Jenesis 47:12 - Buka Blahi Ka Cheke Holo

¹² Eghuteuna mae Josep ne fiofilo fakelidi kmagna, nei thabusigna, nei goro gaꞌase, nei goro sua eghu la ngau te au baludi re fei gano te mala ima na.

Jenesis 47:12 ပူးပေါင်းရင်းမြစ်များ

Jenesis 45:11

Te mei iagho agne Gosen na, iara ginauna fiofilo nigho ke lamnadi glima finogha te theo gano igre. Eigna iara theome magnahaghe nigho iagho nei tharaknamu nei nou sipu, nanigot, nei buluka teu iagho are te rofo na.’ ”

Ululahu Timoti 5:8

Naugna ihei te theome eni kaisei glepo te mala toghoni vikegna ba tulao tharaknagna thegna na, mana figri tagrunihi nogna fatutuani na. Puhigna mae igne thono diꞌa fara uludi naikno te theome fatutuani ni God.

Ululahu Timoti 5:4

Nu jame kaisei thau te lehe khetogna na au thugna ba gragna, ulu lahu na rehati leghu fakelini puhigna khiloau te doglo na mala toghoni tharaknagna thegna na, naugna God na keli tagna fara ka nafnata puhi igne. Kate eni igne, rehati ginauna foli fapulodi idodi ba kmadi nei kavedi ba ku'edi kani teke majaghanidi teku re.

Ululahu Timoti 4:8

Jame te keli na tahati fariuriudi thinida gre mala heta. Nu te fariuriu tahati nakarhada ka khiloau gne te mala heta na, tuana te thofno keli fara na. Naugna ginauna tangomana te togho ghita ka puhi te gnafa ka nakarhada gognaro nei ka nakarha nate mei nathuꞌu nauriha.

Thoutonu Eigna Rut 4:15

Mana ginauna tusu ranghi nigho nakarha majaghani nei mala taji nigho eghu kate kaekavemu na. Rut gne ne namha nigho fara. Neuba iagho ne au fitu thumu nalhaꞌu te mala togho nigho na, mare ginauna na theome taji fakeli nigho kolho jateula te eni naꞌa ranghi nigho kate karha meigna thugna nalhaꞌu igne eghu.”

Eksodas 20:12

“Ghatho tahudi idomi kmami are, nei leghudi nodi cheke re eghu. Jame te eghu ghotilo na, ghotilo ginau na theome ghosei lehe, thono theo fara. Ghotilo ginau na karha fabrahu tifa tifa ka glose teke tusu ari iara Lord nomi God ghotilo igne.

Jenesis 47:24

Kate thoke mei narane te mala ukli ghotilo na, ghotilo mala edi glima duku, kaisei na malagna mae king nei fati re malami themi eghu. Ghotilo mala lilisei keha mala ke joꞌu fapulo. Lilisei keha maladi khetomi nei thumi teu are eghu.”

Jenesis 47:21

Kate eni mae Josep igne, naikno heva heva Ijep na ne jifla ne tei au ka namono biꞌo re.

Jenesis 47:1

Mae Josep tei ne cheke eghu ka mae king, “Mae kmagu nei mae thabusigu teu iara re la posa meihi funudi Kenan. Mare hata mei nodi sipu nei nodi buluka nei nodi gobigna lepo teure baludi la mei auhi ka nohi Gosen gognaro gne.”

Jenesis 50:21

Eghume ghotilo thosei mhaghu ghau iara eghu. Iara ginauna na fiofilo ghami ghotilo baludi thumi are ka unha te mala nabami ghotilo na.” Mae Josep ne fagano cheke ka mae thabusignare neke fakeli nagnafadi mare.

Jenesis 45:7

Eghume, God na neke kuru mei ghau iara agne ke ulumi ghotilo mala togho ghami ghotilo nei mala theome lehe ghotilo ka glehe rofo te jaglo nodani tahati gognaro gne. Naugna ka nafnata puhi igne mana magnahaghei te ke hata fapulo ghami ghotilo.

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Profet Isaia 22:24

Nu vikegna te gnafa mana igre ginauna kafe gefe haghe ka mana, jateula suspen nei dis eghu te gefe ka kaisei thagho kolhora eghu.