Jenesis 46:32 - Buka Blahi Ka Cheke Holo

³² Mae igre mae greiregi sipu nei buluka. Eghuteuna mare hata mei nodi sipu nei nodi buluka nei nodi gobigna lepo teure baludi.’

Jenesis 46:32 ပူးပေါင်းရင်းမြစ်များ

Jenesis 47:3

Aonu mae king ne cheke eghu ka mare, “Unha nafnata gloku gne te tangomana ghami ghotilo te eni na?” Hatimare ne cheke eghu ka mana, “Mae biꞌo, ghehati gne mae mala greiregi sipu, jateula teke eni mae kmami ghehati tifa ra eghu.

Profet Sekaraea 13:5

Mana ginauna cheke eghu, “Iara theome kaisei profet. Iara mae mala loku ka nagare kolho, eghuteuna igne nogu gloku iara funu suagu ghilei mae biꞌo gognaro na.”

Profet Isaia 40:11

Mana reireghi fakelidi nogna naiknore, jateula mae ihei te reireghi fakelidi nogna sipura eghu. Uve, mana jateula mae ihei te pala sua te ikodire ka fafragna ra eghu, eghuteuna mana batudi idodi sipu te au thudire mala blaknoi tei.

Ululahu Kings 9:27

Aonu King Hiram ne kuru tei keha nogna mae kru te lase loku ka vaka. Aonu mare tei ne loku baludi nogna mae gloku mae Solomon ka vaka igre.

Ululahu Samuel 17:15

nu mae Devet tangomana te mei ka vido igne, eghuteuna ke pulo Betlehem mala ke tei reireghidi nogna sipu mae kmadi na.

Eksodas 3:1

Moses ne reireghidi nogna sipu nei nanigot teu nanghogna mana Jetro igre, mae ihei te pris gna Midian. Kaisei narane Moses ne batudi sipu nei nanigot teu igre ne tei ka namono nagou na, eghuteuna mana tei ne posa ka thogele blahi Sanai.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 37:2

Igne u thoutonu eigna mae Jekop nei thugna mana re teuna. Mae Josep gne kaisei mae majaghani fara, nabotho fitu finogha gna kolho. Mana neke mae mala reireghi sipu nei nanigot eghu baludi mae ke biꞌogna re, mae ke biꞌogna mana igre neke thudi Bilha ghe Silpa, phei khetogna mae kmagna. Mae Josep neke posa toutonu koba ka mae kmagna na unha puhi te diꞌa teke edi mae ke biꞌogna re.

Jenesis 31:18

Eghuteuna mana ne tei baludi nogna tothoghei sipu nei nanigot nei keha glepo la ngau eghu teke hata mana Mesopotemia re neke pulo ka mae kmagna Isak, ka kantri Kenan.

Jenesis 9:20

Mae Noa gne kaisei mae keli mala joꞌu sisi grep mala ei waen.

Jenesis 4:2

Ke leghugna igne, Ivi ne fakarhini mae Abel tahigna mae Kein. Phia mare ne kafe kotu haghe ne biꞌo, eghuteuna mae Abel gne na mae mala reireghi sipu, eghuteuna mae Kein gne ne mae mala loku ka nagare.

Ululahu Samuel 16:11

Aonu mae Samuel ne ghusna eghu ka mae Jesi, “Mae igre kolho thumu iaghore?” Mae Jesi ne cheke eghu, “Uve, nu mae leghu lahu ka mae igre na, mana reireghi sipu.” Aonu mae Samuel ne cheke eghu, “Iagho kuruni kaisei mae mala tei atha meini mana agne. Tahati na theome fufunu fafara na ghilei mei posa mana.”

Jenesis 46:31

Mae Josep ne cheke eghu ka mae thabusigna nei tharaknagna teu mae kmagna re, “Iara ginauna na tei cheke eghu ka mae king, ‘Hatimare mae thabusigna nei tharaknagna teu mae kmagu iara re la jifla Kenan la mei auhi ka iara agne.

Jenesis 46:33

Kate kilo ghami mae king te ghusna ghami mana eigna nomi gloku na.