Jenesis 47:9 - Buka Blahi Ka Cheke Holo

⁹ Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Jenesis 47:9 ပူးပေါင်းရင်းမြစ်များ

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Jenesis 35:28

Mae Isak ne kaisei gobi nhana salei finogha gna.

Nodi Khoje Hatimare Mae Jiu 39:5

Iagho lilisei fakmoꞌei kolho nakarhagu iara na. Nakarhagu iara na theo nafugna kolho ka tathamu iagho na.

Thoutonu Eigna Mae Job 14:1

“Naikno na karha ka gaꞌase, nakarhagna na sokmo fara, eghuteuna mana au ke lamna kmana puhi biꞌo.

Josua 24:29

Theome raugha ke leghugna igne, Josua nogna mae gloku Lord igne ne lehe kate posani kaisei gobi nabotho finogha.

Diutronomi 34:7

Mae Moses neke thokeni kaisei gobi varadaki finogha neke lehe nga. Mana nheta fabrahu, eghuteuna tathagnare jaola keli kolho.

Eksodas 7:7

Ka narane te cheke phiamare ka king igre, Moses neke nhanasalei finogha gna, eghuteuna Eron nhanasalei thilo finogha gna.

Eksodas 6:4

Iara neke famamhaku nogu nhaꞌa cheke na ka mare gnafa, eigna iara ginauna snakre lao ka mare kantri Kenan. Namono igne teke au jateula naikno posa teku kolho mare tifa na.

Jenesis 50:26

Mae Josep ne lehe kate kaisei gobi nabotho finoghagna na. Hatimare ne lilisei meresin ka thinigna mana na mala theome boto nei siri eghu. Mare ne lilisei thinigna mana na ka bokis ne lilisei neu ka namono Ijep.

Ululahu Pita 2:11

Uve kheraguro, ghotilo jateula naikno fasigho nei mae phosa eghu ka nauthoglu igne naugna ghotilo theo kaisei namono ka nauthoglu gne te thofno namonomi ghotilo na. Eghume, iara thofno tore ghami ghotilo mala au fadelei ka glepo te diꞌa te magnahaghedi thinimire. Naugna glepo te diꞌa igre magra ka nakarhami ghotilo re.

Jemes 4:14

Tore, nu ghotilo theome laseni unha nate eni nathuꞌu na! Eghuteuna ghotilo theome laseni unha nafnata nakarhagna nate hata ghotilo na. Ghotilo na jateula khoveo te filoni tahati katha vido ikoi hamerane nu kela dofi nila teu ia eghu kolho.

Nodi Khoje Hatimare Mae Jiu 119:54

Kate au teu iara katha vido kmo'ei kolho kau nauthoglu igne na, iara koje fabrahu eidi nou vetula iagho re.

Nodi Khoje Hatimare Mae Jiu 119:19

Iara gne au ka nauthoglu igne katha vido kmo'ei kolho, eghume iagho falase mei ranghi ghau chekemu iagho re.

Jenesis 47:28

Mae Jekop ne au jare Ijep nabotho fitu finogha. Eghuteuna funu karhagna na mana kaisei gobi phia tutu fitu finogha.

Hibru 13:14

Naugna theo kaisei namono nate au fabrahu ka nauthoglu igne te mala au te tifa tahati na, nu tahati magnahaghei te tei thoke ka namono te mala au nathuꞌu nauriha na.

Ululahu Kronikols 29:15

Lord, iagho laseni nakarhami ghehati ka nauthoglu igne. Leuleghu fata na, ghehati haimini te jateula te au teu ka keha kantri delei ra eghu. Leuleghu fata na ghehati naikno phosa jateula teke kuꞌemi Ijep tifa ra eghu. Nakarhami ghehati gre ghosei tei salaꞌu jateula naungo eghu, eghuteuna ghehati theome tangomana te rikhani glehe na.

Jenesis 5:27

Aonu mae Metusela ne nheva gobi namno salei nheva finogha gna ne lehe nga.

Fapea Korin 5:6

Eghume tahati theome nanga noda kolho, neuba unha ne eni ranghini ghita. Eigna nakarhada tahati na u nakarha fatutuani, theome leghuni unha te filodi tahatire. Naugna tahati laseni te au teu tahati ke lamnadi u thini igre, tahati theome thofno namo ka Lord ka vido aheva te au mana na.

Jenesis 47:8

Aonu mae king ne cheke eghu ka mae Jekop, “Iagho niha finoghamu hila gognaro na?”

Nodi Khoje Hatimare Mae Jiu 39:13

Ame lehe nga iara me dofi ghau ka nauthoglu igne teuna lisa lao ghau mala ke keligu iara nagnafagu na. Iara tore nigho mala thosei para ghau iara.”