Jenesis 46:5 - Buka Blahi Ka Cheke Holo

^5-6 Aonu, mae Jekop ne jifla Bereseba ne tei Ijep. Mae thugnare ne lujani mana baludi khetodi nei thudi teure ka kat teke famei mae king gna Ijep na. Mare hata tei baludi keha buluka nei keha glepo langau eghu funu Kenan.

Jenesis 46:5 ပူးပေါင်းရင်းမြစ်များ

Jenesis 45:21

Aonu thugna nalhaꞌu mae Jekop re ne leghuni unha teke chekeni mae king na. Mae Josep ne leghuni nogna cheke mae king na ne tusu lao keha kat ka mare. Eghuteuna mana ne jaola ne tusu lao keha gano te mala toghodi mare ka nabrou na.

Jenesis 45:19

“Iagho jaola cheke ka mare mala hata tei keha kat mala luja meidi goro gaꞌase nei goro sua nei mae kmadi na eghu baludi.

Jenesis 45:27

Nu hatimare ne toutonu ka mae kmadi na gobigna lepo teke chekedi mae Josep ka mare re. Kate filodi mae Jekop kat teke famei mae Josep te mala hatani mana te tei Ijep na, gaoghathogna mana na neke keli fapulo.

Eksodas 10:26

Eghume ghehati theome laseni ka buluka, sipu nei nanigot teu aheva gre nate fafara ghehati ka Lord teuna e ghilei tei posa ghu ghehati ka vido te mala fafara na.”

Eksodas 10:24

Mae king ne kiloni mae Moses ne cheke eghu ka mana, “Ghotilo tangomana te tei tarai ka Lord na. Eghuteuna atha khetomi nei thumi teu are balumi eghu. Nu buluka, sipu nei nanigot teu are mala lilisei faleghu au agne Ijep.”

Mae Khuru 7:15

Eghuteuna mae Jekop na soru ne au jare Ijep. Kate lehe mana jare baludi mae thugnare,

Jenesis 21:14

Hamerane boibongi ka keha narane na, mae Ebraham ne hata keha gano nei keha khoꞌu eghu ne lao ka Hega ne kuru jiflani balugna thugna na ne nolo tafri ke lamnagna namono nagou Bereseba.

Ululahu Samuel 12:8

“Tifa na, kuꞌeda Jekop balu tharaknagna neke tei au Ijep. Ke leghu na, naikno di Ijep re neke fakokhoana di kuꞌeda teke karha mei ka tharaknagna mana ra. Aonu mare neke tanhi lao ka Lord mala toghodi, eghuteuna mana neke kurudi mae Moses ghe mae Eron mala tei hata fajifladi Ijep. Phiamare batudi mare neke ghilei mei au ka namono igne.