Jenesis 46:2 - Buka Blahi Ka Cheke Holo

² Ka bongi tuana God ne thakle ka mana ne cheke eghu, “Jekop, Jekop!” Mae Jekop ne cheke eghu ka mana, “Iara au teu ao Lord.”

Jenesis 46:2 ပူးပေါင်းရင်းမြစ်များ

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Mae Khuru 16:9

Ka bongi tuana mae Pol ne mifi. Ka mifi tuana mae Pol ne filoni kaisei mae gna ka Provins Masidonia mei ne kegra ke ulugna mana ne toreni fara eghu, “Liu mei sagho Masidonia mala togho ghami ghehati!”

Mae Khuru 10:3

Kaisei narane naba tanhi thiloi fei grafi, mae Konilias ne thofno filo tathagna kaisei engel nogna God ka mifi na. Engel na ne mei ka suga na ne cheke eghu ka mana, “Ghema Konilias!”

Mae Khuru 9:10

Ka narane tuana, kaisei mae khiloau na au jare Damaskas, nanghagna na mae Ananias. God ne cheke eghu ka mae Ananias ka mifi na, “Ananias!” Mae Ananias ne cheke eghu, “Iara au teu ao, Lord.”

Mae Khuru 9:4

Mae Sol ne khoko soru pari ne nomhini kaisei naogla ne cheke eghu ka mana, “Sol, Sol! Naugna unha sagho te para ghau iara gnea?”

Profet Daniel 2:19

Ka bongi igne, God ne fakakhana ka mae Daniel glepo igre ka mifi. Aonu mae Daniel ne cheke fakelini God,

Thoutonu Eigna Mae Job 4:13

Igne kaisei mifi mei bongiro kate thofno thuru iho teu iara na, eghuteuna iara ne mhaghu nogu fara.

Fapea Kronikols 26:5

Eghuteuna ka narane te king Iusaea igre, Pris Sekaraea ne farirhiuni Iusaea mala ghatho tahuni, nei hironi eghu puhigna Lord. Eghume Lord ne fablahini mana leghu fata.

Ululahu Samuel 3:10

Eghuteuna ke leghugna igne, Lord neke pulo mei neke kegra ka vido igne neke kiloni mana jateula teke ululahu ia neu ne cheke eghu, “Samuel, Samuel.” Eghuteuna mae Samuel ne cheke eghu, “Cheke mei sagho Lord, iara nou mae gloku iagho, iara fanomho kobau ka iagho.”

Ululahu Samuel 3:4

Lord ne kiloni mae Samuel. Aonu mae Samuel ne cheke eghu, “Uve! Iara au teu ao!”

Naba 24:4

Igne nogna cheke mae ihei te nomhini chekegna God na. Uve, igne nogna cheke mae ihei te filoni ka mifi unha te mei funu ka God te nolaghi.

Naba 12:6

Aonu Lord ne cheke eghu ka repa, “Ghopa fanomho fakeli ka nogu cheke iara gre! “Ne au nga kaisei mae profet balumi ghotilo nu, iara ginauna mei ka nogna mifi mana re, eghuteuna iara ginauna facheke balugna ka nogna mifi mana tuare.

Jenesis 31:11

Ka mifi igne, nogna engel God na ne cheke eghu ka iara, ‘Jekop!’ Iara ne cheke eghu, ‘Hoe.’

Jenesis 22:11

Nu engel nogna Lord na au neu kligna ne eha eghu ka mana, “Ebraham! Ebraham!” Mae Ebraham ne cheke eghu, “Iara au teu ao Lord.”

Jenesis 22:1

Ke leghugna igne God neke fariuriuni mae Ebraham. Kaisei narane God kiloni mae Ebraham ne cheke eghu ka mana, “Ebraham.” Mae Ebraham ne cheke eghu, “Iara au teu ao Lord.”

Jenesis 15:13

Aonu Lord ne cheke eghu ka mae Ebram, “Tutuani fara te chekeni iara na, thumu iagho gre ginauna na tei au ka nodi kantri keha naiknoi. Eghuteuna naiknogna namono te tei au mare tagna tuana ginauna paradi mare nabagna fati gobi finogha. Thumu iagho gre ginauna na mala sneka mala loku ranghidi mare.

Mae Khuru 10:13

Mae Pita ne nomhini kaisei naogla ne cheke eghu, “Ghema Pita, kegra haghe mala falelehe glepo are mala ima.”

Jenesis 20:3

Nu kaisei bongi mae Abimelek ne mifi, God ne mei cheke eghu ka mana, “Gaꞌase te hata iagho igne la tolaghihi, eghume iagho ginauna na lehe eghu.”

Jajis 7:9

Ka bongi tuana, Lord ne cheke eghu ka Gidion, “Gidion, kegra haghe! Tei magra ka armigna Midian. Iara ginauna togho nigho iagho mala uludi mare!

Profet Sekaraea 1:8

Ka bongi, iara ne filoni kaisei mifi. Ka mifi igne iara ne filoni kaisei engel nogna Lord ne gnokro ka hose ukru te kegra ke paridi gaju ikoi te kiloni mare matel ka kaisei glogu ikoi. Ke leghugna mana keha mae gnokro ke kligna hose te ukru, nei hose te via, nei hose te vegha.