Jenesis 46:34 - Buka Blahi Ka Cheke Holo

³⁴ Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Jenesis 46:34 ပူးပေါင်းရင်းမြစ်များ

Eksodas 8:26

Nu mae Moses ne cheke eghu ka mana, “Jame te eghu na, tuana ginau na theome doglo kolho, naugna naiknodi Ijep gre ginau na diꞌatadi fara nei fada falehe ghami ghehati eghu ka thina, kate filoni mare te fafara buluka ghehati ka nomi Lord God na.

Jenesis 43:32

Mae Josep thegna ka keha tevo na nei hatimare mae thabusignare thedi ka keha tevo na. Eghuteuna hatimare mae Ijep te au balugna mae Josep gre mare thedi ngau ka keha tevo na, naugna ka nodi kastom mae Ijep re mare theome tangomana te ima fodu baludi mae Hibru re.

Jenesis 46:32

Mae igre mae greiregi sipu nei buluka. Eghuteuna mare hata mei nodi sipu nei nodi buluka nei nodi gobigna lepo teure baludi.’

Jenesis 37:12

Kaisei narane hatimare mae thabusigna mae Josep gre ne tei Sekem mala reireghidi nogna sipu mae kmadi na.

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 30:35

Ka narane tuana la mae Laban ne hata nanigot te vegha te thuthunu nei sipu pipito teure ne chekedi mae thugna nalhaꞌu re ne hata ne tei ka keha vidoi ne reireghidi.

Jenesis 34:5

Mae Jekop ne nomhini mae Sekem te eni puhi te diꞌa na ka thugna gaꞌase na. Nu mana ne fakmuni eigna puhi igne, naugna hatimare mae thugna mana re la teihi te mala filodi sipure. Mae Jekop magnahaghei te ofo teu ke ghilei pulo mei mae thugnare ame cheke ranghini nga mae Sekem.

Jenesis 13:8

Aonu mae Ebram ne cheke eghu ka mae Lot, “Theome keli te au mei kaisei magra fari hoteida tapa nei fari hoteidi noda mae gloku gre teuna. Naugna tapa gne kaisei vike ngala.

Jenesis 26:20

Nu maedi Gerara te mala reireghidi sipu ka glogu tuana mare ne fapholai baludi mae te mala reireghi di nogna sipu mae Isak igre ne cheke eghu, “U khoꞌu seu igne nomi ghehati.” Aonu mae Isak ne kiloi khoꞌu seu igne, “Fapholai,” naugna mare neke fapholai balugna mana.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Jenesis 45:18

Chekedi mare mala hata mei mae kmadi na nei tharaknadi teure mala ke pulo mei ka iara agne. Iara ginauna na vahini kaisei vido te keli agne mala au mare. Eghuteuna mare ginauna karha kmana ghedi gano te mala ima na ka vido tuana.

Jenesis 47:3

Aonu mae king ne cheke eghu ka mare, “Unha nafnata gloku gne te tangomana ghami ghotilo te eni na?” Hatimare ne cheke eghu ka mana, “Mae biꞌo, ghehati gne mae mala greiregi sipu, jateula teke eni mae kmami ghehati tifa ra eghu.

Jenesis 47:4

Ghehati magnahaghei te mei au katha vido kmoꞌei kolho ka kantri igne, naugna vido te rofo igne la thono diꞌa fara ka ghehati Kenan, eghuteuna jare na theo kaisei buburu te mala ghamudi nomi sipu ghehati gre eghu. Eghume te keli teu iagho na, snakre ghami mala au soru ghehati ke lamnagna nohi Geson.”

Jenesis 47:6

Eghume iagho na filoni kaisei vido te thofno keli fara uludi keha vido ka vido te gnafa ke lamnagna namono Ijep. Iagho chekedi mare mala au soru mare agne Gosen, tuana keli kolho. Eghuteuna jame glahu te lasedi iagho keha mae te lase reireghi buluka na, iara magnahaghei nigho iagho te chekedi mare mala reireghidi nogu buluka iara ra.”

Jenesis 47:11

Mae Josep ne leghuni unha teke chekeni mae king na ne toghodi kmagna nei thabusigna teure ne au soru Ijep. Mana ne snakre lao ka mare kaisei vido te keli ka nohi Gosen. Vido igne keli fara uludi keha vido te au jare Ijep.

Eksodas 8:22

“ ‘Nu kate mei khare igre na, Lord ginau na reireghi fakelini vido Gosen, ba nohi aheva te au nogna naikno manare. Khare igre ginau na theome filodi ka vido aheva te au nogna naikno mana re. Iagho ginau na filo glanini nei laseni eghu te kaisei mana ngala Lord te edi gobigna lepo te ninhigrana ka nou kantri iagho na igre.