Jenesis 47:22 - Buka Blahi Ka Cheke Holo

²² Nodi vido glose mae pris re ngala te theome foli mae Josep re. Mare theome tangomana te snakre lao nodi vido glose re ka mae Josep te mala foli mana na, naugna mae king na folidi nodi gloku mare re. Eghume mare au nodi sileni te mala foli gano na eghu.

Jenesis 47:22 ပူးပေါင်းရင်းမြစ်များ

Esra 7:24

Jaola te mala laseni ghotilo na, iara neke theome tusu ari nolaghi ka ghotilo te mala salo takis ka mae pris ba ka mae Livaet ba ka mae mala koje ba ka mae mala reireghi grengatha ba ka mae gloku ba ka mae iheire te loku ka nogna Sugablahi God igne.

Ululahu Timoti 5:17

Mae biꞌo te baubatu fakeli ka khiloau nei tulao iheire te loku heta kate toutonuni nei farirhiuni teu chekegna God na naba te hata taba na.

Fapea Tesalonika 3:10

Kate au balumi ghotilo ia, ghehati neke cheke eghu ka ghotilo, “Jame ihei te tirogna loku na, ghotilo thosei faghamuni.”

Galesia 6:6

Hatimare mae velepuhi te farirhiuni chekegna God na mare nabadi te hata glepo te keli ka iheire te nomhini u farirhiu na.

Ululahu Korin 9:13

Ghotilo lasedihi iheire te loku ka Sugablahi ra, mare tangomana te hata gano ka Sugablahi na. Eghuteuna iheire te gahu fafara ka olta ra, mare tangomana te hata vido gano teke fafara mare ka olta na.

Matiu 10:10

Thosei hata gloi, ba hata peapea pohe, ba sadol, ba hata khodo. Naugna naiknogna namono na tangomana te tajini mae ihei te loku na.

Nehemaea 13:10

Iara jaola nomhidi mae Livaet nei mae mala koje ka nogna Sugablahi God na teu igre jifla Jerusalem neke figri ka namonodi re mala loku ka nagare, naugna naiknore theome tufa ghedi gano mare.

Fapea Samuel 8:18

Mae Benaea thugna mae Jehoeada, mana mae komanda fei sekiuriti, mana vikedi mae Keret ghe mae Pelet. Eghuteuna thugna mae Devet igre mare mae pris.

Diutronomi 12:19

Eghuteuna kate au ghotilo ka glose igne na, ghotilo ginauna thofno reireghi fakelidi vikegna mae Livae.

Jenesis 41:50

Ame thoke mei nga finogha te mala rofo igre teuna, Asenat khetogna mae Josep gne ne au phei thugna nalhaꞌu.

Jenesis 41:45

Mae king ne kiloni mae Josep “Safenat Panea” ka chekegna Ijep. Eghuteuna tusu lao kaisei gaꞌase ka mana. Nanghagna gaꞌase igne na Asenat, thugna mae Potifera, mae pris gna suga tharai te au ka namono biꞌo Heliopolis. Aonu mae Josep ne mae funei ka namono Ijep.

Jenesis 14:18

Mae Melkisedek gne mana mae king gna ka namono Salem. Mana neke kaisei mae pris nogna God, mae ihei te fnakno fara. Mana hata ne mei keha bret nei waen eghu ka mae Ebram.

Jenesis 47:21

Kate eni mae Josep igne, naikno heva heva Ijep na ne jifla ne tei au ka namono biꞌo re.

Jenesis 47:23

Mae Josep ne cheke eghu ka naikno re, “Fanomho ghotilo ia, gognaro na iara la foli ghami hi ghotilo nei nomi glose ghotilo are eghu la nognahi mae king. Eghume ghotilo gognaro na mala jaola nogna naikno gloku mae king. Nu ghotilo tangomana te loku nagare ka glose igre, eghuteuna sisi wit te mala joꞌu ghotilo re kmanau ngala.

Jenesis 47:26

Aonu mae Josep ne eni kaisei vetula Ijep, vetula igne chekedi naiknore mala edi glima duku kate ganodi nagare re, kaisei malagna mae king nei fatire maladi thedi. U vetula igne au ngala ghilei posa ka narane gognaro gne. Nodi vido glose mae pris gre ngala te theome tangomana te hata mae king na.