Jenesis 48:14 - Buka Blahi Ka Cheke Holo

¹⁴ Nu mae Jekop neke tughu khamegna re neke habo lao khame nhetagna na ka phaꞌugna mae Efraim na, eghuteuna khame mairigna na ka phaꞌugna mae Manase na.

Jenesis 48:14 ပူးပေါင်းရင်းမြစ်များ

Jenesis 41:51

Aonu mae Josep ne cheke eghu, “God neke togho ghau iara ne ghatho ihodi iara khabrugu ra nei vikegu teura eghu.” Aonu mana ne kiloni thugna teke karha ulu lahu na Manase. Gaoghathogna na “Iara ne ghatho ihodi.”

Ululahu Timoti 5:22

Ghaoghatho fakeli ame taofini nga mae ihei te mala loku ka khiloau na eghu. Kate filoni iagho mae biꞌo ka khiloau te tapla jafra ka nakhibo na, thosei ke tapla jafrala ngau iagho eghu. Nu reireghi nigho themu mala klino.

Ululahu Timoti 4:14

Uve ghema Timoti, u khokofakasai te au ka iagho ana mala loku, theome mala fiti au kolho. God neke tusu ari ka iagho, kani teke cheke eimu iagho hatimare mae profet nei kani teke taofi nigho hatimare mae biꞌo ka khiloau ra.

Mae Khuru 13:3

Aonu ke leghugna te dangna nei tarai teuna, mare ne taofidi phiamare ne kuru fajifladi.

Mae Khuru 6:6

Aonu, mare ne fakegradi fitu mae igre ke uludi mae khurure, mare ne taraidi nei taofidi.

Luku 13:13

Mae Jisas ne habo lao ka gaꞌase na, eghuteuna naꞌa ghosei neke kegra fadoglo ne funu kilo fnaknoni God.

Luku 4:40

Kate funu pluluhi naprai na, naiknore hata ne mei ka mae Jisas naikno te au kmana nafnata khabru tadire. Mae Jisas ne habo lao khamegnare ka naikno te fogra re neke keli fapulo.

Matiu 19:15

Ke leghugna te habo ka pha'udi goro suare, mae Jisas ne jifla jare.

Matiu 19:13

Ke leghugna igne, keha naiknore hata ne mei goro suare ka mae Jisas, mala habo mana ke klignadi mala taraidi nei fablahidi eghu. Kate filoni igne, mae fanomhore ne cheke faheta ka naiknore mala thosei hata mei goro suare ka mana.

Matiu 16:18

Eghume te chekeni iara ka iagho na, iagho mae Pita jateula kaisei thina eghu. Kate babana iara nogu khiloau na, thina igne ginauna na famamhaku hi. Eghuteuna, nogna nolaghi glehe na ginauna na theome tangomana nate tapla soruni nogu khiloau iara na.

Matiu 6:5

Mae Jisas ne cheke eghu, “Kate tarai na, ghotilo mala thosei jateula mae te chaichaghi ra eghu. Mare magnahaghei fara te tei kegra te tarai ke lamnadi suga tharai ba farihotei glalaba. Mare magnahaghedi naiknore te filodi unha te edi mare re. Nu tutuani fara te chekeni iara ka ghotilo na, mare la kulu hatahi ka naiknore nodi tabare.

Nodi Khoje Hatimare Mae Jiu 118:16

Mana ne eni igne ka nogna nolaghi. Uve, ka nogna nolaghi te edi mana glepo te biꞌo igre!”

Nodi Khoje Hatimare Mae Jiu 110:1

Lord ne cheke eghu ka nogu King iara na: “Iagho gnokro fei nhetagu iara ghilei lisei soru iara nou naoka iagho re ke parigna nou nolaghi na.”

Diutronomi 34:9

Eghuteuna mae Josua thugna mae Nun neke tughuni mae Moses, eghuteuna Lord ne toghoni mae Josua ne lalase fara, naugna mae Moses neke taofinihi mana. Aonu naiknodi Israel igre ne leghuni mana ne edi jateula teke chekedi Lord ka mae Moses ra neu.

Naba 8:18

Nu gognarona, iara na athadi vikegna mae Livae gre mala tughudi mae sua teke kulu karha Israel igre.

Naba 8:10

Naikno te gnafa Israel gre ginauna mei mala habo lao khamedire ka phaꞌudi mae ka vikegna Livae re.

Eksodas 15:6

Lord, iagho khame nhetamu na thono nolaghi fara, ne puri nguja noudi hatimare mae naoka gre.

Jenesis 48:18

Mae Josep ne cheke eghu ka mae kmagna na, “Mama, iagho eni fajafrau. Mae Manase nga gneu teke kulu karha na. Habo lao sagho khame nhetamu na ka pha'ugna mana na.”

Jenesis 46:20

Kate au teu Ijep na mae Josep neke tolaghi ka Asenat, thugna gaꞌase mae Potifera. Mae Potifera gne, mana mae pris ka namono biꞌo Heliopolis. Mae Josep ghe Asenat ne karha phei thudi nanghadire mae Manase ghe mae Efrem.

Jenesis 41:52

Mae Josep ne jaola ne cheke eghu, “God neke tusu mei thugu ka namono te au diꞌanagnafa iara igne.” Aonu mana ne kiloni fapea thugna na Efraim. Gaoghathogna na “God ne tusu ranghi ghau iara sua.”

Jenesis 48:13

Mae Josep ne lao liliseini mae Manase fei mairigna mae kmagna, eghuteuna mae Efraim na fei khame nheta.

Jenesis 48:17

Kate filoni mae Josep te habo lao mae kmagna na khame nhetagna na ka pha'ugna mae Efraim na, mana ne diꞌanagnafa fara eigna mae thugna na. Aonu mae Josep ne hata khame nhetagna mae kmagna na ne nhaꞌa lao ka pha'ugna mae Manase na.

Naba 2:18

Eghuteuna mae ka vikegna Efrem, nei Manase, nei mae Benjamin re mala edi haghe nodi suga thapuale re file mosu, baludi nodi flagi re. Mare mala au leghudi kokholo te gnafa thedire, baludi nodi mae lida. Mae lida ka vikegna mae Efrem na, mae Elisama, thugna mae Amihud. Khaputudi mare te gnafa na thokei phiatutu thogha glima gobi. Eghuteuna vikegna mae Manase re mala au rhedi vikegna mae Efrem. Mae lida mare na mae Gamaliel, thugna mae Pedasua. Khaputudi mare te gnafa na thokei tolufulu phei thogha phei gobi. Eghuteuna vikegna mae Benjamin gre te mala au ka keha phile na. Mae lida mare na mae Abidan, thugna mae Gidion. Khaputudi mare te gnafa na thokei tolufulu glimai thogha fati gobi.