Jenesis 46:27 - Buka Blahi Ka Cheke Holo

²⁷ Teke karha Ijep ka khetogna mae Josep na neke phei mae nalhaꞌu. Eghume khaputudi teke thugna nei gragna teu mae Jekop teke tei au Ijep re neke fitu salei.

Jenesis 46:27 ပူးပေါင်းရင်းမြစ်များ

Mae Khuru 7:14

Aonu mae Josep ne kurudi keha mae mala tei chekeni mae kmagna Jekop, nei vikegna te gnafare e mala kafe soru Ijep, khaputudire fitusalei glima naikno.

Diutronomi 10:22

Kuꞌemi ghotilo teke sukha teke au Ijep tifa ra neke theome kmana, mare neke fitusalei naikno kolho. Nu gognarona Lord nomi God ghotilo na fablahi ghami ghotilo la ghilei kmana fara jateula nathunu ka maloa na are lau!”

Eksodas 1:5

Eghuteuna ka narane tuare, Josep kaisei mae ka mae thabusigna igre kulu auhi ka kantri Ijep. Eghuteuna khaputudi naikno teke tei au jare igre fitu salei naikno.

Eksodas 24:1

Ke leghugna te tusu lao vetula igre ka naiknore, Lord ne cheke eghu ka mae Moses, “Iagho mei ka iara ka thogele igne. Iagho atha balumu mae Eron, nei phei thugna mana ra eghu, mae Nadab ghe mae Abihu ra, nei fitusalei nodi mae funei mae Israel ra eghu. Mare mala mei au fakhabau agne katha vido mala pogho soru ranghi ghau iara,

Jenesis 34:30

Kate nomhini mae Jekop eigna puhi igne, mana ne cheke eghu ka mae Simion ghe mae Livae, “Ghotilo eꞌei puhi biꞌo ke kligna gu iara. Naikno te au faligoho ghita ka kantri Kenan nei Peres teu igre ginauna na tirodi ghita tahati. Tahati gne theome kmana. Jame te salo fodu mae igre te mei magri ghita na, mare igre ginauna na kafe falehe ghita tahati hui.”

Diutronomi 26:5

Aonu iagho cheke eghu ke ulugna Lord nou God, “ ‘Kuꞌegu iara maegna Aram, mana theo kaisei nogna namono thegna. Mana hata tharaknagna na ne tei au Ijep. Kate tei mare na, mare theome kmana, nu kate au mare ka namono na, mare kaisei vike te rheta, nei au kmana vike tagna.

Eksodas 1:1

Kaisei narane mae Jekop, keha nanghagna na mae Israel, atha thugnare ne tei Ijep. Aonu thugna mana re ne atha khetodi nei thudi teure ne tei baludi ne au Ijep. Nanghadi thugna mae Israel re igre: mae Ruben, mae Simion, mae Livae, mae Juda,