Jenesis 46:20 - Buka Blahi Ka Cheke Holo

²⁰ Kate au teu Ijep na mae Josep neke tolaghi ka Asenat, thugna gaꞌase mae Potifera. Mae Potifera gne, mana mae pris ka namono biꞌo Heliopolis. Mae Josep ghe Asenat ne karha phei thudi nanghadire mae Manase ghe mae Efrem.

Jenesis 46:20 ပူးပေါင်းရင်းမြစ်များ

Jenesis 41:45

Mae king ne kiloni mae Josep “Safenat Panea” ka chekegna Ijep. Eghuteuna tusu lao kaisei gaꞌase ka mana. Nanghagna gaꞌase igne na Asenat, thugna mae Potifera, mae pris gna suga tharai te au ka namono biꞌo Heliopolis. Aonu mae Josep ne mae funei ka namono Ijep.

Jenesis 48:20

Aonu ka narane igne mae Jekop ne fablahidi phei mae gragna re ne cheke eghu ka mae Josep, “Phia mae, goro sua nate karha mei ke leghugu iara na ginau fablahidi keha naiknore ka nanghami ghopa re. Mare na cheke eghu, ‘God te fablahi nigho jateula mana teke fablahidi mae Efraim ghe mae Manase ra eghu.’ ” Ka puhi igne mae Jekop ne nhaꞌa faꞌuluni mae Efraim eghuteuna mae Manase ke leghu.

Jenesis 46:19

Mae Jekop ghe Resel neke karha phei thudi nalhaꞌu mae Josep ghe mae Benjamin.

Josua 17:1

Aonu mare ne snakre lao glose ke mosu Khoꞌu biꞌo Jordan igne ka vikegna mae Manase thugna ululahu mae Josep. Nanghagna thugna nalhaꞌu ululahu mae Manase na mae Makia, eghuteuna thugna mana na mae Gilead. Eghuteuna mae Moses neke tusu laohi phei glose igre Gilead ghe Basan te au ke maghati khoꞌu Jordan igre naugna mae igre mae soldia keli.

Profet Esikiel 30:17

Mae majaghanidi phei namono Heliopolis ghe Bubastis ginauna lehe ka magra, eghuteuna mae naoka igre ginauna hata keha naikno te karha teure mala naikno gloku ka keha kantri delei.

Jenesis 48:1

Katha vido kmo'ei ke leghugna igne, keha naiknore ne cheke eghu ka mae Josep, “Mae kmamu iagho ia la fogra fara.” Aonu mae Josep hata ne mei ka mae kmagna na phei thugna nalhaꞌu re, mae Manase ghe mae Efraim.