Jenesis 47:27 - Buka Blahi Ka Cheke Holo

²⁷ Hatimare mae Israel gre neke soru au Ijep ka nohi Gosen, ne au nodi glose jare, dedi nodi nei vuragha fara naikno na sua na neu jare.

Jenesis 47:27 ပူးပေါင်းရင်းမြစ်များ

Jenesis 46:3

Aonu God ne cheke eghu ka mana, “Iara God, nogna God mae kmamu. Thosei mhaghu te tei Ijep na, naugna iara ginauna na fablahidi vikemu iagho gre mala vuragha jare Ijep.

Eksodas 1:7

Nu naiknodi Israel igre ne au kmana thudi ne vuragha fara nei nheta fara neu heva heva jare Ijep.

Mae Khuru 7:17

“Kate namo thoke mei narane tutuani teke nhaꞌa cheke God ka mae Ebraham ia, naiknore ne thovu nei kmana fara neu jare Ijep.

Nodi Khoje Hatimare Mae Jiu 107:38

Mana fablahidi koba naiknore, mala vuragha e thovu nei mala kmana nodi buluka eghu.

Profet Sekaraea 10:8

Iara ginauna kilo meidi nogu naiknore mala salo fodu mei. Iara ginauna fakarhidi, eghuteuna mare te gnafa na mala kmana fara jateula tifa ra eghu.

Nodi Khoje Hatimare Mae Jiu 105:24

Lord ne fathovudi ne bruara fara neu jare. Mana ne fanhetadi mala theome tangomana hatimare mae naoka te tapla sorudire.

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Jenesis 26:4

Iara ginauna na snakre ari ka iagho kmana vike mala jateula nathunu te filodi iagho te theome naba te kahadi ka maloa na are eghu. Eghuteuna iara ginauna na snakre lao namono te gnafa igre ka mare. Naikno te gnafa ka nauthoglu igne ginauna na tore ghau iara mala fablahidi jateula teke eni iara ka vikemu iagho gre eghu.

Nehemaea 9:23

Iagho tusu ranghidi kuꞌemi ghehati ra kmana sua mala jateula nathunu te au ka maloa na are neu. Eghuteuna iagho neke hata meidi mala au ka namono aheva teke chekeni iagho ka kuꞌedi mare ra.

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Eksodas 1:12

Nu neuba, naiknodi Israel igre, kmana fara ne salaꞌui nei rheta eghu heva heva ka kantri Ijep. Naugna igne, naikno te gnafa te au ke lamnagna kantri Ijep ne thofno theome magnahaghedi nei mhaghu nodi fara ka mare.

Jenesis 28:14

Vikemu iagho igre ginauna na kmana fara jateula gaughavu glose eghu heva heva ke mosu ba ke maghati ba ke mata ba ke raru eghu ka nauthoglu igne. Eghuteuna naikno te gnafa ka nauthoglu igne ginauna na tore ghau iara mala fablahidi jateula te fablahidi iara vikemu iagho gre eghu.

Jenesis 17:6

God jaola ne cheke eghu, “Iara ginauna tusu ranghi nigho iagho kmana vike, eghuteuna keha mae ka vike igre ginauna mala mae king.

Jenesis 13:16

Iara ginauna na eni thumu iagho gre mala vuragha e thovu fara jateula nusu eghu. Jame la kahadi ngau mare u nusu igre ame tangomana nga mare te kahadi thumu iagho gre eghu!

Jenesis 8:9

Nu nanghaji na ne theome filoni kaisei vido aheva na te mala togha te gnafa na, naugna glose na ne thafru ngau ka khoꞌu na. Nanghaji na flalo neke pulo mei ka vaka na, eghuteuna mae Noa ne ngafa fajifla khamegna na ka wida neke hata fapulo nanghaji na.

Jenesis 34:10

Eghuteuna ghotilo ginauna na tangomana te au balumi ghehati ka kantri igne na eghu. Ghotilo ginauna na tangomana te au nomi ka vido aheva ghotilo te magnahaghei na. Eghuteuna ghotilo ginauna tangomana te edi keha nafnata puhi te mala dedei nomi nei reireghi fakelidi eghu nomi glepore.”

Jenesis 35:11

Eghuteuna God ne cheke eghu ka mana, “Iara God mae ihei te nolaghi fara. Iagho na au kmana thumu nate karha mei ke leghu ka vikemu iagho. Iagho ginauna mala ku'edi naikno ka namono te kmana gre nei hatimare mae king gre na jaola karha ka vikemu iagho.

Jenesis 47:11

Mae Josep ne leghuni unha teke chekeni mae king na ne toghodi kmagna nei thabusigna teure ne au soru Ijep. Mana ne snakre lao ka mare kaisei vido te keli ka nohi Gosen. Vido igne keli fara uludi keha vido te au jare Ijep.