Jenesis 47:29 - Buka Blahi Ka Cheke Holo

²⁹ Kate namo thoke mei narane te mala lehegna na, mana ne toreni mae thugna Josep mala tei filoni. Kate posa mei mae Josep na, mae Jekop ne cheke eghu, “Jame te namha ghau iara na, iagho lilisei khamemu na ke parigna gahegu iara gne. Iagho nhaꞌa cheke ka iara mala thosei giugilu ghau iara agne Ijep.

Jenesis 47:29 ပူးပေါင်းရင်းမြစ်များ

Diutronomi 31:14

Aonu Lord ne cheke eghu ka mae Moses, “Gognarona, nou narane te mala lehe iagho na la namohi. Kilo meini mae Josua mala mei ka nogu Suga Tapuale te Blahi iara na. Eghuteuna iara ginauna fablahi ni mana jare mala nodi lida mae Israel.” Aonu mae Moses ghe mae Josua ne tei ka Suga Tapuale te Blahi na.

Jenesis 24:49

Eghume te lolokeli ni ghotilo chekegna nogu mae funei iara na, ghotilo snakreni Rebeka gne mala tei balugu iara. Ne theome magnahagheni nga ghotilo nu, chekenila ghotilo ka iara eghu mala laseni iara unha nate eni iara na.”

Jenesis 24:2

Aonu mae Ebraham ne ehani nogna mae gloku te loku ranghini mana funu tifa na. Mae igne mae ihei mala reireghidi nogna glepo te gnafa teke khotodi mae Ebraham re. Mae Ebraham ne cheke eghu ka mana, “Haboni thinigu iara gne fagaglana gna nate leghudi iagho nogu cheke iara gre.

Ululahu Kings 2:1

Kate namo lehe na, mae Devet ne cheke eghu ka mae Solomon, mae thugna na,

Hibru 11:22

Mae Josep neke fatutuani ni God. Naugna igne, kate namo lehe na, mana ne cheke eigna narane naiknodi Israel nate jifla Ijep. Eghuteuna mana cheke ka mare mala atha baludi nhubragnare kau narane nate jifla Ijep.

Hibru 9:27

Naikno te gnafare na kaisei fata lehe kolho, ke leghugna igne God ginauna fatedi mare.

Nodi Khoje Hatimare Mae Jiu 89:48

Ihei gne nate karha fabrahu te theome lehe na? Tore, theo kaisei naikno nate rikha kokoni u glehe na.

Nodi Khoje Hatimare Mae Jiu 49:7

Filo sagho, theo kaisei naikno te tangomana te foli fapuloni thegna ka sileni na. Tutuani, mana theome tangomana te tusu lao sileni ka God te mala ke foli fapuloni nakarhagna na.

Nodi Khoje Hatimare Mae Jiu 6:5

Naikno tela lehehi ra, mare theome tangomana teke ghatho nigho na. Ka namono te au teu mare na, mare theome tangomana teke kilofnakno nigho na.

Thoutonu Eigna Mae Job 30:23

“Tutuani, iara laseni iagho ginauna snakre ghau iara ka glehe, eghuteuna kuru tei ghau ke lamna beku, ka namono teke vavahi maladi iheire te karha teu igre, nu mae igre ginauna na lehe hui.

Thoutonu Eigna Mae Job 14:14

Ba, jame te lehe naikno na, mana ginauna tangomana na teke karha fapulo na? Jame te eghu na, iara ginauna ofou ghilei thokeni narane ari te gnafadi nogu puhi biꞌo iara re.

Thoutonu Eigna Mae Job 7:1

“Nakarhagna naikno na ninhigrana fara jateula kaisei soldia eghu. Nakarha igne loku kmusa fabrahu kolho.

Fapea Samuel 14:14

Tahati te gnafa na, tahati ginauna lehe. Eghuteuna gleheda tahati na jateula khoꞌu te thofa soru ka glose na ia kolho, eghuteuna theome tangomana kaisei naikno na teke hata fapulogna na tuia eghu. Nu God na theome tangomana te hata fadelei nakarhagna naikno na. Theo. Mana ginauna hironi kaisei nabrou eigna ihei te au khaba ka mana na mala ke pulo mei.

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Jenesis 47:9

Mae Jekop ne cheke eghu, “Iara au ka nauthoglu igne kaisei gobi tolufulu finogha. Thono kmoꞌe fara, eghuteuna iara jaola thafodi kmana puhi biꞌo te ninhigrana fara. Mae ku'egu iara re neke au raugha fara ka nauthoglu igne, eghuteuna finogha dire teuna uludi fara finogha gu iara re eghu.”

Jenesis 27:2

Mae Isak ne cheke eghu, “Iara gne la mae kueku'ehi eghuteuna naranegu na la kmo'ehi eghu.

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Fapea Samuel 2:32

Mare hata thinigna mae Asahel igne ne tei giugilui Betlehem ka vido aheva teke giugilui mare kuꞌegna manare. Mare tei bongi thongana igne ne tei posa Hebron hamerane boibongi ka keha narane na.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Jenesis 50:12

Aonu thugna mae Jekop igre ne leghuni unha teke chekeni mana ka mare na.

Diutronomi 31:16

Aonu, Lord ne cheke eghu ka mae Moses, “Iagho ginauna lehe. Eghuteuna kate lehe iagho na, naikno igre ginauna na theome raugha tarai nei pogho soru eghu ka nodi god naikno te au ka glose nate tei ghotilo tagna na. Mare ginauna lisa ghau iara, eghuteuna mare ginauna huhughuni u nhaꞌa cheke teke eni iara baludi mare ia.

Josua 2:14

Aonu phei mae igre ne cheke eghu ka naꞌa, “Snakreni Lord mala falehe ghami ghepa jame te theome leghuni ghepa nhaꞌa cheke igne. Eghuteuna jame te theome chekeni iagho ka ihei nga eigna glepo te eni ghepa igne na, ghepa ginauna na theome eni kaisei glepo te diꞌa ka ghotilo. Eghuteuna kate snakreni Lord kantri igne ka ghehati na, ghehati ginauna keli ranghi nigho iagho baludi iheire fateo ka tharaknamu iagho igne.”

Josua 23:14

“Nogu narane te mala lehe iara na la namohi gognarona. Eghuteuna ghotilo te gnafa na thofno laseni fara Lord neke tufa glepo te keli ka tahati, jateula teke nhaꞌa chekeni mana tifa ia eghu. Mana neke tajini nogna nhaꞌa cheke na nei edi gobigna lepo teke nhaꞌa chekedi mana re.