Jenesis 46:4 - Buka Blahi Ka Cheke Holo

⁴ Iara ginauna na hata nigho iagho tei Ijep, eghuteuna iara ginauna nake hata fapulo nigho iagho ka vido tela jifla kokoni iagho gognaro gne. Kate lehe iagho na, mae Josep gne ngala te mala giugilu nigho iagho na.”

Jenesis 46:4 ပူးပေါင်းရင်းမြစ်များ

Eksodas 3:8

Eghume iara na soru mala fakarhidi ka nodi nolaghi naiknodi Ijep eghuteuna batu fajifladi ka namono igne. Iara ginauna athadi tei ka kaisei namono te krepa nei keli eghu, eghuteuna glosegna na thono keli fara, eghuteuna leuleghu fata na au kmana gano fara. Namono igne gognarona, vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus eghu te au teu tagna na.

Jenesis 50:1

Kate la filonihi tela lehehi mae kmagna na, mae Josep ne pogho soru balu tanhi ne gnanghodi tathagna nei foflogna teu mae kmagna re.

Jenesis 48:21

Aonu mana ne cheke eghu ka mae Josep, “Fanomho iagho ia. Iara gne la namo lehe. Nu God ginauna na au balumi ghotilo eghuteuna mana ginauna nake hata fafigri ghami ghotilo ka namonodi kuꞌemi ra.

Jenesis 28:15

Fanomho sagho. Iara ginauna na au fabrahu balumu iagho, nei reireghi fakeli nigho iagho eghu ka vido aheva na te tei iagho na. Eghuteuna iara ginauna nake hata fapulo nigho iagho agne ka glose igne. Iara ginauna na theome lisa koko nigho eigna iara ginauna eni unha teke nhaꞌa chekeni iara ka iagho tifa ia.”

Jenesis 50:5

‘King, kani karha nga teku mae kmagu iara na, mana neke tore ghau iara mala nhaꞌa cheke iara mala ke hata fapulo thinigna mana na mala ke tei giugilui ka gluma teke eni mana ka kantri Kenan. Eghume iara thofno tore nigho iagho king, mala snakre ghau iara mala tei giugilui iara mae kmagu gne ame ke pulo mei nga iara eghu.’ ”

Jenesis 50:13

Mare hata ne tei thinigna mana na Kenan ne giugilui ka gluma thina na ka sare Makipela rhegna Mamre. Mae Ebraham neke foli sare igne tifa na ka mae Efron, kaisei mae ka vikegna mae Hit mala gluma gna thegna neku.

Eksodas 3:17

Eghuteuna iara neke nhaꞌa chekehi mala atha fajifla ghami ghotilo ka nakarha te ninhigrana ka namono igne. Iara ginauna hata ghami tei ka kaisei namono te keli fara glosegna na, eghuteuna leghu fata na au kmana gano tagna. Igne nodi namono vikegna Kenan, nei vikegna Hit, nei vikegna Amoa, nei vikegna Peres, nei vikegna Hivi, nei vikegna Jebus.’