Jekop kmagna mae Ruben igne neke tusu lao nolaghi igne ka mae Josep nei ka vikegna mana na. Naugna igne, nanghagna mae Ruben na ne theome mei ulu lahu ka susureidi vikegna Israel.

Jenesis 24:40

“Nu mana neke cheke eghu, ‘Iara kaisei mae mala leghuni chekegna Lord na. Eghuteuna mana ginauna na kuruni nogna engel na balumu iagho mala togho nigho iagho mala hata mei iagho kaisei gaꞌase malagna mae thugu iara na ka vikegna mae kmagu iara te au jare ra.

Jenesis 27:27

Aonu mae Jekop pogho soru ne gnanghoni mae kmagna na. Kate haimini sisirigna nogna pohe mae Iso te pipichi teu mae Jekop gne, mana ne toreni Lord mala fablahini mae Jekop. Mae Isak ne cheke eghu, “Sisirigna mae thugu iara gne jateula sisirigna nagare teke fablahi Lord ia eghu.

Jenesis 35:3

Tahati ginauna jifla kokoni namono igne mala ke pulo Betel. Iara ginauna na eni kaisei olta ka God. God mae ihei teke fakarhi ghau iara ka vido te ninhigrana nei au balugu ka vido aheva te tei iara na.”

Jenesis 49:22

“Iagho mae Josep ia, iagho ginauna na jateula kaisei vaen te au ka gerigna glokha na te aba tongana gregegnare ke kligna gna gringni thina na ia eghu. Eghume iagho ginauna na au kmana vikemu, eghuteuna vikemu iagho re ginauna na riki raka tafri heva heva ka namono te kmana re.