Jenesis 46:28 - Buka Blahi Ka Cheke Holo

²⁸ Kate posa lao mare ka nohi Gosen na, mae Jekop ne kulu kuruni mae Juda mala kulu tei filoni mae Josep Gosen mala mei thafoni mae kmadi na.

Jenesis 46:28 ပူးပေါင်းရင်းမြစ်များ

Jenesis 45:10

Ghotilo ginauna na kafe mei au rhegu iara agne ka nohi Gosen. Iagho baludi thumu, nei gramu, nei nou sipu, nei nou nanigot, nei nou buluka, nei nou gobigna lepo teke khotodi iagho ra eghu mala mei gnokro soru ka nohi igne.

Jenesis 49:8

“Ghema Juda, hatimare mae thabusimu iagho igre mare ginauna na fafnaknoni nanghamu iagho na. Iagho ginauna na loku famaku ka graradi nou naoka re, eghuteuna hatimare mae thabusimu iagho igre mare ginauna na pogho soru nigho iagho.

Jenesis 46:34

Ghotilo cheke eghu ka mana, ‘Mae biꞌo, ghehati mae greiregi sipu nei buluka eghu. Ghehati neke edi nafnata gloku igre funu suami ghilei posa gognaro gne. Eghuteuna vikegna mae kmami ghehati na neke edila nafnata gloku igre tifa na.’ Jame te cheke eghu ghotilo ka mae king na, mana ginauna na snakre ghami ghotilo mala au soru ka nohi Gosen, naugna naiknodi Ijep gre theome magnahaghedi mae greiregi sipu gre te au rhedire.”

Jenesis 43:8

Mae Juda ne cheke eghu ka mae kmadi na, “Iagho snakreni mae Benjamin gne mala tei balumi ghehati. Teuna iagho nei thumi ghehati gre nei ghehati la ngau teu na ginauna na theome lehe ka rofo.

Jenesis 31:21

Mana ne hata balugna tharakna gna na nei nodi gobigna lepore eghu ne rikha ne kasa ka Khoꞌu biꞌo Iufretis, aonu mare ne tei ne au ka thogele Gilead.

Jenesis 47:1

Mae Josep tei ne cheke eghu ka mae king, “Mae kmagu nei mae thabusigu teu iara re la posa meihi funudi Kenan. Mare hata mei nodi sipu nei nodi buluka nei nodi gobigna lepo teure baludi la mei auhi ka nohi Gosen gognaro gne.”