Jenesis 47:23 - Buka Blahi Ka Cheke Holo

²³ Mae Josep ne cheke eghu ka naikno re, “Fanomho ghotilo ia, gognaro na iara la foli ghami hi ghotilo nei nomi glose ghotilo are eghu la nognahi mae king. Eghume ghotilo gognaro na mala jaola nogna naikno gloku mae king. Nu ghotilo tangomana te loku nagare ka glose igre, eghuteuna sisi wit te mala joꞌu ghotilo re kmanau ngala.

Jenesis 47:23 ပူးပေါင်းရင်းမြစ်များ

Fapea Korin 9:10

God mae ihei te tufa sisi te mala joꞌu tahati na nei tufa gano mala ghamu tahati. Eghuteuna God ginauna jaola tufa naba glepo ka ghotilo mala tufa ghotilo ka iheire te kuma. Mana ginauna fabruara gloku te keli ka puhimi te doglo.

Matiu 24:45

Te mala laseni mae fanomhore gaoghathogna cheke naba igne, mae Jisas ne cheke eghu ka mare, “Ba, mae ihei si mae gloku te keli tagna mae funei na ia? Mae gloku te lalase fara te leghuni fabrahu teu nogna cheke mae funei na. Igne ngala mae teke vavahi nogna mae funei na te mala reireghidi keha mae glokure kate tei mae funei na. Mae gloku igne ginauna tangomana te tufa nanaba ganore ka keha mae glokure ka thofno narane te mala ghamu mare na.

Profet Isaia 55:10

Chekegu iara na jateula nakhete te soru mei ka vido te gnafa ka nauthoglu igne te mala kotu te vuragha gano ka nagare ra eghu.

Eklesiasti 11:6

Iagho mala joꞌu gano ka nagare hamerane boibongi, eghuteuna keha fei grafi. Iagho theome laseni unha nafnata gloku nate keli na. Glahu te joꞌu iagho hamerane igre te au ganodi re, ba te fei grafi igre, ba phei igre kafe keli hui.

Proveb 13:23

Mae te kuma na au kmana gano ka nagare na. Nu mae te diꞌa mei atha ghegna gano mana re.

Proveb 12:11

Mae ihei te loku heta ka nagare na, mana ginauna au ghegna kmana gano. Nu mae te theome gaoghatho fakeli na, mana ginauna na fiti loku heta ka thua nafnata gloku nate theome toghoni mana na.

Proveb 11:26

Ihei te theome snakredi gano te magnahaghei foli teu naiknore, mare ginauna cheke fadiꞌani mana. Nu te snakreni mana te foli naiknore, mare ginauna gleale'a fara ka mana.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Nodi Khoje Hatimare Mae Jiu 41:1

Ihei te ghathoni nei toghoni teu naikno te kuma na, naikno igne thofno keli tagna fara. Lord ginau toghoni mana kate nhotei mana kau hoholo na.

Jenesis 45:6

Gognaro na la phei finogha hi te theo gano na. Nu keha glima finogha re au ngau te mala theo gano na.

Jenesis 41:27

Fitu buluka te nhubradi kolho te mei ke leghu igre nei fitu nure sopho te branadi ka nurigna namono te fobo na te theo sisidi igre eghu eidi fitu finogha mala rofo. Naiknore ginauna na theome naba ghedi gano te mala ima na.

Jenesis 47:22

Nodi vido glose mae pris re ngala te theome foli mae Josep re. Mare theome tangomana te snakre lao nodi vido glose re ka mae Josep te mala foli mana na, naugna mae king na folidi nodi gloku mare re. Eghume mare au nodi sileni te mala foli gano na eghu.

Jenesis 47:24

Kate thoke mei narane te mala ukli ghotilo na, ghotilo mala edi glima duku, kaisei na malagna mae king nei fati re malami themi eghu. Ghotilo mala lilisei keha mala ke joꞌu fapulo. Lilisei keha maladi khetomi nei thumi teu are eghu.”